Ezek 26:12 - ÎVUKU RÎA ÛVORO MWARO

¹² Ûtonga wenyu wonthe nîûgaatavwa wa vamwe na indo ciaku. Nîmakoomomora nthingo ciaku na momomore nyomba ciaku irîa mbaro. Namo mathiga, mbaû na mûthetu wenyu ûrîa maatûmîre magîtuma nîmagaawikia îriarî.

Ezek 26:12 ပူးပေါင်းရင်းမြစ်များ

2Maû 32:27

Mûthamaki Hezekia nîwatongire mûno na andû onthe nîmaamûvete gîtîîo. Nîwatumithîtie nyomba nyîngî cia kwiga ûtonga wake wa sîlûva, thaavu, mathiga ma goro, mînyamû mînungi waro, ngo na indo ciîngî cia goro cia mîthemba yonthe.

2Maû 36:10

Îvinda rîa mvevo rîa mwaka, mûthamaki Nebukadinezarû nîwatûmanire Jehoiakini agîrwe na avirwe Babuloni vamwe na indo cia goro cia hekarû. Nebukadinezarû nîwacokire agîtua Zedekia, mûrwang'ina na Jehoiakini mûthamaki wa Juda na Jerusalemu.

Isaia 23:11

Ngai-Mûnene nîatambarûkîtie njara yake îgûrû rîa îria, na akainainia mothamaki; nîarutîte watho atî kûrîa kuonthe kûgitîre Kanaani gûcûkangue.

Isaia 23:8

Nû wavangire maûndû mama megiî Turo, îtûûra rîrîa riumaga athamaki; kûrîa agûri na endia a indo maarî anene, na maatîîtwe nthî yonthe?

Isaia 32:12

Îîvûûreni ithûri mûrî na kîeva Kîam mîgûnda yenyu îrîa mîaro, na nîûndû wa mîthavibu îrîa îciaraga mûno,

Jeremia 25:34

Mue arîthi rîrani mugîrîrîtie, îgaragarieni mûurî mue atongoria a ng'ondu, nîûndû mîthenya yenyu ya kûthînjwa na kûnyaganua nîmîkinyu, mûkaûragwa ta ndûrûme irîa ithuurîtwe.

Jeremia 52:14

Nao athigari ake a Akalidei nîmomorire nthingo cionthe cia îtûûra rîa Jerusalemu.

Ezek 26:5

Îtûûra rîu nîrîgaatuîka kûndû gwa kwanîkagwa neti cia gûtega nthamaki nî ategi îriarî, na nîrîgaatavwa nî ndûrîrî. Ûguo nîguo nie Ngai-Mûnene Ngai mbugîte.

Ezek 28:8

Nîmagaakûraga na magwikie îrimarî na nîûgaakua ta andû arîa maûragîrîtwe îriarî kûrîa kûriku.

Danieli 11:8

Wana nî agaakuua ngai ciao cia mîvuanano athiî nacio Misiri wa vamwe na indo cia thaavu na cia sîlûva irîa itegeretwe ngai icio. Gûkethîrwa kûrî na thayû mîaka mîîngî.

Hosea 13:15

“Wana ethîrwa Efiraimu nîakûthiî na mbere kûvua arî gatagatîrî ka aa mûrwang'ina, nie Ngai-Mûnene nîngatûma rûkûngi kuuma mwena wa îrathîro rûvurutane; rûkûngi rûu rûkauma werûrî, nacio ithima ciakuo nîikaathira manjî, na kûrîa kûtherûkaga manjî kûvwe. Kûrîa kuonthe aigîte mîthithû yake ya goro nîgûkaanyitwa.

Amosi 5:11

Mue nîmûvinyagîrîria ngîa na mûkametia gooti ya ngano nyîngî gûkîra ûrîa magîrîrwe nî kûruta. Mwîtumîrîte nyomba cia mathiga ma kumia, nwatî mûtigaitûûra. Nîmûrîmîte mîgûnda mîaro ya mîthavibu nwatî mûtikaanyua ndivei ya thavibu icio.

Nahumu 2:9

Tavani sîlûva! Tavani thaavu! Mûthithû wayo ndûrî mûthiia; kûrî na wîngî wa indo cionthe cia goro.

Zakaria 7:14

Nînaamanyaganirie na njîra ta ya rûkûngi rûnene mavûrûrirî mataicî na magîtûûra kuo marî ageni. Vûrûri ûrîa maatigire watuîkire werû, na gûtirî mûndû wathiîcaga kana akauma kuo. Vûrûri ûcio mwaro gûtirî mûndû watûûrire kuo.”