Ezek 27:30 - ÎVUKU RÎA ÛVORO MWARO

³⁰ Nîmagacakaya maugîrîrîtie nîûndû waku, na marîre marî na ûrûrû mwîngî ngororî. Nîmakeminjîria rûkûngû ciongorî ciao, na megaragarie mûurî.

Ezek 27:30 ပူးပေါင်းရင်းမြစ်များ

2Sam 1:2

Naguo mûthenya wa kathatû mwanake ûmwe nîwaûkire aumîte kûrîa Saûlo maambîte magema. Eekîrîte nguo ino ndembûkangu na ageîtîrîria mûthetu kîongorî gîake. Rîrîa mwanake ûcio aakinyire kûrî Daudi, nîwenamîrîrie ûthiû wake nthî na gîtîîo mbere yake.

Ayubu 2:12

Na marî varaca nîmoonire Ayubu nwatî matiamûmenya. Nwatî rîrîa mamûmenyire nîmaatumûkire na kîrîro. Nîmatembûrangire nguo ciao na magikia mûu na îgûrû ûkîgûcaga ciongorî ciao.

Ayubu 2:8

Ayubu nîwocire rûgîo na akîambîrîria kwîthûa ironda naruo ekarîte vandû mûurî.

Ayubu 42:6

Kwoguo, nîngûvera ngîvakaga rûkûngû na mûu, nîreyonaga nîrî kîndû Kîam mana.”

Jeremia 25:34

Mue arîthi rîrani mugîrîrîtie, îgaragarieni mûurî mue atongoria a ng'ondu, nîûndû mîthenya yenyu ya kûthînjwa na kûnyaganua nîmîkinyu, mûkaûragwa ta ndûrûme irîa ithuurîtwe.

Jeremia 6:26

Ngai-Mûnene arauga atîrî, “Îkîrani nguo cia macakaya mue andû akwa, na mwîgaragarie mûurî, cakayani mûrî na ûrûrû, ta mûndû agîcakaîra mûvîcî wa kîmomwe, nîûndû nthû îgaûka kûmûthiria wa rîmwe.

Maca 2:10

Athuuri a Jerusalemu mekaraga nthî makirîte, makeminjîria mûu ciongorî ciao mekîrîte nguo cia macakaya, na erîtu a Jerusalemu nîmaturumithîtie mothiû mao nthî.

Ezek 26:17

Nao nîmakaaina rwîmbo rwa macakaya nîûndû waku makiugaga atîrî, “We îtûûra rîrarî ngumo, ûrî mûcûkangie, meri ciarîo nîmbûrîru îriarî. Andû a îtûûra rîrî nîo maarî vinya îriarî. Andû onthe arîa matûûraga rûtere rwa îria nîmaagwîtigîrîte.

Jona 3:6

Rîrîa mûthamaki wa Nineve eegwire ûguo, nîwaûkîrire na akiuma gîtîrî gîake Kîam ûthamaki, akîruta nguo yake ya ûthamaki na agîkîra nguo ya macakaya na agîkara nthî mûurî.

Mika 1:10

Mûtikeere andû a Gathu maûndû mama, mûtikarîre wana vanini, andû a Bethi-leafura îîgaragarieni rûkûngûrî.

1Sam 4:12

Nake mûthuuri ûmwe wa kuuma mûvîrîgarî wa Benjamini, nîwaumire kûrîa mbaara yarî, akîthiî avinyûrîte na agîkinya Shilo mûthenya wa ûcio. Mûthuuri ûcio nîwatembûrangîte nguo ciake na ageîtîrîria mûthetu kîongo, rûrî rûûri rwa kwonania ûrîa aarî na kîeva.