Ezek 29:5 - ÎVUKU RÎA ÛVORO MWARO

⁵ We vamwe na nthamaki icio nîngaamwikia werûrî na mîîrî yenyu nîîkagwa kûndû gûtarî kîndû na ndîkaathikwa. Mîîrî yenyu îgaatuîka irio cia nyamû cia kîthakarî na iconi cia rîerarî.

Ezek 29:5 ပူးပေါင်းရင်းမြစ်များ

Thaburi 74:14

We nîwatomborire ciongo cia Leviathani kîûmbe kîrîa kînene, na ûkînenganîra mwîrî kîo kûrî nyamû cia werûrî irîe.

Jeremia 16:4

nîmakaûragwa nî mîrimû mîcûku na gûtirî mûndû ûkamacakaîra kana amathika, mîîrî yao îgaatuîka ta irûndo cia mai gûkû nthî. Makaûragîrwa mbaararî na maûragwe nî yûra. Ciimba ciao ikaarîwa nî iconi na nyamû cia kîthaka.

Jeremia 25:33

Mûthenya ûcio andû arîa makaûragwa nî Ngai-Mûnene makanyagania kuuma mûthiia ûmwe wa nthî kûthiî ûrîa wîngî. Matigacakaîrwa, matikaûnganua kana mathikwa; makanyagarûkua nthî ta irûndo cia thumu.

Jeremia 34:20

Andû acio nîngamarekereria kûrî nthû ciao, na kûrî andû arîa mendaga kûmaûraga. Ciimba ciao nîikaarîwa nî iconi cia rîerarî na nyamû cia kîthaka.

Jeremia 7:33

Ciimba cia andû aya ikaarîwa nî iconi cia rîerarî na nyamû cia kîthaka na gûtirî mûndû ûkaimakia.

Jeremia 8:2

Nîmakaanyagarûkua riûarî, mwerirî, na njatarî, irîa mendete na maaitungatagîra, irîa marûmîrîrîte na makagooca. Mavîndî mau matigacokanîrîrua kana mathikwa, makethîrwa mekariî ta mai marî îgûrû rîa nthî.

Ezek 31:13

Iconi cionthe cia rîerarî nîikaagûcaga mûtîrî ûcio mûgûu nthî, nacio nyamû cionthe cia kîthakarî nîigaakinyangaga mvûa ciaguo.

Ezek 31:18

“Kûrî mûtî wîngî mûgûndarî wa Edeni ûngîringithanua na mûtî ûcio nîûndû wa riiri na ûnene waguo? Mûtî ûcio ûgaaikua vamwe na mîtî ya mûgûnda wa Edeni kwa arîa akuû. Ûgeekarania kûu na andû arîa mataicî Ngai, na arîa maaûragirwe vîndî ya mbaara. Mûtî ûcio nîwe mûthamaki wa Misiri vamwe na andû ake. Ûguo nîguo Ngai-Mûnene Ngai augîte.”

Kûguû 6:8

Nînaroririe na ngîona mbarathi ya rangi îno nthererûku. Nake ûrîa wathiîte amîkarîrîte eetagwa Gîkuû na Vûrûri wa arîa akuû nîwamûrûmîrîrîte. Nao nîmaaveerwe ûvoti wa kwatha kîmwe gîa icunjî inya cia nthî nîguo maûrage andû na njîra ya mbaara, yûra, mîrimû, na nyamû cia kîthaka.

1Sam 17:44

Mûfilisiti ûcio nîwerire Daudi atîrî, “Nguvîvîria na nînengera iconi cia rîerarî na nyamû cia kîthaka kimba gîaku.”