Ezek 31:4 - ÎVUKU RÎA ÛVORO MWARO

⁴ Manjî nîmaaûrerire na ûgîkûra, manjî ma kûu nthî kûriku nîmaatûmire ûracave na îgûrû. Nyûnjî nîcietîrîrie manjî varîa wavandîtwe, na nîcianyûrûrûkirie manjî kûrî mîtî yonthe ya mûtitû.

Ezek 31:4 ပူးပေါင်းရင်းမြစ်များ

Nthi 14:28

Riiri wa mûthamaki wonanagua nî wîngî wa andû arîa athaga, nwatî atarî nao ûthamaki wake nîkwa ûthiraga.

Jeremia 51:36

Kwoguo Ngai-Mûnene arauga atîrî, “Nîngûmwarîrîria na nîmûrîvîrîrie kûrî nthû cienyu; nî ngûmia varîa manjî ma Babuloni maumaga, na ndûme ithima ciake ivwe.

Ezek 17:5

Rwîgî rûu nîrwacokire rûgîoca kamûmera kuuma vûrûrirî ûcio na rûgîkavanda mûtheturî mûnoru vakuvî na manjî ta mûtî ûmerete rûtere rwa manjî.

Ezek 17:7

“Nwatî kwarî na nderi yarî nene na yarî na mathagu manene na mbûî nyîngî. Kwoguo mûtî ûrîa wa mûthavibu ûrî wa vau warî nîwarorithirie mîri yaguo na kûrî nderi îo. Nîwacokire ûkîruta mvûa ûgîcierekeria na kûrî nderi îo nîguo îrwîtagîrîrie manjî.

Ezek 17:8

Mûthavibu ûcio wavandîtwe mûtheturî mwaro rûtere rwa manjî nîguo ûkûre, ûrute mvûa, na ûciare maciaro na ûtuîke mûthavibu mwaro.

Kûguû 17:1

Ûmwe wa araika arîa mûgwanja maarî na mbakûri mûgwanja nîwaûkire kûrî nie na akîmbîra atîrî, “Ûka, nanie nîngaakwonia ûrîa Ngai akaaverithia mûmaraa ûcio ûrî ngumo. Mûmaraa ûcio nî îtûûra rîrîa rîtumîtwe vakuvî na nyûnjî nyîngî.

Kûguû 17:15

Nake mûraika nîwambîrire rîngî atîrî, “Nyûnjî irîa wonire mûmaraa ekarîrîte, nî mavûrûri, andû, iruka, na nthiomi.