Ezek 24:9 - ÎVUKU RÎA ÛVORO MWARO

⁹ Kwoguo nie Ngai-Mûnene Ngai nîrauga atîrî, “Îtûûra rîîrî rîcûrîtwe nî ûragani kaî rîrî na thîna-î! Wananie nîngaaiga kuo kîrûndo kînene Kîam ngû.

Ezek 24:9 ပူးပေါင်းရင်းမြစ်များ

Isaia 30:33

Nîûndû vandû va kûvîvîria Asîria vaathondekirwe wa tene; vandû vau nî îrima îriku na rîariî, varî na mwaki na ngû nyîngî. Ngai-Mûnene nîagaakania mwaki ûcio ta mwaki wa ûviriti.

Isaia 31:9

Mûthamaki wao nîakaaûra nîûndû wa kûnyitwa nî guoya, nao atongoria ao matiganîrie vendera ciao nîûndû wa kûmaka. Ûguo nîguo Ngai-Mûnene arauga, ûrîa mwaki wake ûrî Zayuni, ûrîa mwaki wake mûnene ûrî Jerusalemu.

Ezek 21:2

“Mûndû, taroria Jerusalemu. Rathîra kûndû kûrîa andû mathiîcaga nîguo makagooce ûregane nakuo, na ûrathe ûkîregana na vûrûri wa Isiraeli.

Ezek 21:3

Îra vûrûri wa Isiraeli atî nie Ngai-Mûnene mbugîte nîngûcomora rûviû rwakwa kuuma njûrarî na mbûrage andû aro wana arîa aganu nîmarute kûrî we.

Ezek 22:2

“We mûndû, nîûgaatuîra ciira îtûûra rîîrî rîcûrîte aûragani? Rîmenyithie maûndû monthe marîa marî mûgiro rîaneka.

Ezek 22:31

Kwoguo nînîmetîrîrîtie marakara makwa. Nîmaavîvîtie na mwaki wa mang'ûrîka makwa kûringana na mavîtia mao ngamathiria.” Ûguo nîguo nie Ngai-Mûnene mbugîte.

Ezek 24:10

Ngaaûmbanîrîra mîgogo, mbakie mwaki, ntherûkie nyama waro, thuvu ûvwe, namo mavîndî mavîe mathire.

Ezek 24:5

Oca nyama cia ng'ondu îrîa mbaro, îkîra ngû rungu rwa thuvuria; itherûkie waro, therûkia nginya mavîndî. ”

Ezek 24:6

Kwoguo Ngai-Mûnene arauga atîrî, “We îtûûra rîîrî rîa aûragani, kaî ûrî na thîna-î! Îtûûra rîîrî rîkariî ta thuvuria îrî na kutu îtangîthira. Inuku cia nyama irutagwa thuvuriarî kîmwe gwa kîmwe itakûthuurûkanua.

Nahumu 3:1

Kaî îtûûra rîîrî rîûraganaga na rîveenanagia rîrî na thîna-î! Rîcûrîte ûthani na indo nyîngî irîa ciîîtwe, rîtigaatiga gûtava indo!

Habakuku 2:12

Kaî ûrî na thîna-î! We ûtumîte îtûûra na ûûragani, na ûkarîtuma îgûrû rîa maûndû macûku.

2Ath 1:8

marî rûrîrîmbîrî rwa mwaki, nîguo averithie arîa maregaga Ngai na arîa matathîkagîra ûvoro mwaro wa Mwathani wetû Jesû.

Juda 1:7

Taririkanani andû a matûûra ma Sodomu na Gomora na a matûûra marîa maariganîtie namo. Andû a kuo meekire wa ta araika acio. O meekire maûndû ma ûmaraa na makîrirîria kûmenyana kîîmwîrî na njîra irîa ireganîte na watho. Nao nîmaverithagua na mwaki wa tene na tene nîguo matuîke kîonereria kûrî andû onthe.

Kûguû 14:20

Thavibu icio nîciavivîrwe kîvivîrorî Kîamrî nja ya îtûûra. Nayo nthakame nîyaumire kîvivîrorî kîu Kîam thavibu îrî na ûriku wa mita îmwe, na nîyakinyire kûndû kwarî na ûraca wa kilomita magana mathatû.

Kûguû 16:19

Narîo îtûûra rîrîa rînene nîrîagaûkanire icunjî ithatû. Namo matûûra marîa mengî manene nthî nîmanangîkire. Nake Ngai nîwaririkanire îtûûra rîrîa înene rîtagwa Babuloni, na agîtûma rînyue ndivei kuuma gîkomberî gîake Kîam marakara.

Kûguû 16:6

Nîûndû andû acûku nîmetûrûrire nthakame ya andû a Ngai na ya arathi. Kwoguo nîwamava nthakame manyue, nîûndû ûguo nîguo magîrîrwe!”

Kûguû 21:8

Nwatî andû arîa iguoya, arîa matarî evokeku, arîa matarî atheru, mîtoi, arîa matharagia, arogi, arîa magoocaga mîvuanano, na arîa mavenanagia, nîmagaaikua îcuarî rîa mwaki ûrîa wakanaga na ûviriti, na nîkîo gîkuû gîa kaîrî.”