Ezek 31:8 - ÎVUKU RÎA ÛVORO MWARO

⁸ Gûtirî mûtî wa mûtarakwe mûgûndarî wa Ngai, ûngîaringithanirue naguo, kana mîtî ya mîcindanûgû îringithanue na mvûa cia guo. Gûtirî mûtî mûgûndarî wa Ngai, ûngîaringithanirue naguo.

Ezek 31:8 ပူးပေါင်းရင်းမြစ်များ

Kîam 13:10

Loti nîwaroririe na akîona atî Kîamnda kîonthe Kîam Rûnjî rwa Jorodani, kûthiî nginya Zoari Kîamrî na manjî meengî, wata mûgûnda wa Ngai-Mûnene kana ta vûrûri wa Misiri. Vîndî îno Ngai-Mûnene ndaarî mûcûkangiu matûûra ma Sodomu na Ngomora.

Thaburi 37:35

Vîndî îmwe nînoonire mûndû mwaganu na ûtarî ntha; etûgîrîtie gûkîra andû onthe ta mûtarakwe wa Lebanoni.

Thaburi 80:10

Kîruru Kîamguo nîgîakunîkîre irîma, na mvûa ciaguo ikîneneva gûkîra mîtarakwe îrîa mînene.

Rwîmbo rwa Nyîmbo 5:15

Magûrû make nîmarûngarû ta itugî irî na vinya, ivandîtwe mûcingirî wa thaavu. Onekaga ekariî ta irîma cia Lebanoni, anyorokete ta mîtarakwe ya kuo.

Isaia 51:3

“Nîûndû nie Ngai-Mûnene nîngavoreria îtûûra rîa Zayuni, na ndûthe kûndû gwakuo kuonthe kûrîa gûcûkangu. Nîngaatua werû wa kuo ta mûgûnda wa Edeni, werû wa kuo nîûtue ta mûgûnda wa Ngai-Mûnene; kûu nîgûkethîrwa na gîkeno na gûcanjamûka, na nyîmbo cia gûcokia ngatho nîikeguîka kuo.

Ezek 28:13

Watûûraga Edeni mûgûndarî wa Ngai na wegemetie na mathiga ma goro ma mîthemba yonthe. Mathiga mau marî ma mîthemba ya: rangi njerû, rangi wa mathangû ûtarî mûgwatu waro, arimathi, mûruru, ndune, vururu, mûtukanio wa marangi mîthemba mîngî îkûvenavenia, na rangi wa njambarawe. Warî na mathaga ma thaavu. Maûndû mau monthe wathondekerwe mûthenya ûrîa waûmbirwe.

Ezek 31:16

Rîrîa ngaaikia mûtî ûcio kwa arîa akuû, mûrurumo waguo ûkîgwa vamwe na arîa makaathiî îrimarî rîrîa rîtarî mûthiia, nîûgaatûma mavûrûri mainaine. Mîtî yonthe ya Edeni, na mîtî îrîa mîaro mûno na îtagîrîrua manjî ya mûtitû wa Lebanoni nîgaakena nîûndû wa kûgwa kwa mûtî ûcio wa mûtarakwe.

Ezek 31:18

“Kûrî mûtî wîngî mûgûndarî wa Edeni ûngîringithanua na mûtî ûcio nîûndû wa riiri na ûnene waguo? Mûtî ûcio ûgaaikua vamwe na mîtî ya mûgûnda wa Edeni kwa arîa akuû. Ûgeekarania kûu na andû arîa mataicî Ngai, na arîa maaûragirwe vîndî ya mbaara. Mûtî ûcio nîwe mûthamaki wa Misiri vamwe na andû ake. Ûguo nîguo Ngai-Mûnene Ngai augîte.”

Ezek 31:3

Nîngûringithania na mûtî wa mûtarakwe wa Lebanoni, ûrîa ûrî mvûa mbaro na ûrî kîruru Kîamro. Nî mûtî mûraca mûno ûkinyîte maturî.

Ezek 31:7

Mûtî ûcio warî mûthaka na mûnene. Warî na mvûa nene na warî mûraca na îgûrû, nîûndû mîri yaguo nîyathiîte na nthî, nginya kûrîa kûrî na manjî meengî.

Kûguû 2:7

“Mûndû wa wonthe ûrî na matû ma kwîgua, nîathikîrîrie ûrîa Roho arera makanitha! “Arîa makaavootana nîngaametîkîria marîe matunda ma mûtî wa mwoyo ûrîa ûrî mûgûndarî wa Ngai.