Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ezek 31:3 - ÎVUKU RÎA ÛVORO MWARO

3 Nîngûringithania na mûtî wa mûtarakwe wa Lebanoni, ûrîa ûrî mvûa mbaro na ûrî kîruru Kîamro. Nî mûtî mûraca mûno ûkinyîte maturî.

အခန်းကိုကြည့်ပါ။ ကော်ပီ




Ezek 31:3
24 ပူးပေါင်းရင်းမြစ်များ  

Andû arîa athingu matûûraga ta mîtî ya mîkîndû, magaakûra ta mîtarakwe ya Lebanoni.


We nîwathekerere Mwathani na njîra ya ndungata ciaku, na ûkiuga atî, nîndwîte irîma irîa ndaca na ikaari ciakwa nyîngî cia mbaara, nginya ngakinya gacûmbîrî ka Lebanoni. Nînakindire mîtarakwe îrîa mîraca mûno, na mîthithinda yakuo îrîa mîaro mûno; nînginyîte mîthiia ya Lebanoni kûrîa kûraca mûno, na ngakinya kûrîa mûtitû ûrumîrîte.


Ke ekariî ta mûtî ûvandîtwe rûtere rwa rûnjî, mîri yaguo îtambîte manjîrî. Rîrîa kwagîa na ûrugarî mûtî ûcio ndûmakaga, nîûndû mathangû maguo methagîrwa marî maigû vîndî cionthe. Ndûmakaga rîrîa gûtarî na mbura, nîûndû nîûthiîcaga na mbere gûciara.


Nîûndû wa ûguo nie Ngai-Mûnene mwene vinya wonthe Ngai wa Isiraeli, nîngûverithia mûthamaki Nebukadinezarû na vûrûri wake, wata ûrîa naaverithirie mûthamaki wa Asîria.


Ngai-Mûnene augîte atîrî, “Nie mwene nîngoca kamûtî karîa karî îgûrû mûno mûthiiarî wa mûtî wa mûtarakwe na nîngaakavanda. Ngaatua karûvûa ka mûthiia ga tûrûvûa tûrîa twîthî tûrîa tûrî îgûrû viû twa mûtî ûcio. Nie mwene nîngaacoka nîkavande îgûrû kîrîmarî kîraca mûno.


Itina cia yo irîa ciarî na vinya mûno, nîciatuîkire mîragi ya wathani. Nîwarûngamire ûkîoneka ûrî mûraca mûno na îgûrû, ûrî na mvûa nyîngî.


Ngai-Mûnene arauga atîrî, “Mûtî ûcio nîwanenevire na ûkîracava na îgûrû mûno, naguo nîwaîtîire nîûndû wa ûraca waguo.


Rîrîa ngaaikia mûtî ûcio kwa arîa akuû, mûrurumo waguo ûkîgwa vamwe na arîa makaathiî îrimarî rîrîa rîtarî mûthiia, nîûgaatûma mavûrûri mainaine. Mîtî yonthe ya Edeni, na mîtî îrîa mîaro mûno na îtagîrîrua manjî ya mûtitû wa Lebanoni nîgaakena nîûndû wa kûgwa kwa mûtî ûcio wa mûtarakwe.


Mîtî îo nîkaanyûrûrûkua vamwe naguo îkîthiî kwa arîa akuû îkanyitanîre na arîa maaûragîtwe vîndî ya mbaara wa vamwe na andû arîa meekaraga rungu rwa kîruru Kîamguo.


Kwoguo mûtî ûcio nîwaracavire na îgûrû, gûkîra mîtî yonthe ya mûtitû. Mvûa ciaguo nîciengîvire na ikîneneva, nîûndû wa manjî marîa magîcaga mîrirî yaguo.


Iconi cionthe cia rîerarî, nîciatumire ciomba mvûarî cia mûtî ûcio. Nyamû cionthe cia kîthaka, nîciaciarîre twana rungu rwa mvûa ciaguo. Ndûrîrî cionthe irîa nene ciekaraga rungu rwa kîruru Kîamguo.


Gûtirî mûtî wa mûtarakwe mûgûndarî wa Ngai, ûngîaringithanirue naguo, kana mîtî ya mîcindanûgû îringithanue na mvûa cia guo. Gûtirî mûtî mûgûndarî wa Ngai, ûngîaringithanirue naguo.


“Asîria îrî kûu, na îthiûrûrûkîrîtue nî mbîrîra cia athigari ao a mbaara arîa maaûragirwe marî mbaararî,


Rîrîa naarî toro, nînoonire mbica ya mûtî mûnene ûrî gatagatî ka nthî.


Mathangû ma guo maarî mathaka, na warî na matunda meengî ma kwîgana andû onthe a nthî. Nyamû cia kîthaka nîciathiîcaga mwîgunyîrî wa mûtî ûcio, iconi nîciatumaga ciomba mvûarî ciaguo na ciûmbe cionthe ciarîcaga matunda ma mûtî ûcio.


Kwoguo arogi, aringi ciama, oni na andû arîa aûgî, nîmaaûkire, na ngîmeera kîroto gîakwa, nwatî matiavota kûndaûrîra.


Ngai-Mûnene nîagaatûmîra vinya wake gûcûkangia Asîria. Nîagaatûma îtûûra rîa Nineve rîtuîke rîa gûtiganîrua, îtûûra rîtarî manjî na rîkariî ta werû.


We Lebanoni, vingûra mîrango yaku, nîguo mwaki ûvîvie mîtarakwe yaku.


Mue mîthithinda, rîrani nîûndû mîtarakwe nîmîgwîu nthî, mîtî îrîa îrî riiri nîmiunangîku. Mue mîvuru ya Bashani rîrani, nîûndû mîtî ya mûtitû ûrîa mûnene nîîragwîthua!


Naguo mûtare wa kîthakarî nîwerire mîtî îo îngî atîrî, ‘Ethîrwa nîmûkwenda nduîke mûthamaki wenyu, ûkani mwîkare kîrururî gîakwa na ethîrwa tî mwîka ûguo, mwaki ûrouma mûtarerî ûyû wa kîthaka na ûvîvie mîtarakwe ya Lebanoni viû.’ ”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