Ezek 32:30 - ÎVUKU RÎA ÛVORO MWARO

³⁰ “Anene onthe a mwena wa rûgûrû marî kuo, wana andû a Sidoni marî kuo. Onthe nîmaanyûrûrûkire kwa arîa akuû marî na gîconoko ta andû arîa maaûragirwe nîûndû wa guoya îrîa meekagîra andû nîûndû wa vinya ûrîa maarî naguo. Nwatî rîu, mathiîte kwa arîa akuû marî na gîconoko vamwe na andû arîa maaûragirwe vîndî ya mbaara.

Ezek 32:30 ပူးပေါင်းရင်းမြစ်များ

Jeremia 1:15

Rîu, nînîreta mîvîrîga yonthe ya mothamaki ma mwena wa rûgûrû. Nao athamaki a mo nîmakaaiga itî ciao cia ûthamaki mîromorî ya Jerusalemu na maciige ithiûrûkîrîtie nthingo ciarîo na matûûra monthe ma Juda.

Jeremia 25:22

athamaki onthe a Turo na Sidoni; athamaki a mavûrûri marîa marî rûtere rwa îria rîa Mediterania;

Jeremia 25:26

na athamaki onthe a mwena wa rûgûrû, a kûraca na a gûkuvî marûmanîrîrîte vamwe, na mothamaki monthe ma nthî nîmaanyuîrîre gîkomberî kîu. Mûthiiarî, mûthamaki wa Babuloni nîagaakînyuîra.

Ezek 26:20

Nîngaacoka ngûnyûrûrûkie îrimarî kwa arîa akuû nîguo mûgekarage na andû arîa maatûûraga mwoyo tene. Nîngaatûma ûtûûre kûu kwanangîku tene na tene na mûtûûrage kuo na arîa akuû. Gûtirî andû magaaûka gûtûûra kûrî we rîngî, kana ûgîe na vandû vûrûrirî wa arîa marî mwoyo.

Ezek 28:10

Ûgaakua gîkuû kîrî na nthoni mûno ûrî njararî cia andû ageni. Nie Ngai-Mûnene Ngai nînie mbugîte ûguo.”

Ezek 28:21

“Mûndû, vûgûkîra îtûûra rîa Sidoni ûrirathîre ûvoro

Ezek 28:23

Nîngaatûma mîrimû îtûûrarî rîu na nthakame îtûrûrwe tûcîrarî twa rîo. Rîkaatharîkîrwa kuuma mîena yonthe nî nthû, na andû arîa makaaûragwa makaagwa wa kûu îtûûrarî, na nîmûkaamenya atî nie nînie Ngai-Mûnene.”

Ezek 38:15

kuuma kûrîa ûtûûraga mwena wa rûgûrû kûndû kûraca ûtongoreretie gîkundi kînene Kîam athigari a mbaara, onthe matwîte mbarathi.

Ezek 38:6

Athigari a mbaara a kuuma Gomeri, Bethi-togarima, kuuma mwena wa rûgûrû kûraca viû, na athigari a mbaara kuuma mavûrûrirî mengî marî vamwe nawe.

Ezek 39:2

Nîngaakûgarûra ngûrute na kûu kûraca mwena wa rûgûrû ngûtongorie ûkatharîkîre irîma cia Isiraeli.