Ezek 34:18 - ÎVUKU RÎA ÛVORO MWARO

¹⁸ Amwe enyu marîcaga nyaki îrîa mbaro na magakinyanga îrîa matakwenda. Manyunyaga manjî marîa maro na marîa matigara makaunjuga na magûrû!

Ezek 34:18 ပူးပေါင်းရင်းမြစ်များ

Kîam 30:15

Nwatî Lea nîwamûûririe atîrî, “Nîtakuga ndûrî mwîganîre nî kûnjuuna mûthuuriwa? Rîu ûrenda gûkuua matunda mau mekariî ta nathi ma mûvîcîwa.” Rakeli nîwaugire atîrî, “Ethîrwa nîûkûmva matunda mau mekariî ta nathi nîûkûmama na Jakovu ûtukû ûyû wa ûmûnthî.”

2Sam 7:19

Nwatî wonete kau karî kaûndû kanini we Mwathani Ngai-Mûnene. Nîûthondekete ciîranîro îgûrû rîgiî njiarwa ciakwa mîaka mîîngî îgaaûka. Na nîwîtîkîrîte mone ûndû ûyû, we Mwathani Ngai-Mûnene!

Nthi 25:26

Mûndû mûthingu ûrîa ûrûmagîrîra mûndû mwaganu, ekariî ta îtherûkîro rîa manjî rîrî riunjuge kana kîthima kîrî na gîko.

Isaia 32:6

Nîûndû irimû ciaragia ûrimû, na meciria ma cio mavangaga maûndû macûku. Mekaga maûndû matarî ma ûngai, maragia maûndû ma gûcambia Ngai-Mûnene. Matigaga andû arîa avûtu matarî avau, na makaima arîa anyondu gîa kûnyua.

Isaia 7:13

Nake Isaia nîwacokirie atîrî, “Tathikîrîriani mue andû a nyomba ya Daudi! Nîmûnogetie andû, atî nwa mûkwenda kûnogithia Ngai wanake?

Ezek 16:20

“Makîria ma ûguo, nîwacokire ûkînyita anake na erîtu aku, acio wanjiarîre na ûkîmaruta marî îgongoona kûrî mîvuanano îo nîguo marîwe mathire. Anga ûndû ûcio waku wa ûmaraa warî ûndû mûnini,

Ezek 16:47

Kûnarî ûguo we ndwaneganîra ûrûmîrîra mîtugo yao kana wîka ta ûrîa o meekaga maûndû marî na magigi. Takwa ûndû ûcio ûtaarî mûnene, we nîwatuîkire mûcûku mûno na ûkîmakîra onthe mîthiîrerî yaku.”

Ezek 32:2

“Mûndû, ina rwîmbo rwa macakaya nîûndû wa mûthamaki wa Misiri na ûmwîre: We mûthamaki wa Misiri wîtucaga ta mûnyambû gatagatî ka ndûrîrî, nwatî we wîkariî ta njûnamatu îrî manjîrî. Umagîra manjîrî na vinya na ûkaunjuga manjî na magûrû maku na ûgacûkia nyûnjî.

Ezek 34:19

Nwanginya ng'ondu ciakwa irîe nyaki îrîa mûkinyangîte na inyue manjî marîa munjugîte na magûrû menyu?

Mika 2:2

Meriragîria mîgûnda, makathiî na makamîoca; meriragîria nyomba, makathiî na magacioca; mavinyagîrîria mûndû na andû a mûciî wake, na magacuuna andû indo ciao.

Ndari 16:13

Ûguo wekire nî mwîganu! Watûrutire Misiri vûrûri warî na îriia na ûûkî, na ûgîtûrete gûkû werûrî nîguo ûtûragîre kuo? Wana rîu ûrenda gûtwatha?

Ndari 16:9

Mue nîmwîcî atî Ngai wa Isiraeli aamûthuurire kuuma gatagatîrî ka andû acio engî a Isiraeli na akîmûtua a gûtungata îgemarî rîa Ngai-Mûnene na gûtongoria andû a Isiraeli kûgooca Ngai-Mûnene na njîra îrîa yagîrîrîte. Nî ûndû ûrîkû wîngî mûrenda?

Mathaayo 23:13

“Na kaî mue arimû a Watho na Afarisai mûrî na thîna-î! Mue mvinga ino! Mue mûvingagîrîria andû matigatonye ûthamakirî wa îgûrû. Nwatî mue ene mûtitonyaga kana mûgetîkîria arîa marenda gûtonya matonye. [

Luka 11:52

“Na kaî mue arimû a watho mûrî na thîna-î! Nîûndû mue mûrî aigu cavi îrîa îrugûraga mûrango wa gûtonya nyombarî îrîa andû magîcagîra ûmenyo. Mue mûtirî atonyu nyombarî îo na nwakwa mûragirîrîria andû arîa marenda gûtonya!”