Ezek 3:12 - ÎVUKU RÎA ÛVORO MWARO

¹² Nînacokire ngîambararua na îgûrû nî Roho, na vuva wakwa nînegwire mûgambo ta wa kîthingithia kînene ûkiuga, “Riiri wa Ngai-Mûnene ûrîa ûrî îgûrû ûrokumua.”

Ezek 3:12 ပူးပေါင်းရင်းမြစ်များ

1Atha 18:12

Î narîo Roho wa Ngai-Mûnene angîgwoca na akûvire kûndû ndaicî narîkia kuuma ava? Nacoka nera Ahabu, atî wî gûkû nake arege gûkwona, kinthî ndakûmbûraga? Ririkana, atî ndwîre nîrî mûgooci Ngai-Mûnene na vinya mûno kuuma nîrî kamwana.

2Atha 2:16

na makîmwîra atîrî, “Tue ndungata ciaku, tûrî ava tûrî arûme mîrongo îtano (50) marî vinya. Twakûthaitha ûtwîtîkîrie tûthiî tûgacarie mwathi waku. Nwa kwîthîrwa Roho wa Ngai-Mûnene ûthiîre nake na wamûtiga vandû îgûrû rîa kîrîma, kana vandû Kîamndarî.” Nake Elisha nîwamerire atîrî, “Naarî, tîmûthiî.”

Thaburi 148:2

Mûkumieni mue araika ake onthe, mûkumieni mue athigari a îgûrû!

Thaburi 26:8

Nîmendete hekarû yaku kûrîa ûtûûraga, we Ngai-Mûnene, na vandû varîa riiri waku wîkaraga.

Isaia 6:3

Wa ûmwe wa Aserafi acio etaga ûrîa wîngî akiugaga atîrî, “Mûtheru, mûtheru, mûtheru! Ngai-Mûnene, mwene vinya wonthe nî mûtheru! Riiri wake wîcûrîte nthî yonthe.”

Ezek 10:4

Naguo riiri wa Ngai-Mûnene nîwaunûkirie umîte kûrî Akerubi ûkîthiî ûkîrûngama kîvingorî Kîam hekarû. Hekarû nîyecûrirwe nî îtu, nayo nja ya hekarû îgîcûra ûkengu wa riiri wa Ngai-Mûnene.

Ezek 11:1

Roho wa Ngai nîwanguire na akîmvira kîvingorî Kîam hekarû Kîam mwena wa îrathîro. Vau kîvingorî noonire athuuri mîrongo îîrî na atano. Gatagatîrî kao kwarî Jaazania mûvîcî wa Azuri na Pelatia mûvîcî wa Benaia, atongoria a andû a Isiraeli.

Ezek 2:2

Nînacokire ngîcûrwa nî Roho wa Ngai na akînûngamia. Ngîgua akîmbarîria,

Ezek 3:11

Thiî rîu kûrî andû enyu arîa marî îthamîriorî na ûmere ûrîa nie Ngai-Mûnene mbugîte, wana ethîrwa magakûthikîrîria kana tî makûthikîrîria.”

Ezek 3:14

Nînacokire ngîambararua nî Roho na akînguua ngîthiî nîrî na ûrûrû na marakara ngororî, na Ngai-Mûnene akîmboca na vinya wake.

Ezek 43:4

Riiri wa Ngai-Mûnene nîwavîtûkîrîre mwîrîgarî wa mwena wa îrathîro ûgîtonya hekarûrî.

Ezek 43:5

Roho wa Ngai-Mûnene nîwambocire na ûkîmbira kîvarorî Kîam mwena wa ndarî na ngîona atî riiri wa Ngai-Mûnene nîwecûrîte hekarûrî.

Ezek 8:3

Nîwakûnjûrire kîndû gîekariî ta njara akînyita njuîrî yakwa, nake Roho wa Ngai akîmbûkîrîria na îgûrû rîerarî na akîmvira Jerusalemu. Nîrî kîonekirî kîu Kîam Ngai, nonire amvira mûrangorî wa kîvingo Kîam ndaarî wa kîvaro ûrîa werekerete na mwena wa rûgûrû wa hekarû. Vau vaarî na mûvuanano watûmaga Ngai arakare.

Ezek 9:3

Riiri wa Ngai wa Isiraeli nîwaumîte îgûrû kûrî Akerubi kûrîa wekaraga na ûkathiî kîvingorî gîa hekarû. Ngai nîwacokire agîta mûndû ûrîa wekîrîte nguo mbaro na warî na kîndû gîa kwandîka

Ciîko 2:2

Wa rîmwe nîkwagîre mûgambo mûnene umîte îgûrû wagambaga ta rûvuvo rwavurutanaga na vinya, na ûgîcûra nyomba yonthe kûu meekarîte.

Ciîko 8:39

Na rîrîa maaumîrire manjîrî, Filipu nîwecukirue nî Roho wa Mwathani, na mûndû ûcio ngaramba ndaamwona rîngî, nwatî nîwathiîre na mbere na rûgendo rwake ecûrîtwe nî gîkeno.

Kûguû 1:10

Mûthenya wa Mwathani nînecûrîtwe nî roho mûtheru. Roho ûcio mûtheru nîwamvotithirie kwîgua mûgambo mûnene, ûrîa wagambire ta mûgambo wa karumbeta vuva wakwa.

Kûguû 1:15

nyarîrî ciake ciakengete ta cuuma ya gîcango îrî ntherie na mwaki, naguo mûgambo wake wagambaga ta ndurumo ya manjî.

Kûguû 19:6

Ngîcoka ngîgua mûgambo ta wa andû eengî mûno. Mûgambo ûcio wagambaga ta mûgambo wa ndurumo ya manjî meengî mûno, kana mûrurumo mûnene wa ngwa. Nao maaugaga atîrî, “Ngai arokumua! ‘Nîûndû Mwathani, Ngai wetû mwene vinya wonthe, nî mûthamaki!’