Ezek 33:12 - ÎVUKU RÎA ÛVORO MWARO

¹² “Nawe mûndû arîria andû enyu ûmere atî mûndû mûthingu angîvîtia, ûthingu wake ndûngîmûvonokia. Nake mûndû mwaganu angîtiga waganu, ndakaaverithua. Mûndû mûthingu angîtiga ûthingu wake acoke kwîvia ndagaatûûra mwoyo.

Ezek 33:12 ပူးပေါင်းရင်းမြစ်များ

2Maû 7:14

ethîrwa andû akwa arîa metanîtue na rîîtwa rîakwa nîmakaavera, mavoe na magarûrûke matige mîthiîre yao mîcûku, nîngaamegua nîrî îgûrû na nîngaamovera mevia mao na mvonie vûrûri wao.

Jeremia 18:10

nwatî vûrûri kana ûthamaki ûcio ûgarûrûke na wambîrîrie gwîka maûndû macûku mbere yakwa, nîngericûkwa ndige kûwîka maûndû maro marîa navangîte gûwîka.

Jeremia 18:8

naguo vûrûri ûcio narîtie ûvoro waguo ûgarûrûke ûtigane na maûndû macûku, nîngericûkwa ndige gûûcûkangia wata ûrîa navangîte.

Ezek 18:21

“Nwatî mûndû mwaganu angîtiga maûndû monthe macûku marîa ekîte na acoke kûrûmagîrîra mawatho makwa na ekage maûndû marîa magîrîrîte na ma ma, ndagaakua. Mûndû ûcio nî agaatûûra mwoyo.

Ezek 3:18

Nîngîkera mûndû mwaganu atî nama nîagûkua nawe ûrege kûmûkaania nîguo agarûrûke avonokie mwoyo wake; mûndû mwaganu nîagaakua nîûndû wa waganu wake, nawe nîngaakûrîvia nthakame yake.

Ezek 33:2

“Mûndû, arîria andû enyu na ûmere atî, vûrûrirî mûna kûngîgîa mbaara, nwa ndûme andû a vûrûri ûcio mathuure mûndû ûmwe gatagatî kao atuîke mûrangîri wao.

Ezek 33:20

Nwatî mue andû a Isiraeli mugaga atî, ‘Njîra cia Mwathani tî cia kîvooto.’ Ngaatuîra wa mûndû kûringana na mîthiîre yake.”

Aroma 3:25

Ngai aavecanire Jesû nîguo na njîra ya gîkuû gîake andû moverwe mevia mao nîûndû wa wîtîkio wao. Ngai ekire ûguo nîguo onanie ûrîa arî mûthingu. Mbererî îo Ngai aatûîre akiragîrîria andû mevia mao.

1Joh 2:1

Ciana ciakwa nîramwandîkîra maûndû mama nîguo mûtikevie. Nwatî mûndû angîvia, tûrî na Jesû Kristû na nî mûthingu. Ke nîke ûtûciragîrîra arî mbere ya îthe.