Ezek 32:21 - ÎVUKU RÎA ÛVORO MWARO

²¹ Atongoria arîa marî vinya, vamwe na andû arîa mamatethagia marî kwa arîa akuû nîmakaaragia ûvoro wîgiî Misiri. Nîmakaaugaga atî andû a Misiri nîanyûrûrûku kwa arîa akuû. Mamamîte vamwe na andû arîa mataicî Ngai, arîa maakuîrîre mbaararî.

Ezek 32:21 ပူးပေါင်းရင်းမြစ်များ

Thaburi 55:15

Nthû ciakwa irokua itakinyîtie; marothiî kwa arîa akuû marî mwoyo, nîûndû mecûrîtwe nî waganu ngororî ciao.

Thaburi 9:17

Andû onthe arîa aganu nîmakaathiî kwa arîa akuû, andû onthe arîa mariganagîrwa nî Ngai.

Nthi 14:32

Andû arîa aganu macûkangagua nî ciîko ciao njûku, nwatî andû arîa athingu magitagîrwa nî wîvokeku wao.

Isaia 1:31

Andû arîa marî vinya magekara ta ndagara, na wîra wake wîkare ta nthande cia mwaki, na onthe nîmakavîvua na gûtirî mûndû ûkaamavonokia.

Ezek 31:18

“Kûrî mûtî wîngî mûgûndarî wa Edeni ûngîringithanua na mûtî ûcio nîûndû wa riiri na ûnene waguo? Mûtî ûcio ûgaaikua vamwe na mîtî ya mûgûnda wa Edeni kwa arîa akuû. Ûgeekarania kûu na andû arîa mataicî Ngai, na arîa maaûragirwe vîndî ya mbaara. Mûtî ûcio nîwe mûthamaki wa Misiri vamwe na andû ake. Ûguo nîguo Ngai-Mûnene Ngai augîte.”

Ezek 32:19

Maûrie atîrî: “Mûreciria mûrî aro gûkîra acio engî? Nyûrûrûkani mûgekaranagie na andû arîa mataicî Ngai.

Ezek 32:27

Matikaathikwa vamwe na athigari njamba arîa maaûragirwe tene, arîa maanyûrûrûkire kwa arîa akuû marî na indo ciao cia mbaara. Mviû ciao cia njûra ciaigirwe rungu rwa ciongo ciao, nacio ngo ciao nîciaigîrîrwe îgûrû rîa mîîrî yao. Andû acio njamba maarî na vinya na nîmaamakagia andû arîa marî mwoyo.