Ezek 28:17 - ÎVUKU RÎA ÛVORO MWARO

¹⁷ Nîwagîre na mwîtîîo nîûndû wa ûthaka waku, na ûgîcûkia ûûgî waku nîûndû wa riiri waku. Nagwikirie nthî mûtheturî na ngîkwanîka mbere ya athamaki nîguo makwone.

Ezek 28:17 ပူးပေါင်းရင်းမြစ်များ

Thaburi 147:6

Ngai-Mûnene nîaûkagîrîria arîa avinyîrîrie, nwatî agaikia arîa aganu mûtheturî.

Thaburi 73:18

Nama we nîûmaigîte kûndû gûtenderû, na nîûtûmîte magwe na mathire.

Nthi 11:2

Mwîtîîo nîûnyararithagia mûndû, nwatî mûndû mwînyivia nîagîcaga ûûgî.

Nthi 16:18

Mwîtîîo nî ûtûmaga mûndû acûkange, na mwîyambo ûkaga mbere ya mûndû agwa.

Isaia 25:12

Nîakomomora îtûûra rîrîa rîgitîre rîa Moabu na nthingo ndaca ciarîo na aigwîthie nthî.

Isaia 26:5

Nîûndû nîagwîthîtie arîa metûûgagîria, nîomomorete îtûûra rîrîa rîrî vinya na akarîvaragania mûtheturî.

Jeremia 8:9

Andû arîa aûgî nîmagaconorithua, nîmakavîngwa na magwatwe. Nîmaregete ciugo cia Ngai-Mûnene; nî ûûgî ûrîkû marî naguo?

Ezek 16:41

Nîmagaacoka mavîvie nyomba ciaku, na makûverithie aka eengî makîonaga, na nîngaatûma ûtige kûvûra ûmaraa na ûtige kûrîva andû nîguo mavûre ûmaraa nawe rîngî.

Ezek 19:12

Nwatî mûtî ûcio wa mûthavibu nîwakûûrirwe na marakara, ûgikua ûkîgwîthua nthî. Rûkûngi rûrîa rumaga na mwena wa îrathîro, nîrwaûmirie mûtî ûcio viû, na matunda ma guo nîmeetîkire na makîvova. Itina irîa ciarî na vinya nîciavovire, ikîvîvua na mwaki ikîthira.

Ezek 23:48

Ûguo nîguo ngaathiria ûmaramari kûu vûrûrirî wonthe, nîguo ûtuîke ûndû wa gûkaania aka onthe matige kûrûtha maûndû ma ûmaraa ta ûcio Ohola na Oholiba meekire.

Ezek 26:16

Athamaki onthe a mavûrûri marîa marî rûtere rwa îria nîmakaauma itîîrî ciao cia ûthamaki. Nao nîmakaaruta nguo ciao irîa ndaca wa vamwe na nguo ciao irîa ng'emie waro. Nîmakaagwatwa nî guoya na nîmagekaraga nthî makinainaga vîndî cionthe mamakîte nîûndû wa maûndû marîa mekîkîte kûrî we.

Ezek 27:3

îtûûra rînene rîrîa rîrî rûtere rwa îria na rîrutithanagia wîra wa kûgûra na kwendia indo na andû a mavûrûri marîa matûûraga rûtere rwa maria. Îra îtûûra rîu Ngai-Mûnene Ngai augîte atîrî: “We îtûûra rîa Turo wîtîîaga atî ûrî mûthaka mûno.

Ezek 27:4

Mîvaka yaku îkinyîte wa îriarî, andû maagûtumire ûrî mûthaka mûno.

Ezek 28:15

Mîthiîre yaku îthîrîtwe îtarî ûcuke kuuma mûthenya ûrîa waûmbirwe nginya rîrîa wambîrîrie gwîka maûndû matarî ma ûthingu.

Ezek 28:2

“We mûndû, îra mûthamaki wa Turo ûrîa nie Ngai-Mûnene Ngai nîramwîra. Arî na mwîtîîo ngororî na arauga atî ke nî ngai na ekaragîra gîtî Kîam ûnene Kîam ngai gatagatî ka maria. Nwatî we wî mûndû nwa tîwe ngai wana ethîrwa wîyonaga ûrî na ûgî ta ngai.

Ezek 28:5

Ûûgî wa kwendia na kûgûra indo nîwongererete ûtonga waku na ûkagîa na mwîtîîo ngororî nîûndû wa ûtonga ûcio waku!

Ezek 28:7

nîngaatûma andû ageni makûtharîkîre. Makethîrwa marî mavûrûri maganu gûkîra mavûrûri monthe. Nîmagaacomora mviû cia njûra na mathirie ûthaka wa ûgî ûcio waku na magwatie riiri waku gîko.

Ezek 31:10

Ngai-Mûnene arauga atîrî, “Mûtî ûcio nîwanenevire na ûkîracava na îgûrû mûno, naguo nîwaîtîire nîûndû wa ûraca waguo.

Ezek 32:10

Andû eengî nîmakaamaka nîwe megua ûvoro ûcio, na athamaki ao mainaine nîûndû waku. Vîndî îrîa ngaatambûrûkia rûviû rwakwa, wa mûndû nîakeguîra ûtûûro wake guoya na agekara agîtetemaga.”

Danieli 11:12

Nîagaakena mûno arîkia kûvoota gîkundi kîu Kîam athigari a Sîria, nwatî ndagaatûûra avootanaga.

Luka 14:11

Nîûndû mûndû wa wonthe wînenevagia nîakaanyivua, na ûrîa wînyivagia nîakaanenevua.”

Jakuvu 4:6

Nwatî Ngai nîavecanaga wega mwîngî makîria, wata ûrîa mandîko matheru maugîte atî, “Ngai nîareganaga na andû arîa etîi, nwatî nîavecaga arîa enyivia wega wake.”