Ezek 32:10 - ÎVUKU RÎA ÛVORO MWARO

¹⁰ Andû eengî nîmakaamaka nîwe megua ûvoro ûcio, na athamaki ao mainaine nîûndû waku. Vîndî îrîa ngaatambûrûkia rûviû rwakwa, wa mûndû nîakeguîra ûtûûro wake guoya na agekara agîtetemaga.”

Ezek 32:10 ပူးပေါင်းရင်းမြစ်များ

1Atha 9:8

Wana ethîrwa nyomba îno îrî na ngumo ûguo, nîîkomomorwa, na mûndû wa wonthe ûkaavîtûkîrîra vo nîakaamaka na aciive akîûragia atîrî, ‘Ngai-Mûnene eekire vûrûri ûyû vamwe na hekarû îno ûguo nîkî?’

Isaia 30:32

Wa ûrîa Ngai-Mûnene akaamaringa akîmaverithia, nwaguo andû ake makaavûraga tamburini na ngita. Ngai ke mwene nîke ûkaarûa na Asîria.

Jeremia 51:9

Nîtwageririe kûvonia vûrûri wa Babuloni nwatî ndwavona. Tûûtiganîrie tûthiî wa mûndû vûrûrirî wake; nîûndû Ngai nîaverithîtie vûrûri wa Babuloni na vinya wake mûnene; na agaûcûkangia viû.

Ezek 26:16

Athamaki onthe a mavûrûri marîa marî rûtere rwa îria nîmakaauma itîîrî ciao cia ûthamaki. Nao nîmakaaruta nguo ciao irîa ndaca wa vamwe na nguo ciao irîa ng'emie waro. Nîmakaagwatwa nî guoya na nîmagekaraga nthî makinainaga vîndî cionthe mamakîte nîûndû wa maûndû marîa mekîkîte kûrî we.

Ezek 27:35

“Andû onthe arîa matûûraga rûtere rwa îria, nîmamakîte nîûndû waku. Nao athamaki a kuo nîetigîru mûno na magakûnja mothiû mao nî gûtangîka.

Ezek 30:9

“Mûthenya ûcio nîngaatûma anjaama maume kûrî nie marî na meri nîguo mathiî makamakie andû a Ethiopia nîûndû meciragia nî agitîre. Nîmakaamaka mûno mûthenya ûrîa Misiri îkaagwa. Nama mûthenya ûcio nîûkîte.”

Zakaria 11:2

Mue mîthithinda, rîrani nîûndû mîtarakwe nîmîgwîu nthî, mîtî îrîa îrî riiri nîmiunangîku. Mue mîvuru ya Bashani rîrani, nîûndû mîtî ya mûtitû ûrîa mûnene nîîragwîthua!

Gûco 29:24

Mavûrûri monthe ma nthî nîmakaaûria, ‘Nîndûî gîatûmire Ngai-Mûnene acûkangia vûrûri ûyû? Nîndûî gîatûmire agîe na marakara meengî ûguo?’

Gûco 32:41

rîrîa ngaanoora rûviû rwakwa rûrîa rûvenavenagia, na ndue ciira na kîvooto, nîngerîvîrîria kûrî nthû ciakwa, na mverithie andû arîa mamenete.

Kûguû 18:10

Nao nîmakaarûngama varaca, nîûndû nîmagetigagîra matikaverithue take. Nao nîmakaauga atîrî, “Uui! Uui! Babuloni îtûûra rîrîa rînene kavinda ka îthaa rîmwe tu nîrîaverithua!”