Ezek 28:5 - ÎVUKU RÎA ÛVORO MWARO

⁵ Ûûgî wa kwendia na kûgûra indo nîwongererete ûtonga waku na ûkagîa na mwîtîîo ngororî nîûndû wa ûtonga ûcio waku!

Ezek 28:5 ပူးပေါင်းရင်းမြစ်များ

2Atha 14:10

Nîma Amazia rîu nîûvootete andû a Edomu, na wî mwîcûre nî mwîtîîo. Îganîra na ngumo îo yaku na wîkare mûciî. Ûracaria thîna îrîa îgaakûretere mînyamaaro we na andû aku a Juda nîkî?”

2Maû 25:19

Rîu we Amazia, ûreîra na ngoro na ûgetîîa atî nîwavootire andû a Edomu, nwatî îkara wa kûu mûciî. Ûracaria thîna nîkî na îgatûma we na andû a Juda mwona thîna?”

Thaburi 52:7

“Taroriani, mûndû ûtevoka Mwathani arî mûgitîri wake, nwatî aaigire mwîvoko wake varî ûtonga wake mwîngî na akiga ûgitîri wake varî ûtonga wake.”

Thaburi 62:10

Mûtikaige mwîvoko wenyu varî kûvinyanînîria; mûtikevoke kûgîa na indo na njîra ya gûcuunana na vinya; wana ûtonga wongerereka mûtikaige ngoro cienyu varî guo.

Thaburi 62:11

Nîmbîguîte mavinda meengî Ngai akiuga atî ûvoti nî wake,

Nthi 11:28

Mûndû ûrîa wîvokaga ûtonga wake agûcaga ta îthangû vîndî ya riûa, nwatî mûndû ûrîa mûthingu ekaraga ta îthangû vîndî ya mbura.

Nthi 26:12

Nî kava kîrimû gûkîra mûndû ûrîa wîtucaga atî ke nî mûûgî.

Nthi 30:9

nîguo ndikavae ngûkaane, na mbûrie atîrî, “Ngai-Mûnene nîke û?” Kana nthîne na nthiî ngaîe njonorithie rîîtwa rîaku.

Isaia 23:3

mavîtûkîrîrîte manjîrî meengî; mamûretagîre ngano kuuma Shihoru, mwagûraga na mûkendanîria na mavûrûri monthe.

Isaia 23:8

Nû wavangire maûndû mama megiî Turo, îtûûra rîrîa riumaga athamaki; kûrîa agûri na endia a indo maarî anene, na maatîîtwe nthî yonthe?

Isaia 5:21

Andû arîa meyonaga marî aûgî kaî marî na thîna-î, arîa meyonaga marî na wara mwîngî.

Jeremia 49:4

Mûretîîa na cianda cienyu nîkî mue andû arîa mûtetîkîtie? Mwevokete ûtonga wenyu mûkiugaga, ‘Nîûrîkû ûngîcûyia kûrûa natue?’

Ezek 16:49

Îvîtia rîa mwarwanyûkwe Sodomu nî atî, ke na erîtu ake maarî etîi, maarî na irio cia kwîgana na nîmeganîrîte, nwatî matiatethagia andû arîa maarî athîni na avatari.

Ezek 28:17

Nîwagîre na mwîtîîo nîûndû wa ûthaka waku, na ûgîcûkia ûûgî waku nîûndû wa riiri waku. Nagwikirie nthî mûtheturî na ngîkwanîka mbere ya athamaki nîguo makwone.

Ezek 28:2

“We mûndû, îra mûthamaki wa Turo ûrîa nie Ngai-Mûnene Ngai nîramwîra. Arî na mwîtîîo ngororî na arauga atî ke nî ngai na ekaragîra gîtî Kîam ûnene Kîam ngai gatagatî ka maria. Nwatî we wî mûndû nwa tîwe ngai wana ethîrwa wîyonaga ûrî na ûgî ta ngai.

Danieli 11:12

Nîagaakena mûno arîkia kûvoota gîkundi kîu Kîam athigari a Sîria, nwatî ndagaatûûra avootanaga.

Danieli 4:30

nîwaugire atîrî, “Ta roria îtûûra rîîrî rînene ûguo rîa Babuloni! Nînie nîrîtumîte nîguo monanie vinya, ûvoti riiri na wathani wakwa.”

Danieli 4:37

Na rîu, nie Mûthamaki Nebukadinezarû, nînîragooca, ngakumia na ngava Mûthamaki wa îgûrû riiri, nîûndû mawîra make monthe nî ma kîvooto, njîra ciake nî cia ma, na nîanyivagia arîa etîi.

Hosea 13:6

Nwatî rîrîa mwarîre mûkîvaa, nîmwambîrîrie gwîtîîa, nginya mûkîriganîrwa nînie.

Zakaria 9:3

Turo nîîthiûrûrûkîrîtie na rûthingo rwa vinya mûno, îkeyûnganîria sîlûva nyîngî ta rûkûngû, na thaavu nyîngî ta ndaka njîrarî.

Aroma 12:16

Tûûrani mwîgucanîte mûndû na mûndû ûrîa wîngî. Mûtigetîîe, nwatî tumagani ûrata na andû arîa monekaga matarî îgweta. Tigagani kwîyona ta mûrî aûgî.

Gûco 8:17

Kwoguo îîmenyerereni mûtigecirie atî mûtongete nîûndû wa ûvoti kana vinya wenyu.

1Tim 6:17

Atha andû arîa marî na ûtonga wa nthî îno matigetîîe. Meere matikaige mwîvoko wao kûrî ûtonga wa gûkû nthî ûrîa ûthiraga narua, nwatî maige mwîvoko wao kûrî Ngai ûrîa ûtûvecaga indo cionthe nîguo tûtûûre na gîkeno.