Ezek 27:31 - ÎVUKU RÎA ÛVORO MWARO

³¹ Menjete ciongo nîûndû waku, na mageekîra nguo cia macakaya, Nîmagaakûrîrîra marî na ûrûrû ngororî.

Ezek 27:31 ပူးပေါင်းရင်းမြစ်များ

Isaia 15:2

Andû a Diboni nîmaunûkîtie kûrîa magoocagîra magacakae. Andû a Moabu mararîrîra matûûra ma Nebo na Medeba. Andû onthe nî enju ciongo ciao na makenja nderu ciao,

Isaia 16:9

Kwoguo Jazeri akîrîra wananie nînîrarîra nîrarîra nîûndû wa mîthavibu ya Sibuna. Methori makwa maretîka nîûndû wa Heshiboni na Eleale, nîûndû gîkeno Kîam matunda na maketha ma maku, na gîkeno Kîam maketha ma ngano nî kîthiru.

Isaia 22:12

Mûthenya ûcio Ngai-Mûnene mwene vinya wonthe, nîwamwîtire mûrîre na mûcakae, mwenje njuîrî na mwîkîre nguo cia macakaya.

Isaia 22:4

Kwoguo rîu nîramwîra atîrî: Mûtigatindanîre nanie, tiganani nanie ndîre methori ma ruuo, mûtikethînie kûmvoreria nîûndû wa ûrîa andû akwa macûkangîtue.

Isaia 3:24

Vandû va kûgîa na mûnungo mwaro, makaanungaga woru; vandû va kwîyova mîcivi, makeyova mîkanda; vandû va kwîthîrwa na njuîrî nthaka, makethîrwa na ivara; vandû va kwîthîrwa na nguo mbaro, mageekîra matangari; vandû va ûthaka makethîrwa na gîconoko!

Jeremia 16:6

Itonga na athîni onthe nîmakuîra vûrûrirî ûyû, matikathikwa na gûtirî mûndû ûkamacakaîra, kana etemanga, kana enje kîrîa nîguo onanie atî nîaramacakaîra.

Jeremia 47:5

Andû a Gaza nî menjetwe irîya magîcakaya, îtûûra rîa Ashikeloni nîrîcûkangie viû. Mue matigari ma Anaki nîmûcakaya nginya rî?

Jeremia 48:37

Andû onthe nîenju ciongo na nderu ciao. Onthe nîmetemangîte njara, na makeyova nguo cia macakaya ciûnorî.

Ezek 29:18

“Mûndû, Nebukadinezarû mûthamaki wa Babuloni nîwavere athigari ake a mbaara wîra mûrito wa kûtharîkîra îtûûra rîa Turo. Ciongo ciao cionthe nîciathirire njuîrî nîûndû wa gûkuua mîrigo mîrito nacio ciande ciao igîcûnûka. Kûnarî ûguo, ke wana athigari ake matianyita kîndû gîa kûrîva wîra wa kûtharîkîra îtûûrarî rîa Turo.

Ezek 7:18

Nîmagekîra nguo cia macakaya na mekare mamakîte mûno. Nîmakoonekaga marî na gîconoko na menjetwe njuîrî ciongo.

Joeli 1:13

Mue athînjîri-Ngai, îkîrani nguo cia macakaya mûrîre, mue mûtungataga metharî ya kîgongoona rîrani. Thiîni hekarûrî na mûcakae ûtukû mûgima! Matega ma irio na ma ndivei matirî kuo nyombarî ya Ngai.

Alawi 21:5

“Gûtirî mûthînjîri-Ngai ûkenja njuîrî wanarî mwena ûmwe wa kîongo gîake ithira kana enja nderu ciake kana etemange mwîrî.

Amosi 8:10

Nîngaatûma irugo cienyu ituîke kîrîro, na nyîmbo cienyu cionthe ituîke cia macakaya. Nîngaatûma andû onthe mekîre nguo cia macakaya, na ndûme menje njuîrî cionthe ciongorî ciao, gûgekara ta andû magîcakaîra mwana wa kîmomwe, na mûthenya wa mûthiia ûkethîrwa ûrî na ûrûrû mwîngî.

Jona 3:6

Rîrîa mûthamaki wa Nineve eegwire ûguo, nîwaûkîrire na akiuma gîtîrî gîake Kîam ûthamaki, akîruta nguo yake ya ûthamaki na agîkîra nguo ya macakaya na agîkara nthî mûurî.

Mika 1:16

Andû a Juda enjani njuîrî cienyu mûtigwe mûrî irîa mûrîrîre ciana cienyu irîa mwendete, neneviani ivara cienyu ciîkare ta cia nderi, nîûndû ciana nîigaatavwa ivirwe îthamîriorî.

Mika 1:8

Nîûndû wa ûguo nîngûrîra na njakae; nînthiî nîrî njaga na ndarî iratû. Nîndîra ta Kîamthi, na ndîre ta nyaga.

Gûco 14:1

“Mue mûrî ciana cia Ngai-Mûnene Ngai wenyu. Kwoguo vîndî îrîa mûgûcakaya mûtigatemange mîîrî yenyu kana mwenje mwena wa mbere wa ciongo cienyu nîûndû wa mûndû ûrîa ûkuîte, ta ûrîa andû a mavûrûri marîa mengî mekaga.