Ezek 33:7 - ÎVUKU RÎA ÛVORO MWARO

⁷ “Kwoguo, we mûndû, nîngûthuurîte ûtuîke mûrangîri wa andû a Isiraeli. Vîndî cionthe ûngîkegua kiugo kuuma kanyuarî gakwa, ûgakaania andû a Isiraeli ûrîa ngaakwîra ûmakaanie.

Ezek 33:7 ပူးပေါင်းရင်းမြစ်များ

1Atha 22:14

Nwatî Mikaia nîwaugire atîrî, “Nevîta na Ngai-Mûnene ûrîa ûtûûraga mwoyo atî nie nîmbuga ûrîa Ngai-Mûnene akûmbîra mbuge!”

2Maû 19:10

Rîrîa andû enyu arîa matûûraga matûûrarî mao makaamûretera ciira îgiî kûûragana, kuna watho, maathani, kana matuîro ma ciira, nwanginya mûkaamataaraga waro nîguo matikaavîtîrie Ngai-Mûnene. Mwarega kûmataara, nîmakeevia na Ngai-Mûnene nîîkarakara nî mue wana andû enyu, nwatî mwamataara mûtikethîrwa mûrî na mavîtia.

Rwîmbo rwa Nyîmbo 3:3

Arangîri a îtûûra nîmaamonire makîthiûrûrûka îtûûra. Nînaamaûririe atîrî, “Mûrîamoneru mwendwa wakwa?”

Rwîmbo rwa Nyîmbo 5:7

Arangîri a îtûûra makîthiûrûrûka nîmaamonire. Nîmaandivire na makîndivia; arangîri a îtûûra nîmaanjunire cuka yakwa.

Isaia 21:11

Îno nî ndûmîrîri nene îgiî Edomu, nînîregua mûndû agîtana kuuma Seiru, “Mûrangîri, ûtukû ûtigarîtie vegana atîa ûthire? Gûgaakîa rî?”

Isaia 62:6

We Jerusalemu, nîmbigîte arangîri nthingorî ciaku, gûtirî vîndî magaakira mûthenya kana ûtukû. Mue namue mûririkanagia Ngai-Mûnene ciîranîro ciake, mûtigakire.

Jeremia 1:17

Nwatî we Jeremia, îîvarîrie na ûthiî ûkamere maûndû monthe marîa ngûkwatha. Ndûkamakue nî o nîguo ndigatûme ûmake ûrî mbere yao.

Jeremia 23:28

Mûrathi ûrîa ûrotete nîavecane ûvoro wa kîroto gîake, nwatî mûrathi ûrîa ûrî na ndûmîrîri yakwa nîamîvecane na wîvokeku. Nie Ngai-Mûnene nîrauga atîrî, ‘Ngano tî ûndû ûmwe na rûûa.’

Jeremia 26:2

“Rûngama nja ya hekarû na warîrie andû a matûûra ma Juda arîa maûkaga gûkû hekarûrî kûgooca, ûmeere maûndû monthe marîa ngûkwatha ûtagûtigîrîra wanarî kiugo.

Jeremia 31:6

Nîûndû mavinda nîmagaakinya rîrîa arangîri magetana marî vûrûrirî ûrîa ûrî irîma wa Efiraimu; mauge atî, ‘Ûkîrani tunûkie Zayuni kûrî Ngai-Mûnene Ngai wetû.’ ”

Jeremia 6:27

Jeremia, nîngûtuîte mûndû wa gûtuîria, na wa kûthima andû akwa, nîguo ûtuîrie na ûmenye mîthiîre yao.

Mika 7:4

Ûrîa mwaro mûno ekariî ta ria, na ûrîa mwathîki mûno ekariî ta mûgûnda wa mîgua. Îvinda rîa kûverithua nî Ngai nî rîkinyu, na rîu nîavîngîcîku.

Habakuku 2:1

Nie nîngûrûngama vandû ndorererie, na mbîkare îgûrû rîa nyomba ndaca na îgûrû, mbeterere mbîgue ûrîa Ngai-Mûnene akûmbîîra, na ûrîa agaacokia ûvoro wîgiî mateta makwa.

Ciîko 20:20

Mue nîmwîcî nînaamûvunjîrie na ndiamûthithaga ûndû wana ûrîkû ûrîa ûngîamûgunire. Mue nîmwîcî nînavunjirie na ngîthomithania mbere ya andû na ngîvunjia mîciîrî yenyu.

Ciîko 5:20

“Thiîni mûrûngame hekarûrî na mwîre andû maûndû monthe megiî mûtûûrîre ûyû mûcerû.”

1Akor 11:23

Kîrîra kîrîa namûveere nakîamûkîre kuuma kûrî Mwathani; atî Mwathani Jesû, ûtukû ûrîa aacukanîrîrwe nîwocire mûgate,

1Akor 15:3

Ûvoro wa mbere na wa vata mûno ûrîa namûkinyîrie na ûrîa wa nanie naamûkîre nî atî: Kristû nîwakwire nîûndû wa mevia metû, wata ûrîa kwandîkîtwe Mandîkorî Matheru.

Aefeso 4:11

Ke nîke wavecanire iveo kûrî andû. Aathuurire amwe matuîke atûmwa, engî matuîke arathi, engî matuîke avunjia a Ûvoro Mwaro na engî matuîke arîthi na arimû.

Ahib 13:17

Athîkagîrani atongoria enyu na mûrûmagîrîre maûndû marîa mamwathaga mwîke. Nîo mamenyagîrîra mîoyo yenyu na nwanginya makeera Ngai ûrîa maarutaga wîra wao. Ethîrwa mûkaamathîkagîra makaarutaga wîra wao marî na gîkeno. Ethîrwa mûtikaamathîkîra, makaûrutaga matarî na gîkeno na kwoguo mûtingîtetheka.