Ezek 28:18 - ÎVUKU RÎA ÛVORO MWARO

¹⁸ Nîwarûthire maûndû meengî macûku ûrî wîrarî waku wa kwendia na kûgûra indo na ûkîgwatia vandû varîa ûgoocagîra mûgiro. Kwoguo nînatûmire mwaki ume wa kûu ûrî ûkûvîvie ûthire. Nao andû arîa maakwonaga moonaga ûtuîkîte mûu.

Ezek 28:18 ပူးပေါင်းရင်းမြစ်များ

Isaia 66:16

Nîûndû Ngai-Mûnene agaatuîra andû onthe na mwaki na rûviû rwake; nao andû eengî nîmakaaûragwa.

Ezek 28:15

Mîthiîre yaku îthîrîtwe îtarî ûcuke kuuma mûthenya ûrîa waûmbirwe nginya rîrîa wambîrîrie gwîka maûndû matarî ma ûthingu.

Ezek 28:16

Warî na wîra mwîngî wa kûgûra na kwendia indo na ûkîambîrîria gwîka maûndû na vinya na ûndû ûcio ûgîtûma wîvie. Kwoguo nînaakûvinyûririe ta kîndû kîrî mûgiro nîguo ume kîrîmarî Kîam Ngai. Na mûraika ûrîa wakûrangagîra nîwakûvinyûririe ûkiuma mathigarî marîa maavenavenagia.

Ezek 28:2

“We mûndû, îra mûthamaki wa Turo ûrîa nie Ngai-Mûnene Ngai nîramwîra. Arî na mwîtîîo ngororî na arauga atî ke nî ngai na ekaragîra gîtî Kîam ûnene Kîam ngai gatagatî ka maria. Nwatî we wî mûndû nwa tîwe ngai wana ethîrwa wîyonaga ûrî na ûgî ta ngai.

Ezek 5:4

Nîûgoca tûcuîrî twîngî na ûtûikie mwakirî tûvîe viû. Mwaki nîûkaauma vau na ûtambe kûrî andû onthe a Isiraeli.”

Amosi 1:14

Kwoguo nîngaatûma mwaki wakane rûthingorî rwa Raba, na ûcûkangie kûrîa kûgitîre îtûûrarî rîu. Mûthenya wa mbaara nîgûkaagîa na înegene rînene, nayo mbaara nîîkaneneva ta kîvuvûkanio kînene.

Amosi 2:2

Kwoguo nîngaatûma mwaki îtûûrarî rîa Moabu, ûcûkangie kûndû kûrîa kûgitîre îtûûrarî rîa Keriothi. Rîrîa athigari a mbaara makaugîrîria na mavuve tûrumbeta, andû a Moabu nîmagaakua.

Amosi 2:5

Kwoguo nîngaatûma mwaki vûrûrirî wa Juda, na ûcûkangie kûndû kûrîa kûgitîre îtûûrarî rîa Jerusalemu.”

Zakaria 9:4

Nwatî Ngai-Mûnene nî agaacuna îtûûra rîa Turo indo ciarîo, na ûtonga wakuo awikie îriarî, na rîvîvue na mwaki rîthire.

Malaki 4:3

Mûthenya ûcio nîmûgaakinyangîra andû arîa aganu nthî matuîke ta rûkûngû rungu rwa magûrû menyu. Ûguo nîguo nie Ngai-Mûnene mwene vinya wonthe nîrauga.

Maariko 8:36

Kûrî na wega ûrîkû wa mûndû agîe na ûtonga wa nthî yonthe nwatî acoke aûrwe nî mwoyo wake?

2Pet 2:6

Ngai nîwatuîrîre matûûra ma Sodomu na Gomoora akîmavîvia viû. Eekire ûndû ûcio ûtuîke kîonereria Kîam ûrîa gûgaatuîkîka kûrî arîa matarî na ûngai.

Kûguû 18:8

Nîûndû wa ûguo, mûthenya ûmwe nîakaaverithua na mûrimû, kîeva na yûra, na acoke avîvue na mwaki, nîûndû Mwathani Ngai, ûrîa ûmûtucagîra ciira nî mwene vinya.”

Atir 9:15

Naguo mûtare wa kîthakarî nîwerire mîtî îo îngî atîrî, ‘Ethîrwa nîmûkwenda nduîke mûthamaki wenyu, ûkani mwîkare kîrururî gîakwa na ethîrwa tî mwîka ûguo, mwaki ûrouma mûtarerî ûyû wa kîthaka na ûvîvie mîtarakwe ya Lebanoni viû.’ ”

Atir 9:20

Nwatî ethîrwa tî ûguo, mwaki ûrouma kûrî Abimeleki na ûvîvie andû a Shekemu na andû a Bethimilo viû. Na rîngî mwaki ûrouma kûrî andû a Shekemu na Bethimilo na ûvîvie Abimeleki viû.”