Ezek 33:9 - ÎVUKU RÎA ÛVORO MWARO

⁹ Nwatî ûngîkaania mûndû mwaganu nîguo atige mîthiîre yake ya waganu na arege, nîagaakua nîûndû wa mevia make nawe nîûkaavonokia mwoyo waku.”

Ezek 33:9 ပူးပေါင်းရင်းမြစ်များ

Nthi 15:10

Andû arîa matiganagîria njîra îrîa ya ma nîmakaaverithua mûno; mûndû ûrîa ûtendaga kûrutwa mavîtia nîagaakua.

Nthi 29:1

Mûndû ûrîa ûkaanagua ûndû maita meengî akîûmagia kîongo, agaacûkangua wa rîmwe ûndû atangîvona.

Ezek 3:19

Nwatî ûngîkaania mûndû mwaganu na arege gûtiga waganu wake na mîthiîre yake mîcûku, mûndû ûcio mwaganu nîagaakua nîûndû wa waganu wake, nwatî we nîûkaavonokia mwoyo waku.

Ezek 3:21

Nwatî ûngîkaania mûndû mûthingu ndakevie na arege kwîvia, nama mûndû ûcio nîagaatûûra mwoyo nîûndû nîeguîte ûkîmûkaania nawe nîûkethîrwa ûvonoketie mwoyo waku.”

Ezek 33:3

Mûndû ûcio angîona nthû ciûkîte vûrûrirî ûcio nwa avuve karumbeta nîguo amenyithie andû.

Ezek 33:4

Mûndû angîgua karumbeta ka mbaara na arege kwîmenyerera na mbaara yumîre na mûndû ûcio aûragwe, nîke ûgaacokererwa nî gîkuû gîake ke mwene.

Ezek 33:6

Nwatî mûrangîri angîona nthû ciûkîte na arege kûvuva karumbeta andû mamenyithue, nthû ciaûka nîikaûraga andû nîûndû wa mevia mao, nwatî gîkuû Kîam andû acio gîkaarîvua mûrangîri.

Luka 12:47

“Nayo ndungata îrîa îcî ûndû ûrîa mwathi wayo endaga îke, nwatî ndîvaragîria wana kana îîke ûndû ûcio, nîkaavewa îvera rîa kûrivwa mûno na kîvoko.

Johana 8:24

Na nîkîo namwîra atî mwona mwathiî na mbere na kwîvia, mûgaakua. Na mûgaakua mûrî wana mevia menyu angîthîrwa mûtigwîtîkia atî ‘Nie Nînie Nie’ ”

Ciîko 13:40

Kwoguo îîmenyerereni nîguo mûtigaacokwe nî maûndû marîa maarirue nî arathi atî:

Ciîko 13:41

‘Tathikîrîriani anyûrûrania aya! Makani na Mûkue! Nîûndû ûndû ûrîa nie ngwîka ûmûnthî ûyû mue tî mwîtîkia, wana mwataarîrua guo, nî mûndû!’ ”

Ciîko 13:46

Nwatî Paûlo na Baranaba nîmaaririe maûmîrîrîtie mûno na makiuga atîrî: “Kûrarî na vata kiugo Kîam Ngai Kîammbe kîvunjue kûrî mue. Nwatî nîûndû nîmwakîrega na mwetuîra wa mue ene atî mûtirona mûrî agîrîru a kûvewa mwoyo wa tene na tene, tue rîu nîtûkûmûtiga na tûthiî kûrî andû a ndûrîrî.

Ciîko 20:26

Kwoguo ûmûnthî ûyû nie nîvîta atî mûndû wana ûmwe gatagatîrî kenyu angîkaaûra, nie ndikaûrua nthakame yake,

1Ath 5:14

Ariû na aarî a îthe wetû, tûramûthaitha mûkanagie igûta itige ûgûta, ûmagîrîriani iguoya, tethagiani arîa matarî na vinya na mûkiragîrîrie andû onthe.

Ahib 12:25

Kwoguo îîmenyerereni na mûtikarege kwîgua mûndû ûrîa ûkwaria. Andû arîa maaregire kwîgua ûrîa wavecanaga ndûmîrîri kuuma kûrî Ngai matiavonoka. Wa natue tûtingîvonoka ethîrwa nwa tûrege kwîgua ûrîa waragia kuuma îgûrû!

Ahib 2:3

Tûngîrega kûverithua atîa tûngîtiganîria ûvonokio mûnene ta ûyû? Mwathani nîke warî wa mbere kwanîrîra ûvonokio ûyû, natue nîtwamenyithirue atî nî wa ma nî arîa maamwîgwire.