Ezek 31:11 - ÎVUKU RÎA ÛVORO MWARO

¹¹ Kwoguo nînîûregete, na nîngûûnenganîra kûrî mûnene wa vûrûri mûgeni, nake nîakaawîka kûringana na waganu waguo.

Ezek 31:11 ပူးပေါင်းရင်းမြစ်များ

Kîam 3:24

Ngai-Mûnene nîwengatire mûndû na akiga ciûmbe irî mwoyo cietagwa Akerubi mwena wa îrathîro wa mûgûnda wa Edeni, na rûviû rwarîrîmbûkaga mwaki na rwathiûrûrûkaga mîena yonthe. Eekire ûguo nîguo njîra îrîa îthiîte mûtîrî wa mwoyo ndîkathiîrîrwe.

Thaburi 119:126

Ngai-Mûnene, gaka nî kavinda gaku ga gwîka ûndû, nîûndû andû nîmaunîte watho waku.

Jeremia 25:9

nîngûtûma mîvîrîga yonthe ya mwena wa rûgûrû, na Nebukadinezarû mûthamaki wa Babuloni, ndungata yakwa matharîkîre vûrûri ûyû na atûûri a guo vamwe na mavûrûri monthe marîa mamarigicîrîtie. Nîngamacûkangia viû na ndûme megue guoya, manyararwe na matûûre na gîconoko.

Jeremia 50:18

Nîûndû wa ûguo nie Ngai-Mûnene mwene vinya wonthe Ngai wa Isiraeli, nîngûverithia mûthamaki Nebukadinezarû na vûrûri wake, wata ûrîa naaverithirie mûthamaki wa Asîria.

Maca 1:21

“Tathikîrîria gûcakaya gwakwa, gûtirî mûndû wa kûmvoreria. Nthû ciakwa nîimenyete mathîna makwa, nîirakenerera kûthîna gwakwa, tûma nthû ciakwa cione mathîna ta nie.

Ezek 11:9

Nîngaamûruta îtûûrarî na nîmûnenganîre kûrî andû ageni na nîngaamûtuîra.

Ezek 21:31

Nîngamwîtûrûrîra marakara makwa, nîmûvuvîrîre mîruke ya marakara îkariî ta mwaki. Nîngaacoka nîmûnenganîre kûrî andû ndûrîka, arîa marî wara wa gûcûkangia.

Ezek 23:28

Mwathani Ngai arauga atîrî, “Nie nîngaakûrekereria kûrî andû arîa ûmenete, na wî kînyiria Kîamo.

Ezek 30:10

Ngai-Mûnene Ngai arauga atîrî, “Nîngaatûma Nebukadinezarû, mûthamaki wa Babuloni athirie ûtonga wa vûrûri wa Misiri.

Ezek 30:11

Mûthamaki Nebukadinezarû, na athigari ake arîa matarî ntha nîmakaaretwe macûkangie vûrûri. Nîmakaatharîkîra vûrûri wa Misiri na mviû cia njûra na mecûrie vûrûri ûcio ciimba.

Nahumu 3:18

We mûthamaki wa Asîria, arîthi aku nîkwa mamamîte, andû aku arîa marî îgweta nîkwa nîmaragocerera. Andû aku manyaganîtie irîmarî, na gûtirî mûndû wa kûmacokanîrîria.

Gûco 18:12

Ngai-Mûnene Ngai wenyu nîathûrîte andû arîa mekaga maûndû mama macûku, na kîu nîkîo gîgûtûma engate andû arîa maatûûraga vûrûrirî ûrîa akûmûva nîguo mûwîgwatîre.

1Tim 1:20

Gatagatîrî ka andû acio, varî na Hîmenayo na Alekisanda. Aya nîo mverithîtie na njîra ya kûmanenganîra kûrî Caitani nîguo mathome atî matiagîrîrwe nî kûruma Ngai.

Jakuvu 2:13

Nîûndû Ngai ndakeegua ntha agîcirithia andû arîa mategucanagîra ntha, nwatî mûndû ûrîa wîgucanagîra ntha ndageetigîra îtuîro.

Atir 1:7

Adonibeseki nîwacokire akiuga atîrî, “Nîkwarî na athamaki mîrongo mûgwanja maatinîtue ciara irîa nene cia njara wana cia magûrû. Athamaki acio moocanagia rwîtîki rungu rwa metha yakwa makîrîcaga. Wata ûrîa nekire andû, nwaguo Ngai ambîka.” Adonibeseki nîwacokire akîvirwa Jerusalemu, kûrîa aakuîrîre.

Atir 16:23

Athamaki a Afilisiti nîmaacemanirie vamwe nîguo makenanîre na marutîre Dagoni, ngai wao kîgongoona kînene. Maainaga atîrî, “Ngai wetû nîatûvotithîtie kûvoota Samusoni nthû yetû!”