Ezek 34:2 - ÎVUKU RÎA ÛVORO MWARO

² “Mûndû, rathîra arîthi a Isiraeli na ûmere ûrîa nie Ngai-Mûnene Ngai mbugîte. Meere atî marî na thîna nîûndû merîthagia o ene. Anga arîthi matiagîrîrwe nî kûrîthia ng'ondu?

Ezek 34:2 ပူးပေါင်းရင်းမြစ်များ

2Sam 5:2

Wana mbererî rîrîa Saûlo aarî mûthamaki wetû, nîwe watongoririe andû a Isiraeli makîthiî mbaararî na makînûka. Ngai-Mûnene nîwakwîrîre atî nîûgaatuîka mûrîthi wa andû ake na ûtuîke mûtongoria wao.”

Isaia 40:11

Akaarîthia ndîthia yake ta mûrîthi, agaacokanîrîria tûgondu na njara ciake, na atûkuue atuigîrîrîte kîthûrirî gîake, na atongorerie ng'ondu irîa irongithia wa kavora.

Isaia 56:11

Mekariî ta ngui ngoroku, irîa itavaaga. Arîthi acio matirî ûmenyo; onthe nîagarûrûku na wa mûndû akethiîra njîra yake ke mwene, wa mûndû acaragia ûrîa akwîguna ke mwene.

Jeremia 10:21

Nîûndû arîthi nî irimû, na mativoyaga Ngai-Mûnene kîrîra, kwoguo methîrîtwe matakûthiî na mbere, na ng'ondu ciao cionthe ikanyagania.

Jeremia 12:10

Arîthi eengî nîmacûkangîtie mûgûnda yakwa ya mîthavibu, nîmakinyangîte mîgûnda yakwa, nîmatûmîte vûrûri wakwa ûrîa mwaro ûtuîke werû.

Jeremia 2:8

Athînjîri-Ngai matiaûria atîrî, ‘Ngai-Mûnene arî kû?’ Arîa maarî na ûûgî wa Watho matiamenya, athani nîmareganire nanie. Arathi maarathire na rîîtwa rîa Baali na makîgooca mîvuanano îrîa îtarî vata.”

Jeremia 23:1

Ngai-Mûnene arauga atîrî, “Arîthi arîa maûragaga ng'ondu cia ndîthia yakwa, kaî marî na thîna-î!”

Jeremia 3:15

“Nîngamûva arîthi arîa makambathîkagîra, arîa makamûrîthagia marî na ûûgî na ûmenyo.

Ezek 13:19

Mue nîmûmbagithîtie gîtîîo mbere ya andû akwa nîûndû wa kûvewa îvaki rîa cairi ya ngundi na tûirio tûnini. Nîmûragithîtie andû arîa matagîrîrwe nî kûragwa na mûkavonokia andû arîa matagîrîrwe nî gûtûûra mwoyo na njîra ya kûveenia andû akwa nao magetîkia maveeni menyu.’ ”

Ezek 22:25

Atongoria enyu mekariî ta mûnyambû ûkûrarama ûgîtambururanga nyamû îrîa ûragîte. Maûragaga andû na makamacuna indo ciao cia goro, na nîmatûmîte aka eengî matuîka a ndigwa.

Ezek 33:24

“Mûndû, andû arîa matûûraga matûûrarî marîa momomoku vûrûrirî wa Isiraeli maugaga atî, ‘Iburahimu aarî mûndû ûmwe tu, na vûrûri ûyû wonthe warî wake. Tue tûrî eengî na kwoguo tûrîave vûrûri ûyû ûtuîke wetû.’

Ezek 34:1

Ngai-Mûnene nîwambîrire atîrî,

Ezek 34:14

Nîngaairîthia kûndû kûrî na nyaki mbaro îgûrû rîa irîma cia Isiraeli. Nîikaamama kûndû kûrî na nyaki mbaro ya kûrîwa, na nîikaagîa na kûndû kwaro gwa kûrîa kûu irîmarî cia Isiraeli.

Ezek 34:15

Nie mwene nînie ngaatuîka mûrîthi wa ng'ondu ciakwa, na nîngaatûma ivurûke. Nie Ngai-Mûnene Ngai nînie mbugîte ûguo.

Amosi 6:4

Mue arîa mûmamagîra itanda cia mîguongo kaî mûrî na thîna-î, na mûgatambararia itîîrî cia cûva, mûkîrîcaga nyama kuuma ndîthiarî cia ng'ondu, na nyama cia njaû kuuma ndîthiarî cia ng'ombe.

Zakaria 11:17

Mûrîthi ûcio wakwa ûtarî mwaro arî na thîna, ûcio ûtiganagîria ndîthia ya ng'ondu! Arotinua njara yake na arokûrwa ritho rîake rîa mwena wa ûrîo. Tiga njara yake îtuîke kîonje vuru na ritho rîake rîa mwena wa ûrîo rîûre ûrû!”

Johana 10:8

Arîa onthe maaûkire mbere yakwa nî aîi na acunani, nwatî ng'ondu itiamathikîrîria.

Ciîko 20:26

Kwoguo ûmûnthî ûyû nie nîvîta atî mûndû wana ûmwe gatagatîrî kenyu angîkaaûra, nie ndikaûrua nthakame yake,

Ciîko 20:29

Nie nîmbîcî atî narîkia kûthiî, andû amwe mekariî ta ciathi mbaganu nîmagaaûka na matigaacaîra ndîthia.

Aroma 16:18

Nîûndû andû arîa mekaga maûndû ta mau matungatagîra mavu mao, nwatî tî Mwathani wetû Jesû Kristû. Na njîra ya ciugo ciao mbaro na mîario yao îrî na mûrîo, andû acio nîmaveenagîrîria andû arîa marî ngoro mvûthû.

2Akor 12:14

Rîîrî rîu nî riita rîa kathatû nîvarîrîtie gûka kûmûcerera. Nie ndigeetia kîndû kuuma kûrî mue. Nîmue ngwenda nwatî tî mbeca cienyu nîûndû ciana iticaragîria aciari ao, nwatî aciari nîo macaragîria ciana ciao.

2Pet 2:3

Nîûndû wa ûkoroku wao, arimû aya a maveeni magetongagia na njîra ya kûmûganîra ng'ano cia gwîtungîra. Na kwa îvinda îraca Mûmacirithia ethîrîtwe evarîrîtie, na mûmacûkangia atamamiî!

Juda 1:12

Andû acio maticonokaga vîndî îrîa makûrîcanîra namue mekariî ta maroro ma gîko vîndî îrîa mûrî marugarî ma ngwatanîro. O merîthagia o ene tu. Mekariî ta matû matarî mbura, marîa mavurutagwa nî rûkûngi. Mekariî ta mîtî vîndî ya thano îrîa îtagîcaga na maciaro. Mekariî ta mîtî mîkûûre na îkaûma viû.