Ezek 24:3 - ÎVUKU RÎA ÛVORO MWARO

³ Arîria andû acio akwa aremi na ngerekano ûmeere nie Ngai-Mûnene nîrauga atî; Igîrîra thuvuria îgûrû rîa riiko rîrî na mwaki na ûmîcûrie manjî.

Ezek 24:3 ပူးပေါင်းရင်းမြစ်များ

2Atha 4:38

Elisha nîwacokire Giligali rîngî. Nakuo kûu vûrûrirî ûcio kwarî na yûra. Nakîo gîkundi Kîam arathi gîekarîte nthî mbere yake, na wa akîmathomithagia nîwerire ndungata yake atîrî, “Îkîra nyûngû îrîa nene riiko na ûrugîre arathi aya irio.”

Thaburi 78:2

Nî mbaria namue na nthimo, maûndû marîa matwîre marî mathithe kuuma tene,

Isaia 1:2

Ngai-Mûnene arauga atîrî, “Mue îgûrû tathikîrîriani, namue nthî tegani matû; ciana ciakwa irîa nderete na igakûra, rîu nîindiganîrîtie.

Isaia 29:2

Kûnarî ûguo nîngaatûma Jerusalemu kûgîe kîeva, na nîgûkaagîa kîrîro na macakaya, na kûrî nie îtûûra rîu rîkethîrwa rîkariî ta metha ya kîgongoona îrî na nthakame.

Isaia 30:1

Ngai-Mûnene arauga atîrî, “Kaî ciana irîa ireganaga nanie irî na thîna-î, irûthaga mîvango yacio, nwatî tî yakwa; irûthaga ngwatanîro itaringanîte na ûrîa mendaga, makongerera wîvia îgûrû rîa wîvia.

Isaia 30:9

Nîûndû andû aya nîaremi, ciana itaragia ûma, na itegucaga mataaro ma Ngai-Mûnene.

Isaia 63:10

Nwatî nîmaareganire nake na makîrakaria roho wake mûtheru. Kwoguo Ngai-Mûnene nîwatuîkire nthû yao na akîrûa nao.

Jeremia 1:13

Ngai-Mûnene nîwacokire akîmbûria atîrî, “Nîndûî ûrona?” Nanie nînamûcokerie atîrî, “Nîrona nyûngû îkîtherûka înamîte mwena wakwa kuuma mwena wa rûgûrû.

Jeremia 1:14

Ngai-Mûnene nîwacokire akîmbîra atî, mûthiro nîûkaarekererua kuuma mwena wa rûgûrû ûkinyîre andû onthe arîa matûûraga vûrûrirî ûyû.

Ezek 11:11

Îtûûra rîa Jerusalemu rîtigaatuîka ta nyûngû rîngî, kana mue mûtuîke ta nyama ndarî ya yo. Ngaamûtuîra ciira mûrî vûrûrirî wa Isiraeli.

Ezek 11:3

Maugaga atî, ‘Kavinda ga gûtuma nyomba tîgakinyu; îtûûra rîîrî nîta nyûngû ya kûruga, natue nîta tue nyama.’

Ezek 11:7

“Kwoguo, nie Ngai-Mûnene mbugîte atî, ciimba cia andû arîa mûragîte na mûkamaikia na kûu, andû arîa mûragîte nîo nyama, narîo îtûûra rîîrî nîrîo nyûngû ya kûruga, nwatî nîngûmûruta kuo.

Ezek 12:2

“Mûndû, we ûtûûranagia na andû aremi. Marî na metho ma kwona nwatî mationaga, marî na matû ma kwîgua nwatî matiîgucaga,

Ezek 12:25

Nwatî nie Ngai-Mûnene nîngaaragia na ûndû ûrîa naria nîûkaavingua ûtagwîkarîrîria. Kavinda ga ûtûûro wenyu, mue aremi a Isiraeli, ngaragia ûndû na ûgekîka. Nie Ngai-Mûnene nînie mbugîte ûguo.”

