Ezek 27:15 - ÎVUKU RÎA ÛVORO MWARO

¹⁵ Andû kuuma Dedani nîmaarutithanirie wîra wa kûgûra na andû a Turo. Kûndû kûrîa kwarî na wîra mwaro mûno waku wa kwendia na kûgûra indo, kwarî mavûrûrirî meengî marîa marî rûtererî rwa îria. Andû a kuo nîmaakûretagîra mîguongo ya njogu nîguo ûmakûrananîrie na mîtî ya mîvîngo.

Ezek 27:15 ပူးပေါင်းရင်းမြစ်များ

Kîam 10:7

Anake a Kushi maarî: Seba Havila, Sabuta, Raama na Sabuteka. Njiarwa cia Raama marî andû a Sheba na Dedani.

Kîam 25:3

Jokishani nîke warî îthe wa Sheba na Dedani. Njiarwa cia Dedani ciarî: Ashurimu, Letushi na Leumimu.

1Atha 10:22

Solomoni aarî na gîkundi Kîam meri cia Tarishishi ciathiîcaga vamwe na gîkundi Kîam meri cia Hiramu. Varî îvinda rîa mîaka îthatû, meri icio cia Tarishishi nîciacokaga rita rîmwe ikuuîte thaavu, sîlûva, mîguongo, nthinwa na ngoroi.

1Maû 1:32

Iburahimu aarî na mûka wa kwiga wetagwa Ketura. Ketura nîwaciarire avîcî atandatû. Nao maarî: Zimurani, Jokishani, Medani, Midiani, Ishubaki, na Shua. Jokishani aarî na avîcî aîrî. Sheba na Dedani.

1Maû 1:9

Anake a Kushi maarî: Seba, Havila, Sabuta, Raama, na Sabuteka. Anake a Raama maarî; Sheba na Dedani.

2Maû 9:21

Meri cia mûthamaki ciathiîcaga Tarishishi ikîmenyagîrîrwa nî ndungata cia mûthamaki Huramu. Vuva wa mîaka îthatû, meri icio nîciaretaga thaavu, sîlûva, mîguongo, nthinwa, na ngoroi kuuma Tarishishi.

Isaia 21:13

Ûyû nî ûrathi wîgiî Arabia. Mue andû a Dedani mûthiîte mûrûmanîrîrîte, rarîrîrani werûrî wa Arabia ûmûnthî.

Jeremia 25:23

andû arîa matûûraga Dedani, Tema, Buzi na andû onthe arîa menjagwa njuîrî igakuvîva;

Jeremia 49:8

Andû a Dedani garûrûkani mûre! Îthitheni! Nîngwananga njiarwa cia Esaû, nîûndû îvinda rîa kûiverithia nîrîkinyu.

Ezek 25:13

kwoguo nie Ngai-Mûnene Ngai mbugîte atî nîngaatambûrûkia njara yakwa îgûrû rîa vûrûri wa Edomu na mbûrage andû onthe na nyamû cionthe. Nîngaatûma wanangîke kuuma îtûûrarî rîa Temani nginya îtûûrarî rîa Dedani. Andû onthe nîmakaaûragîrwa mbaararî.

Ezek 27:20

Andû a Dedani nîmaakûretagîra nguo cia kwigîrîrwa îgûrû rîa mbarathi rîrîa andû makûthiî mamîkarîrîte.

Ezek 38:13

Sheba, Dedani, agûri na endia a indo kuuma Tarishishi na icagi irîa irî vakuvî na kuo nîmagaakûria atîrî, ‘Ûnganîtie athigari aku a mbaara nîguo mûtharîkîre na mûtave na mûcunane indo? Ûrenda gûkuua sîlûva, thaavu, ndîthia nîguo ûtave indo nyîngî?’

Kûguû 18:12

Indo icio nî thaavu, sîlûva, na mathiga ma goro na ruru; indo cia nguo cia rangi wa njambarawe, nguo cia hariri, na irîa ndune ta ndûngûrû. Andû acio nwa mendagia mîtî îrîa mînungi waro, indo cionthe ithondeketwe na mîguongo na mîtî ya goro, indo cia gîcango, cuuma, na mathiga mengî mathaka.