Ezek 30:3 - ÎVUKU RÎA ÛVORO MWARO

³ Nîûndû îvinda rîrî vakuvî, mûthenya wa Ngai-Mûnene ûrî vakuvî, ûkethîrwa ûrî mûthenya wîna matu, mûthenya wa kûthirua kwa ndûrîrî.

Ezek 30:3 ပူးပေါင်းရင်းမြစ်များ

Thaburi 110:6

Nîagaatuîra ndûrîrî ciira, na ecûrie kûrîa kûrûagîrwa mbaara na ciimba, na nîakaavoota athamaki a nthî yonthe.

Thaburi 37:13

Nwatî Ngai-Mûnene nîathekagîrîra andû arîa aganu, nîûndû nîecî atî nîmakûthirua vuva wa kavinda kanini.

Ntha 14:20

gîkîrûngama gatagatî ka athigari a mbaara a Isiraeli na athigari a mbaara a andû a Misiri. Narîo îtu rîu nîrîatûmire kûgîe nduma kûrî andû a Misiri, nwatî nîrîavere andû a Isiraeli ûtheri. Kwoguo athigari a mbaara a Misiri matingîavotire gûkuvîvîria athigari a mbaara a Isiraeli ûtukû ûcio wonthe.

Ntha 14:24

Mbere ya kûthamburûkana Ngai-Mûnene nîwaroririe nthî kûrî athigari a mbaara a Misiri arî gîtugîrî Kîam mwaki na Kîam îtu, na agîtûma magwatwe nî guoya.

Isaia 13:6

Rîrani, nîûndû mûthenya wa Ngai-Mûnene ûrî vakuvî, ûgaaûka wîkariî ta mûthiro kuuma kûrî mwene vinya wonthe.

Isaia 13:9

Taroria, mûthenya wa Ngai-Mûnene nîûgaakinya, mûthenya mûcûku wa marakara meengî na mang'ûrîka. Nthî nîgaacûkangua, nao andû evia arîa marî kuo mathirue viû.

Isaia 19:1

Îno nîyo ndûmîrîri îgiî Misiri: Ngai-Mûnene nîaûkîte vûrûrirî wa Misiri, aûkîte ekarîrîte îtu rîthiîte na îvenya, mîvuanano ya ngai cia Misiri nîgaatetemaga îrî mbere yake, nao andû a Misiri nîmakaathira vinya ngoro.

Jeremia 25:31

Înegene rîu nîrîkeguua nthî yonthe, nîûndû Ngai-Mûnene nîagaacirithia mavûrûri, nîagaatuîra andû onthe, na aûrage arîa onthe aganu. Ûguo nîguo Ngai-Mûnene arauga.’ ”

Ezek 13:5

Matigitagîra kûrîa nthingo ciatûkangîte, kana matuma nthingo cia kûgitîra andû a Isiraeli kuuma kûrî mbaara mûthenya wa Ngai-Mûnene wakinya.

Ezek 29:12

Nîngaatûma vûrûri wa Misiri wanangîke gûkîra mavûrûri monthe ma nthî. Matûûra ma Misiri magaatuîka maganjo macûku îvinda rîa mîaka mîrongo îna gûkîra matûûra mengî monthe. Nîngaatûma andû a Misiri manyaganîrie ndûrîrîrî ciîngî na ndûme maûre mathiî mavûrûrirî mengî.”

Ezek 30:18

Mûthenya ûcio, Tehafinehesi nîûkaagîa nduma rîrîa ngaaunanga ûnene wa Misiri na nthirie vinya wao ûcio metîîaga naguo. Îtu nîrîgaakunîka vûrûri wa Misiri na andû a matûûra ma kuo mavirwe îthamîriorî.

Ezek 32:7

Vîndî îrîa ngaakûthiria, nîngaakunîkîra matu na ndûme njata cia îgûrû ituîke nduma. Nîngaakunîkîra riûa na matu naguo mweri nîûgaatiga kûruta ûtheri waguo.

Ezek 34:12

Wata ûrîa mûrîthi acaragia ng'ondu irîa inyaganîtie, nîguo nie ngaacaria ng'ondu ciakwa na nîivonokie kuuma kûrîa kuonthe inyaganîrîtie mûthenya ûrîa gûkethîrwa kûrî na matu na nduma nene.

Ezek 7:10

“Taroriani, mûthenya nîmûku; mûthiro wenyu nîmûkinyu. Mbûkanîrîro îcûrîte kûndû kuonthe na mwîtîîo ûkengîva.

Ezek 7:12

“Kavinda nîgakinyu na mûthenya nwa ûrakuvîvîria. Mûgûri wa indo nîatige gûkena, kana mwendia wa indo egue kîeva nîûndû marakara ma Ngai magaakinyîra andû onthe.

Ezek 7:19

Nîmagaikia sîlûva njîrarî, na thaavu yao igaatuîka ta kîndû gîtarî kîtheru. Sîlûva na thaavu ciao itikaavota kûmavonokia mûthenya ûrîa Ngai-Mûnene akaametûrûrîra marakara make. Itikaamathiria vata kana imavaithie, nîûndû mbeca icio na thaavu nîcio ciatûmire matonye waganurî.

Ezek 7:7

Mue arîa mûtûûraga vûrûrirî ûyû, mûthiro wenyu nî ûkîte! Kavinda nî gakinyu, na mûthenya ûrî vakuvî; mûthenya wa thîna nwatî tî mûthenya wa kugîrîria na gîkeno irîmarî.

Joeli 1:15

Kaî twî na thîna-î; mûthenya ûcio wa Ngai-Mûnene nîûkîte; ûkîte vamwe na maûndû ma gûcûkangia, kuuma kûrî Ngai-Mûnene.

Obadia 1:15

“Kavinda ka Ngai-Mûnene karî vakuvî ga gûtuîra mavûrûri monthe ciira. Ûrîa mwekire, nwaguo wanamue mûgekwa, mûkarîvwa kûringana na ciîko cienyu.

Zefania 1:14

Mûthenya mûnene wa Ngai-Mûnene nîûkuvîvîrie, ûrî vakuvî na ûraûka narua mûno. Mûgambo wa mûthenya wa Ngai-Mûnene nî mûrûrû mûno, athigari arîa aûmîrîru mûno nîmakaarîra na mûgambo mûnene.

Zefania 1:7

Kirani mbere ya Ngai-Mûnene, nîûndû mûthenya ya Ngai-Mûnene ûrî vakuvî. Ngai-Mûnene nîavarîrîtie kîgongoona, na akamûra ageni ake a gîtîîo.

Mathaayo 24:33

Na njîra ta îno, rîrîa mûkoona maûndû mama monthe magîkîka, nîmûkaamenya atî îvinda nîrîkuvîvîrie na rîrî vakuvî wata mûrangorî.

Afil 4:5

Gûkirîrîria kwenyu nîkûmenywe nî andû onthe. Mwathani arî vakuvî gûka.

Jakuvu 5:9

Ariû na aarî a îthe wetû, tigagani gwîkara mûgîtetanagia nîguo mûtigatuîrwe. Taroriani mûtucanîri arûngamîte mûrangorî.

Kûguû 6:17

Nîûndû mûthenya wao Mûnene wa marakara nîmûkinyu. Nû ûngîvota kûmîrîria îverithania rîu?”