Ezek 34:12 - ÎVUKU RÎA ÛVORO MWARO

¹² Wata ûrîa mûrîthi acaragia ng'ondu irîa inyaganîtie, nîguo nie ngaacaria ng'ondu ciakwa na nîivonokie kuuma kûrîa kuonthe inyaganîrîtie mûthenya ûrîa gûkethîrwa kûrî na matu na nduma nene.

Ezek 34:12 ပူးပေါင်းရင်းမြစ်များ

Nthi 27:23

Rîthagia ndîthia ciaku waro, na ûmenyagîrîre ng'ondu na mbûri ciaku waro;

Isaia 40:11

Akaarîthia ndîthia yake ta mûrîthi, agaacokanîrîria tûgondu na njara ciake, na atûkuue atuigîrîrîte kîthûrirî gîake, na atongorerie ng'ondu irîa irongithia wa kavora.

Isaia 50:10

Nû gatagatîrî kenyu wîtigîrîte Ngai-Mûnene na wathîkagîra mûgambo wa ndungata yake, wana ethîrwa athiîcagîrîra ndumarî atarî na ûtheri, nîevokete Ngai-Mûnene na nîevokaga Ngai wake.

Isaia 56:8

Nie Mwathani Ngai mwene vinya wonthe, nînie nacokanîrîrie andû akwa, Aisiraeli kuuma îthamîriorî. Nîngaacokanîrîria andû arîa engî mathiî maûngane vamwe nao.

Jeremia 13:16

Kumiani Ngai-Mûnene Ngai wenyu mbere ya areta nduma, na mbere ya mûvîngwa nî nduma îrîa îrî irîmarî. Mûkerirîria kwona ûtheri, nwatî agaatûma ûtuîke nduma nene.

Jeremia 23:3

Nîngaacoka nyûnganie matigari ma ng'ondu ciakwa kuuma mavûrûrirî monthe kûrîa nîinyaganîrîtie, na nîicokie ndîthiarî ciacio. Nîigaacoka iciarane na ciongerereke.

Jeremia 31:10

Mue mavûrûri, tathikîrîriani kiugo Kîam Ngai-Mûnene, na mûkîanîrîre mavûrûrirî marîa marî kûraca, mûmeere atî: ‘Ûrîa wanyaganirie andû a Isiraeli, nîakaamacokanîrîria, akamamenyerera ta ûrîa mûrîthi amenyagîrîra ng'ondu ciake.’

Jeremia 31:8

Taroria nîngamareta kuuma vûrûri wa mwena wa rûgûrû na nîmacokanîrîrie kuuma mîthiia yonthe ya nthî. Magaacoka marî gîkundi kînene, gatagatîrî kao kûrî ndumumu cionje na ithua, aka arîa marî na mavu na arîa marî vakuvî gûciara.

Jeremia 33:12

Ngai-Mûnene mwene vinya wonthe arauga atîrî, “Kûndû gûkû gûtarî andû kana nyamû cia kîthaka, matûûrarî ma kuo monthe nîgûgaatuîka kûndû kwaro gwa kûrîthia ng'ondu ciao.

Ezek 30:3

Nîûndû îvinda rîrî vakuvî, mûthenya wa Ngai-Mûnene ûrî vakuvî, ûkethîrwa ûrî mûthenya wîna matu, mûthenya wa kûthirua kwa ndûrîrî.

Ezek 32:7

Vîndî îrîa ngaakûthiria, nîngaakunîkîra matu na ndûme njata cia îgûrû ituîke nduma. Nîngaakunîkîra riûa na matu naguo mweri nîûgaatiga kûruta ûtheri waguo.

Zefania 1:15

Ûcio ûkethîrwa wî mûthenya wa marakara, nî mûthenya wa mathîna na marûrû, nî mûthenya wa nduma na kîeva, nî mûthenya wa gûcûkangua, nî mûthenya wa matu na nduma nene,

Zakaria 10:3

Ngai-Mûnene mwene vinya wonthe augîte atîrî, “Nîndakarîtue mûno nî arîthi, na nîngaaverithia atongoria nîûndû Ngai-Mûnene nî amenyagîrîra andû ake a Juda; nîakaamatua ta mbarathi ciake cia mbaara irî na vinya.

Zakaria 9:16

Mûthenya ûcio Ngai-Mûnene, Ngai wao nîakaamavonokia, nîûndû nî ndîthia ya andû ake. Andû ake magaakengaga marî vûrûrirî wake, ta ûrîa îthiga rîa goro rîkengaga rîrî ngoviarî ya mûthamaki.

Luka 15:8

“Kana ethîrwa mûndûmûka arî na ciringi îkûmi cia sîlûva, na îmwe yacio yûre-î, ekaga atîa? Na kinthî ndagwatagia taa, na akavaata nyomba agîcaragia ciringi îo na vinya nginya rîrîa akaamîona?

Luka 19:10

Nîûndû Mûrû wa Mûndû aaûkire gûcaria na kûvonokia andû arîa maûrîte.”

Johana 10:16

Na nîrî na ng'ondu ciîngî ciakwa itarî rwagarî rûrû, na nwa nginya wa nacio nîirete. Nacio nîikûthikîrîria mûgambo wakwa, na cionthe vamwe ituîke cia ndîthia îmwe na igîe na mûrîthi ûmwe.