Ezek 25:7 - ÎVUKU RÎA ÛVORO MWARO

⁷ Kwoguo, rîu nîngûtambûrûkia njara yakwa ndûe namue na nîmûrekererie mûtavwe nî andû a mavûrûri mengî. Nîngaamûcûkangia na ndûme mûthire viû mavûrûrirî na nîmûkaamenya atî nie nînie Ngai-Mûnene.”

Ezek 25:7 ပူးပေါင်းရင်းမြစ်များ

Isaia 33:4

Nthû ciao ciûnganagia indo irîa itavîte ta ûrîa igunyû ciûngûrûragia indo; wata ûrîa ngige irûgaga, nwataguo andû makaarûgîra indo icio.

Jeremia 49:2

Nwatî rîu kavinda nîgagûkinya, rîrîa ngaanîrîra mûgambo wa mbaara, îgûrû rîgiî Raba îtûûra rîa Aamoni. Rîgatuîka ta maganjo, na icagi cia rîo ivîvue na mwaki. Isiraeli nîagaacoka atave arîa maamûtavîte. Ûguo nîguo Ngai-Mûnene Mwene vinya wonthe arauga.

Maca 1:14

“Nîwatarire mevia makwa monthe, na akîmovania monthe vamwe. Nîwamoverere ngingorî yakwa, ngîthira vinya nîûndû wa ûrito wa mo. Mwathani nîwandekererie njararî cia nthû ciakwa, irîa ndangîavotire gwîtirîria.

Ezek 14:9

“Mûrathi angîkaveenua na arie ûndû, nie Ngai-Mûnene nînie ngethîrwa nîmûveenetie. Nîngaakûnjûra njara yakwa nîmûrute kûrî andû akwa a Isiraeli.

Ezek 21:31

Nîngamwîtûrûrîra marakara makwa, nîmûvuvîrîre mîruke ya marakara îkariî ta mwaki. Nîngaacoka nîmûnenganîre kûrî andû ndûrîka, arîa marî wara wa gûcûkangia.

Ezek 21:32

Mûgatuîka ngû cia mwaki, nayo nthakame yenyu îgetîka kûu vûrûrirî ûcio, na mûtigacoka kûririkanwa rîngî.” Nînie Ngai-Mûnene nauga ûguo.

Ezek 25:10

Vûrûri wa Moabu wa vamwe na vûrûri wa Aamoni nîngaûnenganîra kûrî andû a mwena wa îrathîro nîguo ûtuîke wao. Vûrûri wa Moabu ndûgaatuîka vûrûri rîngî.

Ezek 25:13

kwoguo nie Ngai-Mûnene Ngai mbugîte atî nîngaatambûrûkia njara yakwa îgûrû rîa vûrûri wa Edomu na mbûrage andû onthe na nyamû cionthe. Nîngaatûma wanangîke kuuma îtûûrarî rîa Temani nginya îtûûrarî rîa Dedani. Andû onthe nîmakaaûragîrwa mbaararî.

Ezek 25:16

Kwoguo nie Ngai-Mûnene Ngai nîngaatambûrûkia njara yakwa îgûrû rîa Afilisiti na mbûrage andû onthe a Kerethi na nthirie andû arîa matûûraga rûtere rwa îria.

Ezek 26:5

Îtûûra rîu nîrîgaatuîka kûndû gwa kwanîkagwa neti cia gûtega nthamaki nî ategi îriarî, na nîrîgaatavwa nî ndûrîrî. Ûguo nîguo nie Ngai-Mûnene Ngai mbugîte.

Ezek 35:3

ûkîîre nie Mwathani Ngai-Mûnene mbugîte atî: Nîndeganîte nawe we kîrîma gîa Seiru. Nîngatambûrûkia njara yakwa ndûe nawe, na nîngaatûma gîtuîke werû.

Ezek 6:14

Nîngaakûnjûra njara yakwa nîguo njûkangie vûrûri wao kûrîa matûûraga ûtuîke îganjo, kuuma werûrî nginya îtûûrarî rîa Ribula rîrîa rîrî mwena wa rûgûrû. Nao nîmagaacoka mamenye atî nie nînie Ngai-Mûnene.”

Zefania 1:4

Nîngaverithia andû onthe a Juda na arîa onthe matûûraga Jerusalemu; nîngacûkangia matigari monthe ma Baali kuuma gûkû nthî, marîtwa ma athînjîri-Ngai arîa matungatagîra ngai cia mîvuanano mariganîre.