Ezek 32:15 - ÎVUKU RÎA ÛVORO MWARO

¹⁵ Rîrîa ngaatûma vûrûri wa Misiri wanangîke na ûtuîke werû, na indo ciao cionthe itavwe na ndûme andû akuo onthe maûragwe, nîmakaamenya atî nie nînie Ngai-Mûnene.

Ezek 32:15 ပူးပေါင်းရင်းမြစ်များ

Thaburi 24:1

Nthî na indo cionthe irîa irî kuo nî cia Ngai-Mûnene, nthî nî yake wana andû onthe arîa matûûraga kuo nî ake.

Thaburi 9:16

Ngai-Mûnene nîemenyithanîtie na njîra ya gûtuîrîra andû na kîvooto, nao andû arîa aganu nî manyitîtwe nî ciîko cio o ene.

Ntha 14:18

Na vîndî îrîa ngaamavoota, andû a Misiri nîmakaamenya atî nie nînie Ngai-Mûnene.”

Ntha 14:4

Nie nîngaatûma ngoro yake yûme na nîakamûrûmîrîra. Naguo ûvootani wakwa varî mûthamaki wa Misiri na athigari ake a mbaara ûgatûma ngîa gîtîîo. Nao andû a Misiri nîmagaacoka mamenye atî Nie nînie Ngai-Mûnene.” Na andû a Isiraeli nîmeekire wata ûrîa meerirwe.

Ntha 7:5

Rîrîa ngaakûnjûra njara yakwa îmaûkîrîre na ndute andû a Isiraeli vûrûrirî wao, nîrîo andû a Misiri makaamenya atî nie nînie Ngai-Mûnene.”

Ezek 29:12

Nîngaatûma vûrûri wa Misiri wanangîke gûkîra mavûrûri monthe ma nthî. Matûûra ma Misiri magaatuîka maganjo macûku îvinda rîa mîaka mîrongo îna gûkîra matûûra mengî monthe. Nîngaatûma andû a Misiri manyaganîrie ndûrîrîrî ciîngî na ndûme maûre mathiî mavûrûrirî mengî.”

Ezek 30:19

Ûguo nîguo ngaaverithia Misiri, nao nîmakaamenya atî, nie nînie Ngai-Mûnene.”

Ezek 30:26

Nîngaanyagania andû a Misiri kûrî ndûrîrî ciîngî na ndûme maûrîre mavûrûrirî monthe ma nthî. Nao nîmakaamenya atî, nie nînie Ngai-Mûnene.”

Ezek 32:14

Nîngaacoka ndûme manjî matuîke matheru na manyûrûrûkage nyûnjîrî ciakuo ta maguta. Ûguo nîguo nie Ngai-Mûnene Ngai mbugîte.

Ezek 6:7

Andû makaaûragîrwa wa kûu mûrî na nîmûkaamenya atî nînie Ngai-Mûnene.