Ezek 30:9 - ÎVUKU RÎA ÛVORO MWARO

⁹ “Mûthenya ûcio nîngaatûma anjaama maume kûrî nie marî na meri nîguo mathiî makamakie andû a Ethiopia nîûndû meciragia nî agitîre. Nîmakaamaka mûno mûthenya ûrîa Misiri îkaagwa. Nama mûthenya ûcio nîûkîte.”

Ezek 30:9 ပူးပေါင်းရင်းမြစ်များ

Isaia 19:17

Andû a Misiri nîmakaanyitwa nî guoya nîûndû wa vûrûri wa Juda. Mûndû wa wonthe ûkaagweterwa ûvoro wa Juda nîagetigîra nîûndû wa ûrîa Ngai-Mûnene mwene vinya wonthe avangîte kûmeka.

Isaia 20:3

Mwaka ûrîa îtûûra rîa Ashidodi rîatavirwe, Ngai-Mûnene nîwaugire atîrî, “Ndungata yakwa Isaia îtûûraga îthiîcaga îrî njaga na îrî magûrû matheri îvinda rîa mîaka îthatû rûrî rûûri rwa kwonania ûrîa ngeeka Misiri na Ethiopia.

Isaia 20:5

Kwoguo arîa onthe mevokete Ethiopia na metîîaga nîûndû wa Misiri nîmakaamaka na maconoke.

Isaia 23:5

Rîrîa ûvoro ûgaakinyîra andû a Misiri, nîmakaamaka megua atî îtûûra rîa Turo nîrîcûkangie.

Isaia 47:8

“Kwoguo rîu thikîrîria we wendete gwîkenia, we wîkaraga ûtagûtangîka ûkîîraga na ngoro atî, ‘Nwanie tu na gûtirî wîngî tiga nie; ndigeekara ta mûndûmûka wa ndigwa, kana mbîgua ruuo rwa gûkuîrwa nî ciana.’

Jeremia 49:21

Rîrîa vûrûri wa Edomu ûkaang'aûranua, nthî nîkainaina; na mûgambo wa kîrîro Kîamo nîûkeguîka nginya îria îtune.

Jeremia 49:31

‘Ngai-Mûnene arauga atîrî, Ûkîrani mûkatharîkîre vûrûri ûrîa wîkaraga na thayû na ûrî mûgitîre! Vûrûri ûtarî mîrango kana mîkîgo, na ûtûûraga ûrî guonga.’

Ezek 24:14

Nie Ngai-Mûnene nînie mbugîte ûguo. Îvinda nîkinyu rîa kûvingia ûrîa mbugîte. Ndikeericûkwa na ndigaakwîguîra ntha. Ngaagûtuîra ciira kûringana na mîthiîre yaku na ciîko ciaku.” Ûguo nîguo Ngai-Mûnene Ngai augîte.

Ezek 26:16

Athamaki onthe a mavûrûri marîa marî rûtere rwa îria nîmakaauma itîîrî ciao cia ûthamaki. Nao nîmakaaruta nguo ciao irîa ndaca wa vamwe na nguo ciao irîa ng'emie waro. Nîmakaagwatwa nî guoya na nîmagekaraga nthî makinainaga vîndî cionthe mamakîte nîûndû wa maûndû marîa mekîkîte kûrî we.

Ezek 27:35

“Andû onthe arîa matûûraga rûtere rwa îria, nîmamakîte nîûndû waku. Nao athamaki a kuo nîetigîru mûno na magakûnja mothiû mao nî gûtangîka.

Ezek 33:33

Rîrîa maûndû mama mageekîka, na nwanginya mageekîka nîmakaamenya atî mûrathi aarî kwao.”

Ezek 38:11

ûkiugaga atî, ‘Nîngûtharîkîra vûrûri ûrîa ûrî na icagi itarî ngitîre na rûthingo kûrîa andû matûûraga marî na thayû. Andû a kûu matûûraga icagirî itarî mbirigîre na itarî na mîrango ya kûvinga.’

Ezek 39:6

Nîngaatûma vûrûri wa Magogu kûgîe mwaki na ûgîe kûrî andû arîa matûûraga na thayû rûtererî rwa îria. Nao nîmakaamenya atî, nînie Ngai-Mûnene.

Amosi 4:2

Nie Ngai-Mûnene ûrîa mûtheru nînîreranîra na mwîvîtwa atî, “Mîthenya nîgûkinya rîrîa andû makaamûkururia muonthe na mbogoro; mûgeekara ta nthamaki inyitîtwe na ndûano.

Habakuku 2:3

Kîoneki gîkî gîetererete vîndî îrîa mbagîrîru yakîo; nî kîoneki Kîam ma kîonanagia maûndû ma mûthiia. Ethîrwa nîmaronekana magîcererwa, meterere; nama nîmagûkinya na tîmacererwa.

Zefania 2:12

Wana mue andû a Kushi nîmûkaaûragwa nî rûviû rwake.

Zefania 2:15

Ûguo nîguo gûgekîka kûrî îtûûra rînene rîrîa rîîtîaga nîûndû wa vinya warîo na rîgeciria atî nîrîgitîre. Îtûûra rîu rîciragia atî nîrîo rînene mûno nthî îno. Rîgaatuîka îganjo, varîa nyamû cia kîthaka ikaavurûkaga! Mûndû wa wonthe ûkaavîtûkîrîra vo nîakaavavûka na etigîre.

1Ath 5:2

Nîûndû nîmwîcî waro atî Mwathani agaaûka gûtarî mûndû ûkûmwîrîgîrîra wata ûrîa mwîi aûkaga ûtukû.

Atir 18:7

Kwoguo arûme acio atano nî maambîrîrie rûgendo na magîkinya îtûûrarî rîa Laishi. Nîmoonire atî andû a Laishi maatûûraga ta ûrîa andû a Sidoni maatûûraga matarî na thîna, marî na thayû, matagûtetania wanarî na mûndû. Maarî na indo cionthe. Maatûûraga kûraca na andû a Sidoni na matiarî na ûndû mangîagwatanîre na arîa engî.