Ezek 32:23 - ÎVUKU RÎA ÛVORO MWARO

²³ na mbîrîra ciao irî îrimarî kûrîa kûriku mûno gwa akuû. Athigari ao onthe maaûragîrwe mbaararî na mbîrîra ciao ciîcûrîte kûu. Mbererî athigari acio maatûîre mamakagia andû arîa marî mwoyo.

Ezek 32:23 ပူးပေါင်းရင်းမြစ်များ

Ayubu 28:13

Gûtirî mûndû wîcî thogora wa ûûgî, na ndûngîoneka nthî kûrî andû arîa marî mwoyo.

Thaburi 116:9

Ndûûranagia na Ngai-Mûnene, vûrûrirî wa arîa marî mwoyo.

Thaburi 142:5

We Ngai-Mûnene nîwe ngayagîra, mbugaga atîrî, “We nîwe mûgitîri wakwa, nîwe îgai rîakwa vûrûrirî wa arîa marî mwoyo.

Thaburi 27:13

Nîmbîtîkîtie, atî nîngoona wega wa Ngai-Mûnene nîrî mwoyo.

Isaia 14:17

Nîke watûmire nthî îtuîka ta werû, na agîcûkangia matûûra mayo, na akîgiria andû arîa moovetwe macoke kwao mîciî?’

Isaia 38:11

Naaugire ndikona Ngai-Mûnene vûrûrirî wa arîa matûûraga mwoyo; na ndikona mûndû wanarî ûrîkû gatagatîrî ka arîa matûûraga nthî.

Jeremia 11:19

Nwatî nie nekariî ta ng'ondu mvoreri îvirîtwe kîthînjîrorî, ndiamenya atî marûthîte mîvango îo mîcûku îgûrû rîakwa, maaugaga atîrî, “Tigani tûcûkangie mûtî vamwe na maciaro ma guo, tigani tûmûrage nîguo ariganîre viû.”

Ezek 26:17

Nao nîmakaaina rwîmbo rwa macakaya nîûndû waku makiugaga atîrî, “We îtûûra rîrarî ngumo, ûrî mûcûkangie, meri ciarîo nîmbûrîru îriarî. Andû a îtûûra rîrî nîo maarî vinya îriarî. Andû onthe arîa matûûraga rûtere rwa îria nîmaagwîtigîrîte.

Ezek 26:20

Nîngaacoka ngûnyûrûrûkie îrimarî kwa arîa akuû nîguo mûgekarage na andû arîa maatûûraga mwoyo tene. Nîngaatûma ûtûûre kûu kwanangîku tene na tene na mûtûûrage kuo na arîa akuû. Gûtirî andû magaaûka gûtûûra kûrî we rîngî, kana ûgîe na vandû vûrûrirî wa arîa marî mwoyo.

Ezek 32:32

“Nînatûmire mûthamaki wa Misiri ekîre andû arîa marî mwoyo guoya. Nwatî ke vamwe na athigari ake a mbaara onthe nîmakaaûragwa marî mbaararî na nîmakaathikwa vamwe na andû arîa matarî aruu arîa maakuîrîre mbaararî. Ûguo nîguo nie Ngai-Mûnene Ngai mbugîte.”

Nahumu 1:14

Ngai-Mûnene aathanîte atîrî ûvoro wîgiî Asîria: “Matikethîrwa na njiarwa cia gûtûma rîîtwa rîao rîtûûre; Nîngacûkangia mîvuanano îo îrî hekarûrî ya ngai ciao. Nie nîngûkwînjîra mbîîrîra, nîûndû mue mûtiagîrîrwe nî gûtûûra mwoyo.”