Ezek 27:36 - ÎVUKU RÎA ÛVORO MWARO

³⁶ Andû a mavûrûri arîa magûraga na makendia indo nîmagaakûnyarara nîûndû ûkethîrwa ûkinyîtie mûthiia na ndûgaacoka kwonekana rîngî tene na tene.”

Ezek 27:36 ပူးပေါင်းရင်းမြစ်များ

1Atha 9:8

Wana ethîrwa nyomba îno îrî na ngumo ûguo, nîîkomomorwa, na mûndû wa wonthe ûkaavîtûkîrîra vo nîakaamaka na aciive akîûragia atîrî, ‘Ngai-Mûnene eekire vûrûri ûyû vamwe na hekarû îno ûguo nîkî?’

Thaburi 37:10

Andû arîa aganu nîmathiraga vuva wa kavinda kanini; wana mwamacaria mûtingîmoona.

Thaburi 37:36

Nwatî vuvarî ngîvîtûkîrîra vo, ndaarî vo; naamûcaririe, nwatî ndiamwona.

Jeremia 18:16

Nîmatûmîte vûrûri wao ûtuîka kîndû gîa kûmakania, ûtuîke kîndû gîa kûnyararwa tene na tene. Andû onthe arîa mavîtûkagîrîra vakuvî naguo, mamakaga makainainia ciongo ciao.

Jeremia 19:8

Nîngatûma îtûûra rîîrî rîtuîke vandû va kûvavûra andû na kûmamakia nîûndû wa mîthiro îrîa rîkethîrwa nayo. Mûndû wa wonthe ûkavîtûkîrîra vakuvî narîo nîakaamaka.

Jeremia 49:17

“Edomu îkeguithagia andû guoya, na mûndû ûrîa ûkavîtûkagîrîra vakuvî naguo akaauga ûûi, nîkûmaka ona ûrîa kwanangîtwe.

Jeremia 50:13

Nîûndû wa ûrîa nie Ngai-Mûnene ndakarîte, gûtirî mûndû wanarî ûmwe ûgatûûraga Babuloni; îtûûra rîu nîrîcûkangua viû. Arîa onthe makavîtûkagîra vakuvî narîo nîmakaamaka, makamaka makiugaga, we! we! we! Nî ûrîa rîcûngangîtue.

Maca 2:15

Andû arîa onthe mavîtûkaga na njîra nîmamûvûragîra mvî. Nîmainainagia ciongo na makatheka nîûndû wa kwomomorwa kwa Jerusalemu. Rîrî nîrîo îtûûra rîrîa maaugaga nîrîthaka na rîakenagia nthî yonthe?

Ezek 26:14

Turo ngaamîtua îthiga rîtheri na rîtuîke rîa kwanîkagwa neti cia gûtega nthamaki nî ategi na rîtigacoka gûtumwa rîngî; nîûndû nie Ngai-Mûnene Ngai nînie mbugîte ûguo.”

Ezek 26:2

“Mûndû, andû a Turo nîmaathekerere îtûûra rîa Jerusalemu makiugaga atî, ivingo ciakuo nî munange na ikavingûka. Rîu andû a Turo nîo mekûgîa na ûtonga nîûndû Jerusalemu nînjûkangie.

Ezek 26:21

Nîngaagûtua kîndû gîa gûtûma andû manyitwe nî guoya, na ûcio nîguo ûkethîrwa ûrî mûthiia waku. Andû nîmagaagûcaria, nwatî matigaakwona. Ûguo nîguo Ngai-Mûnene Ngai augîte.”

Ezek 28:1

Ngai-Mûnene nîwambîrire atîrî,

Ezek 28:19

Andû arîa mwîcene nao vûrûrirî nîmagwatîtwe nî kîmako nîûndû waku. We ûtuîkîte kîndû gîa kûmakania na ndûgaacoka kwonekana rîngî tene na tene.”

Zefania 2:15

Ûguo nîguo gûgekîka kûrî îtûûra rînene rîrîa rîîtîaga nîûndû wa vinya warîo na rîgeciria atî nîrîgitîre. Îtûûra rîu rîciragia atî nîrîo rînene mûno nthî îno. Rîgaatuîka îganjo, varîa nyamû cia kîthaka ikaavurûkaga! Mûndû wa wonthe ûkaavîtûkîrîra vo nîakaavavûka na etigîre.