Ezek 24:17 - ÎVUKU RÎA ÛVORO MWARO

¹⁷ Caa ûtakugîrîria, na ndûgacakaîre ûrîa ûkuîte. Îyove kîremba na wîkîre iratû magûrû. Ndûgekunîke ûthiû na ndûkarîe irio irîa irîcagwa vîndî ya macakaya.”

Ezek 24:17 ပူးပေါင်းရင်းမြစ်များ

2Sam 15:30

Daudi nîwaunûkirie kîrîma Kîam mîtamaiyû îrîa îciaraga matunda arî magûrû matheri akîrîraga; eekunîkîrîte kîongo ta mûndû agîcakaya. Nao andû onthe arîa maarî nake nîmeekunîkîre ciongo na makîmûrûmîrîra makîrîraga.

Thaburi 37:7

Vorera na weterere Ngai-Mûnene agûtethie; ndûkamakue nî arîa marathiî na mbere na maûndû mao, kana arîa mavangaga mîvango mîcûku na îgakinyanîra.

Thaburi 39:9

Mbîkariî ta mûndû ûtaicî kwaria, tîmbuga wanarî ûndû, nîûndû we nîwe ûtûmîte nthînîka ûguo.

Thaburi 46:10

Augaga atîrî, “Vorerani, na mûmenye atî nînie Ngai, nînie mvetwe gîtîîo mavûrûrirî monthe, nînie ndîîtwe nthî yonthe.”

Isaia 20:2

Ngai-Mûnene nîwerire Isaia mûvîcî wa Amozu atîrî, “Thiî ûrute nguo îo ya macakaya wîyovete kîûnûrî na ûrute iratû magûrûrî maku.” Nake Isaia nîwekire guo, akîthiî arî njaga na arî magûrû matheri.

Jeremia 13:18

Ngai-Mûnene nîwambîrire atîrî, “Îra mûthamaki na ng'ina maume itîîrî cia ûthamaki, nîûndû nthûmbî ciao irîa nthaka, nînyumu ciongorî ciao.

Ezek 24:18

Kwoguo, kîraûko nînaririe na andû, na kîvwaî mûka wakwa nîwakwire. Kîraûko Kîam mûthenya ûcio warûmîrîrîte nînekire wata ûrîa nathîtwe.

Ezek 44:18

Makeyovaga iremba cia nguo mbaro ciongorî ciao na mekagîre mîvuto ya nguo mbaro, nwatî matikeyova mîcivi nîguo matikathithine.

Hosea 9:4

Matikarutîra Ngai-Mûnene matega ma ndivei wana magongoona mao matikamûkenia. Irugo ciao ikethîrwa ciîkariî ta irugo cia macakaya, andû onthe arîa makaairîa nîmakaagîa na mûgiro. Ikethîrwa irî irio cia kûmavaithia tu; itikavirwa hekarûrî ya Ngai-Mûnene.

Alawi 10:6

Musa nîwacokire akîra Aroni na avîcî ake, Eliazaru na Ithamaru atîrî, “Mûtikarege gûcanûra njuîrî cienyu kana mûtembûrange nguo cienyu atî nîguo mwonanie mûrî na kîeva. Mweka ûguo mûgaakua, na Ngai-Mûnene akaarakara nî andû onthe. Nwatî andû enyu a Isiraeli nwa macakae nîûndû wa ikuû ino ciumanîte na mwaki ûrîa umire kûrî Ngai-Mûnene.

Alawi 13:45

“Mûndû ûrwarîte mûrimû mûcûku wa ngothi agekagîra nguo ino ndembûkangu, ndagaacanûra njuîrî na agekunîkaga mwena wa ngurumo wa ûthiû wake na njara na akanîrîra atî, ‘Ndirî mûtheru, Ndirî mûtheru!’

Alawi 21:10

“Mûthînjîri-Ngai Mûnene ûrîa mwîtîrîrie maguta ma kwamûrana kîongorî gîake nîguo ekagîre nguo cia ûthînjîri-Ngai ndagîrîrwe nî gwîkara atacanûrîte njuîrî ciake kana atembûrange nguo ciake.

Amosi 8:3

Mûthenya ûcio mûciî kwa mûthamaki gûkainwa nyîmbo cia macakaya. Gûkethîrwa na ciimba nyîngî, ikanyagarûkua kûndû kuonthe gûkirîtwe kivi.”

Mika 3:7

Arîa marathaga maûndû nîmagaconorithua, na andû arîa monaga maûndû makanyararagwa, onthe nîmagaakunîka tûnyua twao, nîûndû Ngai ndakamacokeria wanarî ûndû.

Habakuku 2:20

Nwatî Ngai-Mûnene arî hekarûrî yake ntheru; nthî yonthe nî îkare îkirîte îrî mbere yake.

Mathaayo 9:23

Nake Jesû nîwacokire akîthiî na agîtonya nyomba kwa mûnene ûcio. Na rîrîa oonire andû arîa maavuvaga inanda kûu mathikorî na ûrîa kîrîndî Kîamnegenaga Kîamgagîte,