Ezek 30:25 - ÎVUKU RÎA ÛVORO MWARO

²⁵ Nîngekîra njara cia mûthamaki wa Babuloni vinya, nwatî nîngaatûma njara cia mûthamaki wa Misiri iregere. Rîrîa ngaanengera mûthamaki wa Babuloni rûviû rwakwa rwa njûra nake arûcomore arûe na vûrûri wa Misiri nîmakaamenya atî, nie nînie Ngai-Mûnene.

Ezek 30:25 ပူးပေါင်းရင်းမြစ်များ

1Maû 21:16

Daudi nîwonire mûraika wa Ngai-Mûnene arûngamîte rîerarî gatagatî ka nthî na îgûrû agwete rûviû na njara rûrî rûcomore njûrarî na rûkîrîrîtue îgûrû rîa Jerusalemu. Daudi na athuuri, mekîrîte nguo cia macakaya nîmegwîthirie na magîturumithia mothiû mao nthî.

Thaburi 9:16

Ngai-Mûnene nîemenyithanîtie na njîra ya gûtuîrîra andû na kîvooto, nao andû arîa aganu nî manyitîtwe nî ciîko cio o ene.

Isaia 5:25

Kwoguo Ngai-Mûnene nî mûrakaru nî andû ake, nîatambarûkîtie njara yake akamaûraga. Irîma nîithingithîte, na ciimba cia andû arîa maûragîtwe ciîkariî ta ndagara njîrarî. Kûnarî ûguo, marakara make matiathira, nwatî nwa atambarûkîtie njara amaverithie.

Ezek 29:16

Andû a Isiraeli matigaacoka kwiga mwîvoko wao kûrî vûrûri wa Misiri. Nîmakaamenya mavîtia mao ma kûvoya ûtethio kûrî andû a Misiri. Nao Aisiraeli nîmakaamenya atî Nie nînie Ngai-Mûnene Ngai.”

Ezek 29:21

“Mûthenya ûcio nîngaatûma andû a Isiraeli magîe na vinya na nîûkaavota kwaria ûrî gatagatî kao, nao nîmakaamenya atî nie nînie Ngai-Mûnene.”

Ezek 30:19

Ûguo nîguo ngaaverithia Misiri, nao nîmakaamenya atî, nie nînie Ngai-Mûnene.”

Ezek 30:24

Nîngaatûma njara cia mûthamaki wa Babuloni igîe na vinya na nîmûnengere rûviû rwakwa rwa njûra arûnyite na njara yake. Nwatî nîngaauna njara cia mûthamaki wa Misiri na nî agaacaa arî mbere ya mûthamaki wa Babuloni ta mûndû ûgurarîtue nguraro ya gûtûma akua.

Ezek 30:26

Nîngaanyagania andû a Misiri kûrî ndûrîrî ciîngî na ndûme maûrîre mavûrûrirî monthe ma nthî. Nao nîmakaamenya atî, nie nînie Ngai-Mûnene.”

Ezek 32:15

Rîrîa ngaatûma vûrûri wa Misiri wanangîke na ûtuîke werû, na indo ciao cionthe itavwe na ndûme andû akuo onthe maûragwe, nîmakaamenya atî nie nînie Ngai-Mûnene.

Ezek 38:16

Nîûkaatharîkîra andû akwa a Isiraeli ta ûrîa îtu rîkunîkagîra vûrûri. Vîndî îo nîngaakûrete ûtharîkîre vûrûri wakwa nîguo mavûrûri mamenye atî nîngûvûthîrîte we Gogu nîguo monanie ûtheru wakwa mbere yao.

Ezek 38:23

Kwoguo, mavûrûri meengî nîmakaamenya atî, nie nînie Ngai-Mûnene na nîngoonania ûnene na ûtheru wakwa kûrî ndûrîrî nyîngî.”

Josh 8:18

Ngai-Mûnene nîwacokire akîra Joshua atîrî, “Orotithia îtumû rîaku rîu ûnyitîte îtûûrarî rîa Ai, nîûndû nîngûtûma ûrîvoote.” Joshua nîworotithirie îtumû rîake na kûu Ai wata ûrîa eerirwe.