Ezek 32:27 - ÎVUKU RÎA ÛVORO MWARO

²⁷ Matikaathikwa vamwe na athigari njamba arîa maaûragirwe tene, arîa maanyûrûrûkire kwa arîa akuû marî na indo ciao cia mbaara. Mviû ciao cia njûra ciaigirwe rungu rwa ciongo ciao, nacio ngo ciao nîciaigîrîrwe îgûrû rîa mîîrî yao. Andû acio njamba maarî na vinya na nîmaamakagia andû arîa marî mwoyo.

Ezek 32:27 ပူးပေါင်းရင်းမြစ်များ

Ayubu 20:11

Mavîndî make mecûrîte vinya wa wîthî nwatî wonthe ûkamama vamwe nake rûkûngûrî.

Thaburi 109:18

Kûrî ke, kûrumana nîta gwîîkîra nguo, irumi icio iromûconja mwîrî wonthe ta manjî, na itonye mavîndîrî ta maguta!

Thaburi 49:14

Mekaraga na magakua ta ng'ondu, gîkuû gîgaatuîka mûrîthi wao. Manyûrûrûkaga mbîrîrarî, kûu nîkuo mîîrî yao îkoorera, kwa arîa akuû gûgaatuîka mîciî yao.

Thaburi 92:7

atî andû arîa aganu nwa makûre ta nyaki, andû arîa mekaga maûndû macûku magîe na maûndû maro; nwatî mûthiiarî onthe nîmakaathirua viû.

Thaburi 92:9

Nama, we Ngai-Mûnene nthû ciaku nîigaakua, andû arîa mekaga maûndû macûku nîmakaanyagania!

Nthi 14:32

Andû arîa aganu macûkangagua nî ciîko ciao njûku, nwatî andû arîa athingu magitagîrwa nî wîvokeku wao.

Isaia 14:16

“Arîa magaakûonaga magaagûkûûragîra metho makîûragia: ‘Ûyû nîke mûndû ûrîa watûmaga nthî îteteme, na agatûma mothamaki mainaine?

Isaia 54:17

Gûtirî indo cia mbaara irîa irûthîtwe cia gûgûcûkangia ikaavota gwîka guo. Mûndû ûrîa ûgaakûthitanga îgootirî nîûkaamûvoota. Rîîrî nîrîo îgai rîa ndungata cia Ngai-Mûnene, na rîu nîrîo îtua rîakwa kûrî o.” Nie Ngai-Mûnene nînie nauga ûguo.

Ezek 18:20

Roho ûrîa ûvîtagia nîguo ûgaakua. Mwana ndakaaverithua nîûndû wa mavîtia ma îthe na îthe ndakaaverithua nîûndû wa mavîtia ma mwana. Mûndû ûrîa mûthingu nîûgaacokererwa nî ûthingu wake ke mwene, na mûndû ûrîa mwaganu nî agacokererwa nî waganu wake ke mwene.

Ezek 26:17

Nao nîmakaaina rwîmbo rwa macakaya nîûndû waku makiugaga atîrî, “We îtûûra rîrarî ngumo, ûrî mûcûkangie, meri ciarîo nîmbûrîru îriarî. Andû a îtûûra rîrî nîo maarî vinya îriarî. Andû onthe arîa matûûraga rûtere rwa îria nîmaagwîtigîrîte.

Ezek 32:21

Atongoria arîa marî vinya, vamwe na andû arîa mamatethagia marî kwa arîa akuû nîmakaaragia ûvoro wîgiî Misiri. Nîmakaaugaga atî andû a Misiri nîanyûrûrûku kwa arîa akuû. Mamamîte vamwe na andû arîa mataicî Ngai, arîa maakuîrîre mbaararî.

Ezek 32:28

“Kwoguo andû a Misiri nîmakaavootwa na mamame gatagatî ka andû arîa matarî aruu arîa maaûragîrwe mbaararî.

Johana 8:24

Na nîkîo namwîra atî mwona mwathiî na mbere na kwîvia, mûgaakua. Na mûgaakua mûrî wana mevia menyu angîthîrwa mûtigwîtîkia atî ‘Nie Nînie Nie’ ”

2Akor 10:4

Indo cia mbaara irîa tûtûmagîra mbaararî yetû tî cia gûkû nthî, nwatî nî vinya wa Ngai. Vinya ûcio nîguo tûtûmagîra gûcûkangia vinya wa nthû cietû na kûthiria ngarari.