Ezek 3:7 - ÎVUKU RÎA ÛVORO MWARO

⁷ Nwatî andû a Isiraeli matigakûthikîrîria, nîûndû matirenda kûnthikîrîria. Andû onthe a Isiraeli marî ngoro nyûmû na nî aremi.

Ezek 3:7 ပူးပေါင်းရင်းမြစ်များ

Isaia 3:9

Ûthiû wao nîwonanagia ûrîa marî evia; managîrîra wîvia wao ta wa Sodomu na matiûthithaga. Kaî andû acio marî na thîna-î, nîûndû nîo ene meretererete mathîna.

Isaia 48:4

Nîûndû nînamenyaga atî we wî mûremi mûno, na kîongo gîaku kîûmîte ta cuuma, naguo ûthiû waku ûgekara ta gîcango.

Jeremia 3:3

Kwoguo mbura nene nîmvingîrîrie, wana îrîa nini nîndigu kuura; kûnarî ûguo we wîigaga ta îraa; na ndwîgucaga nthoni.

Jeremia 44:16

“Tue tîtûthikîrîria ndûmîrîri îo watûva kuuma kûrî Ngai-Mûnene.

Jeremia 5:3

We Ngai-Mûnene na kinthî we ndûcaragia kîvooto? We nîûmarivîte nwatî matiîgucaga ûrûrû, we nîûmavîvîtie na mwaki makathira, nwatî nîaregu kûrûngwa. Maûmîtie ngoro gûkîra îthiga; nîmaregete kûvera mevia mao.

Jeremia 6:10

Nîngîaria na û nîguo nîmakaanie mambîgue? Taroria nîmavingîte matû mao nîguo matikegue, kiugo Kîam Ngai-Mûnene kûrî o nî kîndû gîa kûnyararwa, matikenagua nî kîo.

Jeremia 6:17

Nînathuurire andû a kûmûrangîra na ngîmera atîrî, ‘Thikagîrîriani mîgambo ya tûrumbeta.’ Nwatî nîmambîrire atîrî, ‘Tîtûthikîrîria.’

Jeremia 7:27

“Kwoguo we Jeremia, îra andû akwa maûndû mama monthe, nwatî tîmakûthikîrîria. We nîûkameta, nwatî matigagwîtîka.

Ezek 2:4

Andû acio nî aremi na nî aûmû ngoro. Kwoguo nîngûgûtûma ûthiî ûkamere ûrîa nie Ngai-Mûnene ngûmera.

Ezek 24:7

Nîûndû kûu îtûûrarî kûrî na ûragani. Nthakame ndîetûrûrwa nthî naarî îkunîkîrwe nî mûthetu, yetûrûrirwe îthigarî.

Ezek 3:6

Ndiragûtûma kûrî rûrîrî rûnene na rwaragia rûthiomi ûtaicî na rûmû rûrî na ciugo ûtangîtaûkîrwa. Nama, kethîrwa nagûtûmire kûrî andû ta acio, nîmangîakûthikîrîrie.

Ezek 3:8

Taroria, nîndûmîte ûtuîke mûremi na ûgîe na ngoro nyûmû ta o.

Zakaria 7:11

“Nwatî nîmaaregire kûnthikîrîria na makîûmia ciongo ciao, na makîvinga matû mao nîguo matikegue.

Zakaria 7:12

Nîmaaûmirie ngoro ciao ta mathiga, kwoguo matingîathîkîra watho kana ndûmîrîri îrîa nie Ngai-Mûnene nwene vinya wonthe naamatûmîre na njîra ya arathi arîa maarî kuo mbere. Kwoguo nie Ngai-Mûnene mwene vinya wonthe nînaarakarire nîo.

Luka 10:16

Jesû nîwacokire akîîra arutwa ake atîrî, “Mûndû wa wonthe ûrîa ûmûthikagîrîria, nînie athikagîrîria; na mûndû wa wonthe ûrîa ûmûregaga, nînie aregaga, na mûndû wa wonthe ûrîa ûndegaga, aregaga ûrîa wandûmire.”

Luka 13:34

“Jerusalemu, Jerusalemu! Atî wa rîrîa rîonthe Ngai agûtûmîra arathi nîkwa ûmaûragaga! Nî maita megana nanenda gûcokanîrîria andû aku vamwe wata ûrîa ngûkû îcokanagîrîria tûciiû rungu rwa mathagu mayo, nwatî ndûmbîtîkagîria!

Luka 19:14

Nwatî andû a vûrûri wake nîmaamûmenete mûno, kwoguo nîmaatûmire anjaama mamuume vuva, na maakinya mauge atîrî, ‘Tue tûtikwenda mûndû ûyû atuîke mûthamaki wetû.’

1Sam 8:7

nake Ngai-Mûnene akîîra Samueli atîrî, “Îtîkîra maûndû monthe marîa andû magûkwîra, nîûndû we tîwe maregete. Nie nînie maregete nduîke mûthamaki wao.