Ezek 26:20 - ÎVUKU RÎA ÛVORO MWARO

²⁰ Nîngaacoka ngûnyûrûrûkie îrimarî kwa arîa akuû nîguo mûgekarage na andû arîa maatûûraga mwoyo tene. Nîngaatûma ûtûûre kûu kwanangîku tene na tene na mûtûûrage kuo na arîa akuû. Gûtirî andû magaaûka gûtûûra kûrî we rîngî, kana ûgîe na vandû vûrûrirî wa arîa marî mwoyo.

Ezek 26:20 ပူးပေါင်းရင်းမြစ်များ

Thaburi 27:13

Nîmbîtîkîtie, atî nîngoona wega wa Ngai-Mûnene nîrî mwoyo.

Thaburi 28:1

We Ngai-Mûnene, mûgitîri wakwa, nînîragûkaîra. Thikîrîria ngîgûkaîra! Wona warega kûnthikîrîria nî ngûkua.

Isaia 14:10

Onthe marî vamwe nîmagaakwîra atî: ‘Wa nawe ndûrî na vinya wa tatue, we ûvanene natue!’

Isaia 14:9

“Kwa arîa akuû nî kwîvarîrîtie gûgûtûnga rîrîa ûkaathiî kuo, maroho ma arîa akuû nîmagaakwamûkîra, na arîa onthe maarî atongoria a nthî, nîmaraûkîra itîîrî ciao cia ûthamaki, arîa onthe maarî athamaki a ndûrîrî.

Isaia 4:5

Ngai-Mûnene nîagaacoka atûme kûgîe na matu mûthenya îgûrû rîa Kîrîma gîa Zayuni na kûrî andû arîa magomanîte vo, na ndogo vamwe na kîmûrî Kîam mwaki ûtukû. Îgûrû rîa ûguo, riiri wa Ngai nîûgaakunîka na ûgitîre îtûûra rîonthe.

Isaia 59:10

Tûthiîcaga tûkînyitanyitaga rûthingo ta itumumu, tûnyitanyitaga njîra ta andû matarî na metho. Tûvîngagwa mûthenya riûa rîrî îgûrû kîvîrî takwa kûrî ûtukû, tue twîkariî ta andû marî akuû tûrî gatagatîrî ka arîa marî vinya.

Jeremia 33:9

Îtûûra rîîrî nîrîgatûma ngîe na gîkeno, ngumo na mbere ya mavûrûri monthe ma nthî marîa makegua ûvoro wîgiî maûndû monthe maro marîa nîmekaga. Mavûrûri nîmagetigîra na mainaine nîûndû wa maûndû maro na wagîrîru ûrîa ndeterete îtûûra rîîrî.”

Maca 3:6

Atûmîte ndûûra ndumarî, ta andû arîa maakuire tene.

Ezek 31:14

Ûguo wekîkire nîguo gûtikagîe mûtî wana ûrîkû ûrîa ûmerete vakuvî na manjî ûkaaracava na îgûrû ûkinyîra matu. Nîûndû mûthiia wa indo cionthe nî gûkua, wana andû nîmagaakua na mathiî kwa arîa akuû.”

Ezek 39:7

Nîngamenyithia andû akwa a Isiraeli rîîtwa rîakwa rîtheru na ndigetîkîra rîîtwa rîu rîakwa rîtheru rîcambua rîngî. Nacio ndûrîrî nîikaamenya atî, nie nînie Ngai-Mûnene, ûrîa Mûtheru wa Isiraeli.”

Amosi 9:2

Wana menja njîra îthiîte kwa arîa akuû, nîngaamaruta kuo na njara yakwa; wana mangîkaunûkia mathiî îgûrû, wana kuo nîngamanyûrûrûkia gûkû nthî.

Jona 2:2

na akiuga atîrî, “Rîrîa naagiîkaga, nînaagwîtire we Ngai-Mûnene, na nîwandethirie. Rîrîa naarî îvurî rîa arîa akuû, nînetanire na ûkîmbîgua.

Jona 2:6

Nînaanyûrûrûkire nginya nthî ya irîma, nathiîre nginya vûrûrirî ûrîa naavingîrwe nî ivingo ciaguo tene na tene. Nwatî we, Ngai-Mûnene, Ngai wakwa, nîwandutire îrimarî rîu nîrî mwoyo.

Zakaria 2:8

Nîûndû Ngai-Mûnene mwene vinya wonthe ûrîa ûndûmîte nîûndû wa riiri wake augîte ûvoro wîgiî mavûrûri marîa maatavire andû ake atîrî, “Mûndû ûrîa ûmûvutagia nî ritho rîake aikagia Kîamra.

Ndari 16:30

Nwatî ethîrwa Ngai-Mûnene nwa eke ûndû mûgeni ûtaaneguwa, na nthî îvingûke îmamerie vamwe na indo cionthe ciao na mathiî marî mwoyo kûrîa arîa akuû mathiîcaga, vîndî îo nîrîo mûkaamenya atî andû aya nî mareganîte na Ngai-Mûnene.”

Ndari 16:33

Kwoguo maamerirue nî nthî marî mwoyo wa vamwe na indo ciao cionthe. Nthî nîyacokanîrîre nao makîûrîra na kûu nthî kûrîa akuû mathiîcaga.

Mathaayo 11:23

Namue andû a Kaperinaumu, nîkwa mwendaga kwînenevia nginya mûkinye îgûrû? Mue nî mûgaaikua îcuarî. Nîûndû ciama irîa mwaringîrwe ingîaringîtwe Sodomu andû a kuo nî mangîtwîre vo nginya ûmûnthî!

Luka 10:15

Namue andû a îtûûra rîa Kaperinaumu, nîkwa mwendaga kwînenevia nginya mûkinye îgûrû? Mue nîmûgaaikua îcuarî!”

2Pet 2:5

Ngai ndeeguîra nthî ya tene ntha, nwatî nîwaurithirie mbura ya kîvovoto na manjî magîcûra gûkû nthî kûrîa kwarî na andû mataarî na ûngai. Nwatî Ngai nîwagitîre Nuhu ûrîa wavunjagîria andû matûûre marî athingu na akîvonokia andû engî mûgwanja.