Ezek 29:3 - ÎVUKU RÎA ÛVORO MWARO

³ Mwîre nie Ngai-Mûnene Ngai mbugîte atîrî: Nîngûrûa nawe mûthamaki wa Misiri we ndamathia îrîa îmamaga rûnjîrî rwa Nilo. Ugaga atî rûnjî rûu nî rwaku na nîwe watûmire rûgîe.

Ezek 29:3 ပူးပေါင်းရင်းမြစ်များ

Thaburi 68:30

Kaania nyamû icio itûûraga mûthanjerî; kaania mavûrûri marîa mekariî ta ndîthia ya ndegwa na tûcaû twacio, nginya mavûrûri mau makûve gîtîîo na makûrutîre gooti; nyagania andû arîa mendaga mbaara!

Thaburi 76:7

Nwatî we Ngai, wîtigîrîtwe nî andû onthe. Gûtirî mûndû ûngîrûngama mbere yaku rîrîa wî mûrakaru.

Isaia 27:1

Mûthenya ûcio, Ngai-Mûnene nîagooca rûviû rwake rûrîa rûnene na averithie Leviathani, njoka îrîa îgûrûkaga, njoka îrîa îîthioraga, na aûrage njûnamatu îrîa îtûûraga îriarî.

Isaia 51:9

Ûkîra, ûkîra, we Ngai-Mûnene! Îkîra vinya waku ûtûvonokie, ûkîra wata ûrîa wekire vingo ya tene, kûrî njiarwa cia tene. Na kinthî tîwe watinangirie Rahabu tûcunjî tûcunjî, wa we ûrîa wamundangire njûnamatu?

Jeremia 44:30

Nîngaarekereria Hofira mûthamaki wa Misiri kûrî nthû ciake na kûrî arîa mamûcaragia mamûûrage, wata ûrîa naarekererie Hezekia mûthamaki wa Juda kûrî Nebukadinezarû mûthamaki wa Babuloni ûrîa warî nthû yake na wendaga kûmûûraga.”

Ezek 28:2

“We mûndû, îra mûthamaki wa Turo ûrîa nie Ngai-Mûnene Ngai nîramwîra. Arî na mwîtîîo ngororî na arauga atî ke nî ngai na ekaragîra gîtî Kîam ûnene Kîam ngai gatagatî ka maria. Nwatî we wî mûndû nwa tîwe ngai wana ethîrwa wîyonaga ûrî na ûgî ta ngai.

Ezek 28:22

ûrîre atî Ngai-Mûnene Ngai augîte nîakûrûa narîo onanie riiri wake gatagatî ka rîo. Rîrîa ngoonania ûthingu wakwa na njîra ya kûrîverithia, andû nîmakaamenya atî nie nînie Ngai-Mûnene.

Ezek 30:12

Nîngaatûma rûnjî rwa Nilo rûvwe na menderie andû aganu vûrûri wa Misiri. Nîngaatûma andû ageni manange vûrûri ûcio wana kîndû kîonthe kîrîa kîrî kuo. Nie Ngai-Mûnene nînie mbugîte ûguo.”

Ezek 30:22

Kwoguo, nie Ngai-Mûnene Ngai mbugîte atî nîngûrûa na mûthamaki wa Misiri. Nîngaauna njara ciake cioîrî. Mune njara îrîa îrî na vinya na mune njara îrîa munîku, na ndûme rûviû rûrîa anyitîte rûgwe nthî.

Ezek 32:2

“Mûndû, ina rwîmbo rwa macakaya nîûndû wa mûthamaki wa Misiri na ûmwîre: We mûthamaki wa Misiri wîtucaga ta mûnyambû gatagatî ka ndûrîrî, nwatî we wîkariî ta njûnamatu îrî manjîrî. Umagîra manjîrî na vinya na ûkaunjuga manjî na magûrû maku na ûgacûkia nyûnjî.

Danieli 4:27

Kwoguo Mûthamaki wetû, nakûthaitha wîtîkîre mataaro makwa. Tiga kwîvia na gwîka maûndû ma waganu, na wambîrîrie gwîka maûndû ma ûthingu na kwîguîra andû arîa athîni ntha. Weka ûguo, wavota kwongererwa mavinda ma gûtûûra wîganîrîte.”

Amosi 6:13

Mwîtîîaga nîûndû wa kûnyita îtûûra rîa Lodebari, mugaga atî, “Na vinya wetû nîtwînyitîrîte îtûûra rîa Karinaimu.”

Nahumu 1:6

Nû ûngîvota gwîtirîria marakara ma Ngai-Mûnene? Nû ûngîvota gwîtirîria ûrûrû wa marakara make? Mang'ûrîka make metûrûragwa ta mwaki; na nîenyûrangaga mathiga inuku.

Gûco 8:17

Kwoguo îîmenyerereni mûtigecirie atî mûtongete nîûndû wa ûvoti kana vinya wenyu.

Kûguû 13:11

Nînacokire ngîona nyamû îngî yaumire nthî. Nyamû îo yarî na mvîa igîrî ta kagondu na yaragia ta njûnamatu.

Kûguû 13:2

Nyamû îo yonekaga îkariî ta gîtang'a. Nacio ithu ciayo ciekariî ta cia ngatûnyi, na kanyua ka yo gekariî ta ka mûnyambû. Nayo njûnamatu nîyavecanire vinya wayo, gîtî Kîamyo Kîam ûnene, na wathani mûnene wayo kûrî nyamû îo.

Kûguû 13:4

Nao andû onthe nîmaagoocire njûnamatu îo nîûndû nîyavete nyamû îo wathani. O nîmaagoocire nyamû îo wa nayo makiugaga atîrî, “Nû wîkariî ta nyamû, na nû ûngîvota kûrûa nayo?”

Kûguû 16:13

Nanie nînoonire ngoma ithatû ciekariî ta ciûra. Ngoma icio ciaumaga kanyuarî ka njûnamatu, kanyuarî ka nyamû na kanyuarî ka mûrathi wa maveeni.

Kûguû 20:2

Nake nîwanyitire njûnamatu, njoka îrîa ya tene, na nîyo îtagwa Ngoma kana Caitani. Nîwocire nyororo na akîova njûnamatu îo kavinda ka mîaka ngiri îmwe.