Ezek 25:13 - ÎVUKU RÎA ÛVORO MWARO

¹³ kwoguo nie Ngai-Mûnene Ngai mbugîte atî nîngaatambûrûkia njara yakwa îgûrû rîa vûrûri wa Edomu na mbûrage andû onthe na nyamû cionthe. Nîngaatûma wanangîke kuuma îtûûrarî rîa Temani nginya îtûûrarî rîa Dedani. Andû onthe nîmakaaûragîrwa mbaararî.

Ezek 25:13 ပူးပေါင်းရင်းမြစ်များ

Kîam 36:11

Avîcî Elifazi maarî: Temani, Omari, Zefo, Gatamu, na Kenazi.

Kîam 36:34

Jobabu akua, Hushamu wa kuuma vûrûri wa Atemani nîwathanire vandûrî vake.

Kîam 6:7

akiuga atîrî, “Nie nîngûthiria andû aya naûmbire viû, vamwe na nyamû wana iconi, nîûndû nînîrirîte nî kîrîa gîatûmire nîmaûmba.”

Thaburi 138:7

Wana nîngîvîtûkîrîra mathînarî we nîûngitagîra, nîûngitagîra kuuma kûrî marakara ma nthû ciakwa, na nîûmvonokagia na vinya waku.

Jeremia 25:23

andû arîa matûûraga Dedani, Tema, Buzi na andû onthe arîa menjagwa njuîrî igakuvîva;

Jeremia 49:13

Nie mwene nînîvîtîte nama atî, îtûûra rîa Bozira nîrîtuîka kûndû gwa kwîguithia andû guoya, na gwa kûnyararwa, werû na kûrume; na matûûra ma kuo monthe nîmatûûra marî macûkangie viû. Nie Ngai-Mûnene nînie nauga ûguo.”

Jeremia 49:20

Kwoguo ta thikîrîria mûvango ûrîa Ngai-Mûnene arî naguo îgûrû rîa Edom, na maûndû macûku marîa avangîte gwîka kûrî atûûri a Temani: wana nginya twana tûrîa tûnini mûno nîtûkathiîwa natuo, nao andû onthe nîmakaamakua mûno nî ûvoro ûcio.

Jeremia 7:20

Kwoguo nie Mwathani Ngai nîrauga atî: rîu nîngwîtûrûra marakara makwa manene gûkû na makinyîre andû na nyamû cia kîthaka mîtî na mîmera yonthe ya nthî. Marakara makwa magaakana ta mwaki ûtangîvoreka.”

Ezek 14:13

“Mûndû, vûrûri wa wonthe ûngîvia nîûndû wa kûrega gûtuîka evokeku kûrî nie, nîngaaûverithia. Nîngaacûkangia makûmbî mao ma irio na ndûme kûgîe na yûra. Nîngaatûma andû a vûrûri ûcio makue, wana nyamû ciakuo.

Ezek 14:17

“Nwa ndûme kûgîe mbaara vûrûrirî, na kûgîe indo njûku cia mbaara ithirie andû wana nyamû cia kîthaka.

Ezek 14:8

Nîngaaregana nake na ndûme atuîke ûndû wa kwaragua na atuîke rûûri kûrî andû. Nîngaacoka nîmûrute gatagatî ka andû akwa; namue nîmûkaamenya atî, nie nînie Ngai-Mûnene.

Ezek 25:16

Kwoguo nie Ngai-Mûnene Ngai nîngaatambûrûkia njara yakwa îgûrû rîa Afilisiti na mbûrage andû onthe a Kerethi na nthirie andû arîa matûûraga rûtere rwa îria.

Ezek 25:7

Kwoguo, rîu nîngûtambûrûkia njara yakwa ndûe namue na nîmûrekererie mûtavwe nî andû a mavûrûri mengî. Nîngaamûcûkangia na ndûme mûthire viû mavûrûrirî na nîmûkaamenya atî nie nînie Ngai-Mûnene.”

Ezek 27:15

Andû kuuma Dedani nîmaarutithanirie wîra wa kûgûra na andû a Turo. Kûndû kûrîa kwarî na wîra mwaro mûno waku wa kwendia na kûgûra indo, kwarî mavûrûrirî meengî marîa marî rûtererî rwa îria. Andû a kuo nîmaakûretagîra mîguongo ya njogu nîguo ûmakûrananîrie na mîtî ya mîvîngo.

Ezek 27:20

Andû a Dedani nîmaakûretagîra nguo cia kwigîrîrwa îgûrû rîa mbarathi rîrîa andû makûthiî mamîkarîrîte.

Ezek 29:8

Kwoguo, nie Ngai-Mûnene Ngai nîmbuga atî: nîngaatûma andû makûtharîkîre na mviû na nîmakaaûraga andû na maûrage nyamû ciaku cionthe irîa ûrîthagia.

Ezek 32:29

“Andû a Edomu marî kuo vamwe na athamaki ao na anene ao onthe. Wana ethîrwa maarî na vinya mûno, nwatî rîu marî kwa arîa akuû mamamîte vamwe na andû arîa mataicî Ngai arîa maakuîrîre mbaararî.

Ezek 35:3

ûkîîre nie Mwathani Ngai-Mûnene mbugîte atî: Nîndeganîte nawe we kîrîma gîa Seiru. Nîngatambûrûkia njara yakwa ndûe nawe, na nîngaatûma gîtuîke werû.

Ezek 35:9

Nîngaatûma ûtuîke werû tene na tene, na matûûra maku marîa manene matigaacoka gûtûûrwa nî andû rîngî. Nawe nîûkaamenya atî, nie nînie Ngai-Mûnene.

Ezek 38:13

Sheba, Dedani, agûri na endia a indo kuuma Tarishishi na icagi irîa irî vakuvî na kuo nîmagaakûria atîrî, ‘Ûnganîtie athigari aku a mbaara nîguo mûtharîkîre na mûtave na mûcunane indo? Ûrenda gûkuua sîlûva, thaavu, ndîthia nîguo ûtave indo nyîngî?’

Amosi 1:12

Kwoguo nîngaatûma mwaki îtûûrarî rîa Temani, naguo nîûkaavîvia kûrîa kûgitîre îtûûrarî rîa Bozira.”

Obadia 1:9

Nawe Temani, andû aku arîa marî vinya nîmakaamaka, athigari a mbaara onthe a Edomu nîmakaaûragwa.

Habakuku 3:3

Ngai nîaûkîte kuuma Temani, Ngai ûrîa mûtheru aûkîte kuuma kîrîma gîa Parani. Riiri wake ûkunîkîte îgûrû kuonthe; nayo nthî îcûrîte ngumo yake.