Ezek 31:6 - ÎVUKU RÎA ÛVORO MWARO

⁶ Iconi cionthe cia rîerarî, nîciatumire ciomba mvûarî cia mûtî ûcio. Nyamû cionthe cia kîthaka, nîciaciarîre twana rungu rwa mvûa ciaguo. Ndûrîrî cionthe irîa nene ciekaraga rungu rwa kîruru Kîamguo.

Ezek 31:6 ပူးပေါင်းရင်းမြစ်များ

Thaburi 104:17

Iconi nîitumaga ciomba ciacio mîtîrî îo; ngune nîitumaga ciomba ciacio mîtîrî ya mîthithinda.

Ezek 17:23

Ngaakavanda vandû îgûrû kîrîmarî kîrîa kîraca mûno gîa Isiraeli. Nîgagaakûra kagîe na mvûa, kagîe na maciaro na gatuîke mûtarakwe mwaro. Nyamû cia mîthemba yonthe nîigaatûûraga rungu rwa mwîgunyî wa guo, na iconi cionthe nîigaatuma ciomba ciacio mvûarî cia mûtarakwe ûcio.

Ezek 31:13

Iconi cionthe cia rîerarî nîikaagûcaga mûtîrî ûcio mûgûu nthî, nacio nyamû cionthe cia kîthakarî nîigaakinyangaga mvûa ciaguo.

Ezek 31:17

Mîtî îo nîkaanyûrûrûkua vamwe naguo îkîthiî kwa arîa akuû îkanyitanîre na arîa maaûragîtwe vîndî ya mbaara wa vamwe na andû arîa meekaraga rungu rwa kîruru Kîamguo.

Ezek 31:7

Mûtî ûcio warî mûthaka na mûnene. Warî na mvûa nene na warî mûraca na îgûrû, nîûndû mîri yaguo nîyathiîte na nthî, nginya kûrîa kûrî na manjî meengî.

Danieli 4:10

Rîrîa naarî toro, nînoonire mbica ya mûtî mûnene ûrî gatagatî ka nthî.

Danieli 4:12

Mathangû ma guo maarî mathaka, na warî na matunda meengî ma kwîgana andû onthe a nthî. Nyamû cia kîthaka nîciathiîcaga mwîgunyîrî wa mûtî ûcio, iconi nîciatumaga ciomba mvûarî ciaguo na ciûmbe cionthe ciarîcaga matunda ma mûtî ûcio.

Danieli 4:21

na warî na mathangû mathaka na matunda meengî ma kûrîwa nî andû a nthî yonthe; na rungu rwaguo vaarî na mwîgunyî wa nyamû cia kîthaka, na iconi igatuma ciomba mvûarî ciaguo,

Mathaayo 13:32

Mvîndî îo nîyo nini mûno gûkîra mvîndî irîa ciîngî cionthe. Nwatî vîndî îrîa yakûra, nîcokaga gûtuîka mûtî ûrîa mûnene mûno gûkîra mîtî îrîa îngî yonthe îî mûgûndarî. Kwoguo iconi nîciûkaga na igatuma ciomba mvûarî ciaguo.”

Maariko 4:32

Na kavinda kanini kathira mûmera ûcio nîûkûraga, ûkaneneva, na ûkaruta mvûa nene, na ûkaneneva gûkîra îrîa îngî yonthe îrî mûgûndarî ûcio. Nacio iconi nîciûkaga na igatuma ciomba rungu rwa mvûa ciaguo.”