Ezek 31:12 - ÎVUKU RÎA ÛVORO MWARO

¹² Andû aganu mûno kuuma mavûrûri mageni nîmagaaûtema ûgwe nthî na maûtiganîrie. Mvûa ciaguo ikaagwa irîmarî na igwe ciandarî cionthe. Namo mathangû maguo nîmakaanyagania nyûnjîrî cionthe vûrûrirî ûcio. Andû onthe a nthî nîmakaauma kîrururî Kîamguo na maûtiganîrie.

Ezek 31:12 ပူးပေါင်းရင်းမြစ်များ

Ezek 28:7

nîngaatûma andû ageni makûtharîkîre. Makethîrwa marî mavûrûri maganu gûkîra mavûrûri monthe. Nîmagaacomora mviû cia njûra na mathirie ûthaka wa ûgî ûcio waku na magwatie riiri waku gîko.

Ezek 30:11

Mûthamaki Nebukadinezarû, na athigari ake arîa matarî ntha nîmakaaretwe macûkangie vûrûri. Nîmakaatharîkîra vûrûri wa Misiri na mviû cia njûra na mecûrie vûrûri ûcio ciimba.

Ezek 30:12

Nîngaatûma rûnjî rwa Nilo rûvwe na menderie andû aganu vûrûri wa Misiri. Nîngaatûma andû ageni manange vûrûri ûcio wana kîndû kîonthe kîrîa kîrî kuo. Nie Ngai-Mûnene nînie mbugîte ûguo.”

Ezek 31:17

Mîtî îo nîkaanyûrûrûkua vamwe naguo îkîthiî kwa arîa akuû îkanyitanîre na arîa maaûragîtwe vîndî ya mbaara wa vamwe na andû arîa meekaraga rungu rwa kîruru Kîamguo.

Ezek 32:12

Nîngaaûragithia andû aku na mviû cia njûra cia athigari njamba, andû aganu gûkîra ndûrîrî cionthe. Nîmakaathiria mwîtîîo wa andû a Misiri na maûrage andû akuo onthe.

Ezek 35:5

“We ûtûûraga ûrî nthû ya andû a Isiraeli na ûkîmaûragithia rîrîa maarî thînarî na vîndî îrîa maaverithagua nîûndû wa mevia mao.

Ezek 35:8

Nîngecûria kîrîma gîa Seiru ciimba. Nakuo tûrîmarî, ciandarî na tûrûnjîrî twenyu nîgûgecûra andû arîa maûragîrîtwe mbaararî.

Ezek 39:4

We, athigari aku a mbaara, na andû a mavûrûri marîa manyitanagîra nawe nîngaamanenganîra matuîke irio cia kûrîwa nî iconi cia mîthemba yonthe na nyamû cia kîthaka.

Ezek 7:21

“Nîngaanenganîra indo ciao kûrî mavûrûri mageni na ndûme ituîke ta indo itavîtwe na vinya nî andû arîa aganu. Nao nîmakaaûgwatia mûgiro.

Danieli 4:11

Naguo nîwathiîre ûkînenevaga nginya ûgîkinya matuurî na nîwonagwa nî andû onthe arîa maarî nthî.

Habakuku 1:11

Nîmacokaga makathiî na mbere ta rûkûngi, nîmekaga mavîtia na vinya wao nîguo ûtuîkîte ngai yao.”

Habakuku 1:6

Nîûndû nînîraringîrîra Akalidei, andû acio aganu ûguo na matarî ntha. Vûrûri ûcio ûvîtûkîrîrîte nthî yonthe, nîguo woce vûrûri ûtarî wao.

Kûguû 17:16

Mvîa irîa îkûmi wonire, na nyamû nîikaathûûra mûmaraa ûcio na nîigooca indo ciake cionthe irîa arî nacio na imûtige arî njaga. Nîikaarîa nyama cia mwîrî wake na imûvîvie na mwaki athire.