Ezek 34:8 - ÎVUKU RÎA ÛVORO MWARO

⁸ Wata ûrîa nie Ngai-Mûnene ndûûraga mwoyo nîramwîra atî nîmwatiganîrie ng'ondu ciakwa na ituîkîte cia kûrîwa nî nyamû cia kîthaka nîûndû itirî na mûrîthi. Arîthi akwa maticaragia ng'ondu irîa ciûrîte, nwatî nîkwa mairîcaga vandû va kûirîthia.

Ezek 34:8 ပူးပေါင်းရင်းမြစ်များ

Ezek 34:10

Nie Ngai-Mûnene Ngai nîndeganîte namue. Nîngaamûcuna ng'ondu irîa mûrî nacio na ndigetîkîra mûtuîke arîthi a cio. Mue ene mûtigaacoka kwîguna nacio rîngî. Nîngaaivonokia kuuma kûrî mue nîguo itigatuîke nyama cienyu.

Ezek 34:18

Amwe enyu marîcaga nyaki îrîa mbaro na magakinyanga îrîa matakwenda. Manyunyaga manjî marîa maro na marîa matigara makaunjuga na magûrû!

Ezek 34:31

“Mue nîmue ng'ondu ciakwa, ng'ondu cia ndîthia yakwa, nanie nînie Ngai wenyu. Ûguo nîguo nie Ngai-Mûnene Ngai mbugîte.”

Ezek 34:7

“Kwoguo mue arîthi, thikîrîriani ûrîa nie Ngai-Mûnene ngûmwîra.

Ezek 34:9

Kwoguo thikîrîriani mue arîthi mwîgue ûrîa ngûmwîra.

Ezek 36:4

Kwoguo, Mue irîma cia Isiraeli, thikîrîriani ûrîa Ngai-Mûnene akûmwîra mue irîma namue tûrîma, mue nyûnjî na cianda; wana kûndû kûrîa gûtigîtwe kûrî werû na matûûra marîa mathame, nîmûtavîtwe na mûgatuîka kîndû gîa kûthekererwa nî mavûrûri marîa mengî mamûthiûrûrûkîrîtie.

Zakaria 10:2

Andû matuîragia maûndû kûrî ngai cia mana, na aragûri makoona cioneki cia maveeni; iroto ciao ciîthagîrwa irî cia maveeni, na kûmanîrîria kwao nîkwa mana. Kwoguo andû maûrûraga ta ng'ondu; mavinyagîrîrua nîûndû matirî na mûrîthi.

Ciîko 20:29

Nie nîmbîcî atî narîkia kûthiî, andû amwe mekariî ta ciathi mbaganu nîmagaaûka na matigaacaîra ndîthia.

Ciîko 20:33

Nie ndianacumîkîra sîlûva, thaavu kana nguo cia mûndû wana ûrîkû.

1Akor 9:15

Nwatî ndianatûmîra wana kîmwe Kîam ivooto ino na ndirandîka ûguo rîu nîguo atî ngîe na kîmwe gîa cio. Wana nî kava ngue gûkîra mûndû anjune kîrîa gîtûmaga nîtîîe.

2Pet 2:13

Kwoguo nîmakaathînua nîûndû nîmatûmîte andû eengî mathînîke. Ûndû ûrîa ûmakenagia nî gwîka maûndû marîa makenagia mîîrî yao mûthenya cararûkû. Nîmatûmaga mûconoke na mûcambe rîrîa maûka marugarî menyu. Vîndî îo yonthe mûrî nao methagîrwa magîkenera mîtugo yao mîcûku.

Juda 1:12

Andû acio maticonokaga vîndî îrîa makûrîcanîra namue mekariî ta maroro ma gîko vîndî îrîa mûrî marugarî ma ngwatanîro. O merîthagia o ene tu. Mekariî ta matû matarî mbura, marîa mavurutagwa nî rûkûngi. Mekariî ta mîtî vîndî ya thano îrîa îtagîcaga na maciaro. Mekariî ta mîtî mîkûûre na îkaûma viû.