Ezek 30:24 - ÎVUKU RÎA ÛVORO MWARO

²⁴ Nîngaatûma njara cia mûthamaki wa Babuloni igîe na vinya na nîmûnengere rûviû rwakwa rwa njûra arûnyite na njara yake. Nwatî nîngaauna njara cia mûthamaki wa Misiri na nî agaacaa arî mbere ya mûthamaki wa Babuloni ta mûndû ûgurarîtue nguraro ya gûtûma akua.

Ezek 30:24 ပူးပေါင်းရင်းမြစ်များ

Nehemia 6:9

Meendaga gûtûmakia magîciria nîtûgûtiga kûruta wîra. Nwatî nînavoire ngiuga atîrî, “Ngai tûma ngîe na vinya.”

Ayubu 24:12

Na kûu matûûrarî kûrî na mûcayo wa arîa marakua, na arîa agurarie nîmarakaa makîenda ûtethio, nwatî Ngai ndathikagîrîria mavoya mao.

Thaburi 144:1

Ngai-Mûnene, îthiga rîakwa arokumua, ûrîa ûnthomithagia kûrûa na akamvarîrîria nîûndû wa mbaara.

Thaburi 17:13

Ûka we, Ngai-Mûnene! Regana nao na ûmavoote! Mvonokia na rûviû rwaku kuuma kûrî andû arîa aganu,

Thaburi 18:32

Nîke Ngai ûrîa ûmvecaga vinya, ûrîa ûgitagîra njîra irîa nthiîcagîrîra.

Thaburi 18:39

Nîwamvere vinya wa kûrûa, na ûkîmvotithia kûvoota nthû ciakwa.

Isaia 10:15

Îthanwa nwa rîtîîre mûndû ûrîa ûrarîtûmîra? Mûcumano nwa wîneneverie mûndû ûrîa ûtinagia naguo? Nîkwa rûthanju rûngîambararia mûndû ûrîa ûrûkagîrîria, kana mûragi ûkîrîrie mûndû ûrîa ûûtûmagîra!”

Isaia 45:1

Ngai-Mûnene arera Cairasi atîrî, “We wî mûthamaki ûrîa nthuurîte! Nîngwîkîrîte vinya nîguo ûvoote mavûrûri marîa marî mbere yaku; na kûvûrûra athamaki mavinya mao; nie nîngûkûvingûrîra ivingo cia îtûûra, na gûtirî kîvingo gîkaavingwa.

Isaia 45:5

“Nie nînie Ngai-Mûnene na gûtirî ngai îngî tiga nie. Nînie ngûmenyagîrîra, wana ethîrwa ndûmbîcî,

Jeremia 51:52

Kwoguo nie Ngai-Mûnene nîrauga atîrî, “Kavinda nîgagûkinya rîrîa ngacûkangia mîvuanano ya Babuloni, naguo vûrûri wonthe wîcûre mûcao wa andû arîa mativangîtue.

Ezek 26:15

Ngai-Mûnene Ngai arera îtûûra rîa Turo atîrî, “Anga andû arîa matûûraga rûtererî rwa îria matikaamaka rîrîa makeegua mûrurumo waku ûkîgwa, kîrîro Kîam andû arîa mativangîtue na Kîam arîa makûragwa.

Ezek 29:19

Kwoguo, nie Ngai-Mûnene Ngai nîngaanenganîra vûrûri wa Misiri kûrî Nebukadinezarû, mûthamaki wa Babuloni. Nî agaatava indo ciake cionthe na akuue ûtonga wa vûrûri wa Misiri nîguo ûtuîke îrîvi rîa athigari ake a mbaara.

Ezek 30:10

Ngai-Mûnene Ngai arauga atîrî, “Nîngaatûma Nebukadinezarû, mûthamaki wa Babuloni athirie ûtonga wa vûrûri wa Misiri.

Ezek 30:11

Mûthamaki Nebukadinezarû, na athigari ake arîa matarî ntha nîmakaaretwe macûkangie vûrûri. Nîmakaatharîkîra vûrûri wa Misiri na mviû cia njûra na mecûrie vûrûri ûcio ciimba.

Ezek 30:21

“Mûndû, nîmunîte njara ya mûthamaki wa Misiri na ndîanovwa nîguo îvone na îvote kûnyita rûviû rwa njûra rîngî.

Ezek 30:25

Nîngekîra njara cia mûthamaki wa Babuloni vinya, nwatî nîngaatûma njara cia mûthamaki wa Misiri iregere. Rîrîa ngaanengera mûthamaki wa Babuloni rûviû rwakwa rwa njûra nake arûcomore arûe na vûrûri wa Misiri nîmakaamenya atî, nie nînie Ngai-Mûnene.

Zefania 2:12

Wana mue andû a Kushi nîmûkaaûragwa nî rûviû rwake.