Ezek 17:12

“Rîu arîria andû acio aremi ûmaûrie kana nîmaicî ûrîa ngerekano îo yugîte. Meere atî mûthamaki wa Babuloni nîwaûkire Jerusalemu na agîoca mûthamaki wa Jerusalemu wa vamwe na atongoria ake na akîthiî nao Babuloni.

Ezek 17:2

“Mûndû! Gwatithania ndaî na warîrie andû a Isiraeli na ngerekano,

Ezek 2:2

Nînacokire ngîcûrwa nî Roho wa Ngai na akînûngamia. Ngîgua akîmbarîria,

Ezek 2:3

na akîmbîra atîrî, “We mûndû, nîngûtûma kûrî andû a Isiraeli, andû mareganîte nanie. Nginya ûmûnthî andû acio nîmamvîtîrîtie wata ûrîa methe mao maamvîtîrie.

Ezek 2:5

Wana makûthikîrîria kana marege gûkûthikîrîria nîûndû o nîmareganîte nanie, nîmakaamenya atî mûrathi ararî gatagatî kao.

Ezek 2:6

“Nwatî we mûndû ndûkametigîre kana wîtigîre mîario yao. Wana wathiûrûrûkîrua cong'e na mîgua, kana wîkarîre tûng'aurû, ndûkamakue nî mîario yao kana wîtigîre irethiû ciao, nîûndû o aremi.

Ezek 2:8

“Nwatî we mûndû thikîrîria ûrîa ngûkwîra, na ndûgatuîke mûremi ta andû acio. Vingûra kanyua ûrîe kîrîa ngûkûnengera.”

Ezek 20:49

Nînaacokire ngiuga atîrî, “Ngai-Mûnene! Andû aya mararia ûvoro wakwa makiugaga: ‘Kinthî mûndû ûyû ndaragia maûndû na ngerekano?’ ”

Ezek 24:6

Kwoguo Ngai-Mûnene arauga atîrî, “We îtûûra rîîrî rîa aûragani, kaî ûrî na thîna-î! Îtûûra rîîrî rîkariî ta thuvuria îrî na kutu îtangîthira. Inuku cia nyama irutagwa thuvuriarî kîmwe gwa kîmwe itakûthuurûkanua.

Ezek 3:9

Nîngatûma ûthiû waku ûme ta îthiga rîrîa rîûmû mûno. Ndûgetigîre kana ûmakue nîo nîûndû nî andû aremi.”

Mika 2:4

Kavinda kau gakinya andû nîmakaainaga makîmûthekerera, makaarîra na macakae makiugaga atîrî, ‘Nîtûcûkangîtue viû; Ngai-Mûnene nîwocete vûrûri wetû, nîatûcunîte guo kuuma njararî cietû, mîgûnda yetû nîamîgaîrîte andû arîa maatûtavire.’ ”

Maariko 12:12

Nao anene a Ayahudi nîmaageririe kûmûnyita nîûndû nîmaamenyire atî nî ûvoro wao Jesû aaragia na ngerekano îo. Nwatî nîmeetigîre kîrîndî na kwaguo makîmûtiga na makîîthiîra.

Luka 8:10

Nake nîwamacokerie atîrî, “Mue mûrî ave ûûgî wa kûmenya nthitho cia Ûthamaki wa Ngai, nwatî andû arîa engî mamenyithagua ûvoro na ngerekano, nîguo maroragie na matione wanarî kîndû, na megucage na matitaûkîrwe.”

Ciîko 7:51

Nake Stefano nîwathiîre na mbere na kwaria akiuga atîrî: “Na kaî mue andû aya mûrî aûmû ngoro-î! Atî mue mûtirenda gwîtîkia Ngai wana kana kûthikîrîria ndûmîrîri yake! Atî vîndî cionthe mue nîkwa mûregaga kûthikîrîria Roho Mûtheru. Mue mûreka wata ûrîa methe menyu ma tene meekire.