Ezek 28:13 - ÎVUKU RÎA ÛVORO MWARO

¹³ Watûûraga Edeni mûgûndarî wa Ngai na wegemetie na mathiga ma goro ma mîthemba yonthe. Mathiga mau marî ma mîthemba ya: rangi njerû, rangi wa mathangû ûtarî mûgwatu waro, arimathi, mûruru, ndune, vururu, mûtukanio wa marangi mîthemba mîngî îkûvenavenia, na rangi wa njambarawe. Warî na mathaga ma thaavu. Maûndû mau monthe wathondekerwe mûthenya ûrîa waûmbirwe.

Ezek 28:13 ပူးပေါင်းရင်းမြစ်များ

Kîam 13:10

Loti nîwaroririe na akîona atî Kîamnda kîonthe Kîam Rûnjî rwa Jorodani, kûthiî nginya Zoari Kîamrî na manjî meengî, wata mûgûnda wa Ngai-Mûnene kana ta vûrûri wa Misiri. Vîndî îno Ngai-Mûnene ndaarî mûcûkangiu matûûra ma Sodomu na Ngomora.

Kîam 2:8

Ngai-Mûnene, Ngai nîwavandire mûgûnda Edeni, mwena wa îrathîro. Kûu nîkuo aaigire mûndû ûcio aaûmbire.

Ayubu 28:19

Mathiga ma goro kuuma Ethiopia matingîringithanua na ûûgî, kana thogora wayo ûringithanue na wa thaavu ntheri.

Isaia 14:11

Mwago wonthe ûrîa wegucaga, vamwe na nyîmbo irîa wainagîrwa na ngita ciaku, rîu irî kwa arîa akuû. Igunyû nîcio ûmamagîra irî ûrîrî waku, na mûthûa ûgagûkunîkîra ûrî mûrengeti waku.’

Isaia 23:16

“Oca ngita yaku, ûthiûrûrûke îtûûra, we îraa rîîrî îriganîru! Ina nyîmbo irîa mbaro. Ina nyîmbo nyîngî, nîguo ûririkanwe rîngî.”

Isaia 24:8

Mîgambo ya tamburini nî mîthiru, înegene rîa gîkeno nî rîthiru, mîgambo ya ngita nî mîthiru.

Isaia 30:32

Wa ûrîa Ngai-Mûnene akaamaringa akîmaverithia, nwaguo andû ake makaavûraga tamburini na ngita. Ngai ke mwene nîke ûkaarûa na Asîria.

Isaia 51:3

“Nîûndû nie Ngai-Mûnene nîngavoreria îtûûra rîa Zayuni, na ndûthe kûndû gwakuo kuonthe kûrîa gûcûkangu. Nîngaatua werû wa kuo ta mûgûnda wa Edeni, werû wa kuo nîûtue ta mûgûnda wa Ngai-Mûnene; kûu nîgûkethîrwa na gîkeno na gûcanjamûka, na nyîmbo cia gûcokia ngatho nîikeguîka kuo.

Ezek 21:30

“Cokia rûviû njûrarî yaruo. Ngamûtuîrîra mûrî varîa mwaûmbîrwe, vûrûrirî ûrîa mwaciarîrwe.

Ezek 26:13

Nîngaatûma mîgambo ya nyîmbo ciaku îthire, na mûgambo wa inanda ciaku irîa nene na ngita ndûkeguwa rîngî.

Ezek 27:16

Andû a Sîria nîmaarutithanirie wîra nawe wa kwendia na kûgûra indo nîûndû warî na indo nyîngî. Nîmaakûvere indo ta mathiga ma goro, itambaa cia rangi wa njambarawe, itambaa ino ng'emie na nguo mbaro nîguo nawe ûmave indo ciaku.

Ezek 27:22

Endia na agûri indo kuuma Sheba na Rama nîmaakûrananagia indo nawe. Nîmaakûretagîra indo cionthe irîa ciarî mbaro mûno cia mînyamû îrîa mînungi waro, mathiga monthe ma goro na thaavu.

Ezek 28:14

Nînathuurire mûraika wa gûkûrangagîra. Watûûraga kîrîmarî gîakwa kîrîa kîtheru, na wathiîcagîra kûndû kûrî na mathiga makûvenavenia.

Ezek 28:15

Mîthiîre yaku îthîrîtwe îtarî ûcuke kuuma mûthenya ûrîa waûmbirwe nginya rîrîa wambîrîrie gwîka maûndû matarî ma ûthingu.

Ezek 36:35

Andû nîmakaauga atî vûrûri ûrîa watiganîrîtue rîu ûtuîkîte ta mûgûnda wa Edeni. Namo matûûra marîa maarî momoku, na magatuîka maganjo rîu nîmatûûrîtwe rîngî na makagitîrwa na nthingo.

Joeli 2:3

Ta ûrîa mwaki ûvîvagia vûrûri wîkariî ta mûgûnda wa Edeni, nwatî vuva wake nîta werû, na gûtirî kîndû kîngîûra.

Kûguû 17:4

Mûndûmûka ûcio eekîrîte nguo cia rangi wa njambarawe na rangi ndune. Nîwegemetie mwîrî na mathaga ma thaavu, mathiga ma goro, na ciûma cia goro cia mîthemba mîîngî. Njararî yake nîwagwete gîkombe Kîam thaavu gîcûrîte maûndû macûku na mîtugo îtarî mîaro ya ûmaraa.

Kûguû 2:7

“Mûndû wa wonthe ûrî na matû ma kwîgua, nîathikîrîrie ûrîa Roho arera makanitha! “Arîa makaavootana nîngaametîkîria marîe matunda ma mûtî wa mwoyo ûrîa ûrî mûgûndarî wa Ngai.