Ezek 31:14 - ÎVUKU RÎA ÛVORO MWARO

¹⁴ Ûguo wekîkire nîguo gûtikagîe mûtî wana ûrîkû ûrîa ûmerete vakuvî na manjî ûkaaracava na îgûrû ûkinyîra matu. Nîûndû mûthiia wa indo cionthe nî gûkua, wana andû nîmagaakua na mathiî kwa arîa akuû.”

Ezek 31:14 ပူးပေါင်းရင်းမြစ်များ

Nehemia 13:18

Anga ûndû ta ûyû tîguo wekirwe nî methe menyu na Ngai akîretithîria andû maûndû macûku wa vamwe na îtûûra rîîrî? Na rîu nwa mûraretithîria Aisiraeli marakara meengî ma Ngai na njîra ya gwîkîra thavatû mûgiro.”

Thaburi 82:7

Kûnarî ûguo, mûgaakua wata ûrîa andû onthe makucaga; mûkaagwa wata ûrîa mûtongoria wawonthe agûcaga.”

Isaia 14:15

Nwatî nîûnyûrûrûkîtue ûgakinyua kwa arîa akuû, nîûgwîthîtue kûrîa kûriku mûno.

Ezek 26:20

Nîngaacoka ngûnyûrûrûkie îrimarî kwa arîa akuû nîguo mûgekarage na andû arîa maatûûraga mwoyo tene. Nîngaatûma ûtûûre kûu kwanangîku tene na tene na mûtûûrage kuo na arîa akuû. Gûtirî andû magaaûka gûtûûra kûrî we rîngî, kana ûgîe na vandû vûrûrirî wa arîa marî mwoyo.

Ezek 31:18

“Kûrî mûtî wîngî mûgûndarî wa Edeni ûngîringithanua na mûtî ûcio nîûndû wa riiri na ûnene waguo? Mûtî ûcio ûgaaikua vamwe na mîtî ya mûgûnda wa Edeni kwa arîa akuû. Ûgeekarania kûu na andû arîa mataicî Ngai, na arîa maaûragirwe vîndî ya mbaara. Mûtî ûcio nîwe mûthamaki wa Misiri vamwe na andû ake. Ûguo nîguo Ngai-Mûnene Ngai augîte.”

Danieli 4:32

We nîûkengatwa ume kûrî andû, ûthiî mûgatûûrage na nyamû cia kîthaka. Ûkaarîcaga nyaki ta ndegwa îvinda rîa mîaka mûgwanja. Vîndî îo nîûkaamenya, atî Ngai Ûrîa ûrî Îgûrû Mûno nîke ûrî vinya îgûrû rîa mothamaki monthe ma nthî na nîavecaga mûndû wa ûrîa akwenda ûthamaki.”

Amosi 9:2

Wana menja njîra îthiîte kwa arîa akuû, nîngaamaruta kuo na njara yakwa; wana mangîkaunûkia mathiî îgûrû, wana kuo nîngamanyûrûrûkia gûkû nthî.

Jona 2:2

na akiuga atîrî, “Rîrîa naagiîkaga, nînaagwîtire we Ngai-Mûnene, na nîwandethirie. Rîrîa naarî îvurî rîa arîa akuû, nînetanire na ûkîmbîgua.

Jona 2:6

Nînaanyûrûrûkire nginya nthî ya irîma, nathiîre nginya vûrûrirî ûrîa naavingîrwe nî ivingo ciaguo tene na tene. Nwatî we, Ngai-Mûnene, Ngai wakwa, nîwandutire îrimarî rîu nîrî mwoyo.

Ndari 16:30

Nwatî ethîrwa Ngai-Mûnene nwa eke ûndû mûgeni ûtaaneguwa, na nthî îvingûke îmamerie vamwe na indo cionthe ciao na mathiî marî mwoyo kûrîa arîa akuû mathiîcaga, vîndî îo nîrîo mûkaamenya atî andû aya nî mareganîte na Ngai-Mûnene.”

Ndari 16:33

Kwoguo maamerirue nî nthî marî mwoyo wa vamwe na indo ciao cionthe. Nthî nîyacokanîrîre nao makîûrîra na kûu nthî kûrîa akuû mathiîcaga.

Mathaayo 11:23

Namue andû a Kaperinaumu, nîkwa mwendaga kwînenevia nginya mûkinye îgûrû? Mue nî mûgaaikua îcuarî. Nîûndû ciama irîa mwaringîrwe ingîaringîtwe Sodomu andû a kuo nî mangîtwîre vo nginya ûmûnthî!

1Akor 10:11

Maûndû mama monthe meekîkire kûrî o nîguo matuîke kîonereria kûrî arîa engî. Namo maandîkirwe nîguo matuîke ûtaari kûrî tue arîa tûratûûra mavindarî mama ma mûthiia.

Aefeso 4:9

Rîu-î, “nîwathiîre îgûrû” nî kuga atîa? Nî kuga atî mbere ya kûthiî nîwambire kûnyûrûrûka gûkû nthî kûrîa kûrikîru mûno.

Gûco 13:11

Andû onthe a Isiraeli nîmakegua ûrîa gwîkîkîte kûrî mûndû ûcio; nîmagetigîra na matigaacoka gwîka maûndû macûku ta mau rîngî.

Gûco 21:21

Nao andû onthe a îtûûra nî makaamûraga na mathiga. Ûguo nîguo mûkaathiria wîvia gatagatîrî kenyu; nao andû onthe a Isiraeli megua ûguo nîmagetigîra.

Ahib 9:27

Ûrîa kûrî nî atî mûndû wa wonthe nwanginya akue rita rîmwe, na vuva wa gûkua atuîrwe nî Ngai.

2Pet 2:6

Ngai nîwatuîrîre matûûra ma Sodomu na Gomoora akîmavîvia viû. Eekire ûndû ûcio ûtuîke kîonereria Kîam ûrîa gûgaatuîkîka kûrî arîa matarî na ûngai.