Ezek 28:16 - ÎVUKU RÎA ÛVORO MWARO

¹⁶ Warî na wîra mwîngî wa kûgûra na kwendia indo na ûkîambîrîria gwîka maûndû na vinya na ûndû ûcio ûgîtûma wîvie. Kwoguo nînaakûvinyûririe ta kîndû kîrî mûgiro nîguo ume kîrîmarî Kîam Ngai. Na mûraika ûrîa wakûrangagîra nîwakûvinyûririe ûkiuma mathigarî marîa maavenavenagia.

Ezek 28:16 ပူးပေါင်းရင်းမြစ်များ

Kîam 3:24

Ngai-Mûnene nîwengatire mûndû na akiga ciûmbe irî mwoyo cietagwa Akerubi mwena wa îrathîro wa mûgûnda wa Edeni, na rûviû rwarîrîmbûkaga mwaki na rwathiûrûrûkaga mîena yonthe. Eekire ûguo nîguo njîra îrîa îthiîte mûtîrî wa mwoyo ndîkathiîrîrwe.

Kîam 6:11

Andû acio engî onthe a nthî maarî aganu methorî ma Ngai, na mbaara yecûrîte kûndû kuonthe.

Isaia 22:19

Nîngaakûruta wîrarî waku, na ngûvarûrûkie ume ûnenerî waku.’

Isaia 23:9

Ngai-Mûnene mwene vinya wonthe, nîke wavangire maûndû mama monthe. Eekire ûguo nîguo athirie mwîtîîo wa andû a kuo, na aconorithie arîa maveetwe gîtîîo nthî yonthe.

Ezek 28:14

Nînathuurire mûraika wa gûkûrangagîra. Watûûraga kîrîmarî gîakwa kîrîa kîtheru, na wathiîcagîra kûndû kûrî na mathiga makûvenavenia.

Ezek 8:17

Ngai-Mûnene nîwambîrire atîrî, “Mûndû, nîwona maûndû mau? Maûndû mau marî mûgiro andû a Juda mareka marona arî ûndû mûnini, nîûndû nîmatûmîte vûrûri wonthe ûgîe mbaara na magatûma nthiî na mbere kûrakara? Taroria, nîmarandakaria makîria!

Hosea 12:7

Andû a Efiraumu mekariî ta avûri a mbiacara a maveeni arîa matûmagîra ithimo cia maveeni na mendete gûkinyîrîria andû.

Amosi 3:9

Anîrîrani mûrî nyombarî cia athamaki irîa irî Ashidodi wana mwanîrîre mûrî nyombarî cia anene îgûrû mûrî Misiri muge atîrî, “Gomanani irîmarî cia Samaria na mwone kîthigithigi kîrîa kîrî kuo, wana ûvinyanîrîria ûrîa ûrî kuo.”

Obadia 1:3

Mwîtîîo wa ngoro yaku nîûkûveenetie, îtûûra rîaku ririgîtwe na rûthingo rwa îthiga rîa vinya; mûciî waku ûrî kîrîmarî îgûrû na wîîraga atîrî, ‘Nî ûrîkû ûngîvota kûûgwîthia nthî?’

Mika 2:10

Ûkîrani mûthiî, nîûndû gûkû gûtirî na gwa kûvurûka. Mevia menyu nîmatûmîte kûndû gûkû gûcûkangue.

Mika 2:2

Meriragîria mîgûnda, makathiî na makamîoca; meriragîria nyomba, makathiî na magacioca; mavinyagîrîria mûndû na andû a mûciî wake, na magacuuna andû indo ciao.

Mika 6:12

Andû arîa itonga nîmaverithagia andû arîa athîni, na muonthe mwîcûrîtwe nî maveeni.

Habakuku 2:17

Maûndû macûku marîa wîkîte Lebanoni nîmagagûcokerera. Nîwaûragire nyamû ciakuo; nacio nîikaamwîgwithia guoya. Maûndû mama nîmagagûkinyîra, nîûndû wa ûûragani na maûndû macûku marîa wîkîte gûkû nthî, îni, maûndû marîa wîkîte matûûra, na arîa matûûraga kuo.

Habakuku 2:8

We nîwîîte andû na mavûrûri meengî, nwatî arîa onthe matigarîte nîmagaakwîa, nîûndû wa ûragani na maûndû macûku marîa wîkîte gûkû nthî, matûûrarî na andû arîa matûûraga kuo.

Zefania 1:9

Mûthenya ûcio ngamaverithia onthe, arîa onthe magoocaga ngai cia mîvuanano; na arîa onthe mecûragia nyomba ya mwathi wao, na indo irîa macunanîte na vinya na kwîa.”

Johana 2:16

Nake nîwacokire akîra andû arîa meendagia ndutuura atîrî, “Thengutiani ndutuura ino ava! Tigani gûtûmîra nyomba ya Vava ta thoko!”

Kûguû 12:9

Nayo njûnamatu îo nene na araika a yo nîmaaikirue nthî kuuma îgûrû - îo nîyo njoka ya tene, îrîa îtagwa Ngoma, kana Caitani ûrîa ûveenagia andû onthe a nthî.