Ezek 28:3 - ÎVUKU RÎA ÛVORO MWARO

³ Nîma wîtucaga atî ûrî mûûgî gûkîra Danieli na gûtirî ûndû wa nthitho ûtaicî.

Ezek 28:3 ပူးပေါင်းရင်းမြစ်များ

1Atha 10:3

Nake Solomoni nîwacokerie mûndû mûka ûcio mûthamaki ciûria ciake cionthe. Gûtirî kîûria Solomoni aaremirwe nî kûmûcokeria.

Ayubu 15:8

Wanathikîrîria ndundu ya Ngai? Anga gûtirî mûndû wîngî mûgî tiga we?

Thaburi 25:14

Ngai-Mûnene nî mûrata wa arîa mamwathîkagîra, na nîamaririkanagia kîrîkanîro.

Jeremia 9:23

Ngai-Mûnene arauga atîrî, “Mûndû mûûgî ndakegathe na ûûgî wake, na andû njamba matikegathe nîûndû wa vinya wao, na itonga itikegathe na ûtonga wacio.

Ezek 14:14

Kethîrwa arûme acio athatû, Nuhu, Danieli na Ayubu matûûraga vûrûri ûcio, mîoyo yao nwayo îngîkaavonokua nîûndû wa ûthingu wao.” Ûguo nîguo Ngai-Mûnene augîte.

Ezek 28:15

Mîthiîre yaku îthîrîtwe îtarî ûcuke kuuma mûthenya ûrîa waûmbirwe nginya rîrîa wambîrîrie gwîka maûndû matarî ma ûthingu.

Danieli 1:20

Maûndûrî monthe megiî ûûgî na ûtaûki marîa mûthamaki angîendire kûmenya kuumana nao, nîwonire marî aro maita meengî mûno gûkîra aragûri kana aringi mbûgû, arîa maarî kûrîa kuonthe aathanaga.

Danieli 1:6

Gatagatîrî ka anake onthe arîa maathuurirwe kwarî na Danieli, Hanania, Mishaeli na Azaria kuuma mûvîrîgarî wa Juda.

Danieli 2:20

na akiuga atîrî, “Rîîtwa rîa Ngai rîrorathimwa tene na tene! Ke nî mûûgî na arî vinya.

Danieli 2:22

Ke nîaguûragia maûndû marîa mathithe; nîaicî maûndû marîa marî ndumarî, na ke mwene nî ûtheri.

Danieli 4:9

Beliteshazaru, mûnene wa aringi ciama, nie nîmbicî atî wîthagîrwa ûrî na roho kuuma kûrî ngai irîa ntheru na gûtirî nthitho ûtaicî; rîu ta ndaûrîra kîoneki kîrîa nonire na njîra ya kîroto.