Ezek 33:8 - ÎVUKU RÎA ÛVORO MWARO

⁸ Nîngîkera mûndû mwaganu atî nî agaakua, ûkaamwîra guo. Ûngîkaarega kûmûkaania nîguo atige mîthiîre yake ya waganu, mûndû ûcio nîagaakua nîûndû wa mevia make nawe nîngaakûrîvia gîkuû gîake.

Ezek 33:8 ပူးပေါင်းရင်းမြစ်များ

Kîam 2:17

tiga matunda ma mûtî ûrîa ûmenyithanagia maûndû maro na macûku. Ndûkanarîe matunda ma mûtî ûcio nîûndû vîndî îrîa ûkaamarîa, nwanginya ûgaakua.”

Kîam 3:4

Nwatî njoka nîyerire mûndûmûka atîrî, “Mau nî maveeni, mûtingîkua.

Nthi 11:21

Menyani nama atî nwanginya andû arîa acûku makaaverithua, nwatî andû arîa athingu nîmakaavonokua.

Mûvunjia 8:13

Nwatî gûtikethîrwa kûrî kwaro kwa andû arîa aganu. Ûtûûro wao ûkaathira ta kîruru, na magaakua matarî akûrû, nîûndû matiîtigîrîte Ngai.

Isaia 3:11

Nwatî kaî andû arîa aganu marî na thîna-î, Nîûndû maûndû marîa mekîte andû arîa engî nwamo mageekwa.

Ezek 18:18

Ûvoro wîgiî îthe, ke nîwavinyanagîrîria, nîwacunire mûrwang'ina kîndû, na nîwekire andû ao maûndû mataarî maro, kwoguo îthe nîagaakua nîûndû wa mevia make marîa ekire.

Ezek 18:20

Roho ûrîa ûvîtagia nîguo ûgaakua. Mwana ndakaaverithua nîûndû wa mavîtia ma îthe na îthe ndakaaverithua nîûndû wa mavîtia ma mwana. Mûndû ûrîa mûthingu nîûgaacokererwa nî ûthingu wake ke mwene, na mûndû ûrîa mwaganu nî agacokererwa nî waganu wake ke mwene.

Ezek 18:4

Atîrî, mîoyo yonthe nî yakwa. Mwoyo wa îthe na wa mwana yoîrî nî yakwa. Mwoyo ûrîa ûvîtagia nîguo ûgaakua.’

Ezek 3:18

Nîngîkera mûndû mwaganu atî nama nîagûkua nawe ûrege kûmûkaania nîguo agarûrûke avonokie mwoyo wake; mûndû mwaganu nîagaakua nîûndû wa waganu wake, nawe nîngaakûrîvia nthakame yake.

Ezek 33:14

Wana rîngî nwambîre mûndû mwaganu atî, ‘Nama we nîûgaakua.’ Kûnarî ûguo angîgarûrûka atige kwîvia na acoke gwîka maûndû ma kîvooto na marîa magîrîru,

Ezek 33:6

Nwatî mûrangîri angîona nthû ciûkîte na arege kûvuva karumbeta andû mamenyithue, nthû ciaûka nîikaûraga andû nîûndû wa mevia mao, nwatî gîkuû Kîam andû acio gîkaarîvua mûrangîri.

Ndari 27:3

“Vava aakuîrîre werûrî na ndaarî na mwana wa kavîcî. Ke ndaarî ûmwe wa arûmîrîri a Kora, arîa maagomanire na makîregana na Ngai-Mûnene. Ke aakwire nîûndû wa mevia make.