Ezek 24:13 - ÎVUKU RÎA ÛVORO MWARO

¹³ Ciîko ciaku cia ûmaramari we Jerusalemu nîcio ikûgwatîtie mûgiro. Nageririe gûkûtheria ûkîrema. Kwoguo nîwîkara ûtarî mûtheru nginya rîrîa ûkegua ûrito wa marakara makwa.

Ezek 24:13 ပူးပေါင်းရင်းမြစ်များ

Isaia 22:14

Ngai-Mûnene mwene vinya wonthe nîwanguûrîrie akîmbîra atîrî, “Nama, mûtikoverwa wîvia ûyû nginya rîrîa mûgaakua.” Ûguo nîguo Ngai-Mûnene mwene vinya wonthe augîte.

Jeremia 13:27

Nîmonete ûgîka maûndû marîa menete, ûtharia na gûcumîkîra aka ene na ûmaraa mwîngî, kûu tûrîmarî na mîgûndarî. Mue andû a Jerusalemu kaî mwî na thîna-î! Nîmwîkara mûtatheretue nginya rî?”

Jeremia 31:18

“Nîmbîguîte Efiraimu akîaria arî na kîeva, ‘We nîûnthomithîtie kwathîka, nanie ngathîka, ta gacaû gatamenyeretue gwîkîrwa îcoki. Njokia kûrî we na nîngûgûcokerera, nîûndû we nîwe Ngai-Mûnene Ngai wakwa.’

Maca 1:9

Gîko gîake nîkîonekaga nguorî ciake, nwatî ndaamakaga. Kwoguo kûgwa gwake kwarî kûnene, gûtirî mûndû wa kûmûmîrîria. Ûi Ngai-Mûnene taroria mathîna makwa, nîûndû nthû yakwa nîîvootanîte.

Maca 5:22

Kana nîkwa ûtûtiganîrîtie viû? Nîkwa ûrî mûrakaru mûno nîtue?

Ezek 16:42

Ûguo nîguo ngaavoreria marakara makwa nawe, na nthirie wîru wakwa kûrî we. Nîngaacoka ngire ki na ndigaacoka kûrakara rîngî.

Ezek 22:24

“We Mûndû, îra andû a Isiraeli atî vûrûri wao tî mûtheru na kwoguo nînîûverithia nîrî na marakara.

Ezek 24:11

Nîngaacoka mbigîrîre thuvuria îtarî na kîndû riiko rîrî na mwaki îvîe mûno, cuuma yayo ya gîcango îvîe nî mwaki nîguo gîko kîrarûke nacio nganga ivîe ithire.

Ezek 5:12

Gîcunjî kîmwe Kîam ithatû Kîam andû enyu, nîmagaakua nî mûrimû mûcûku na yûra marî kûu mûrî; gîcunjî kîmwe Kîam ithatû kîngî nîgîgaakuîra mbaararî kûu îtûûrarî; gîcunjî kîu kîngî Kîam ithatû nîngaakînyagania nthî yonthe na njoke nîkîrûmîrîrie na rûviû.

Ezek 5:13

“Ûguo nîguo marakara makwa makaathira na mvorerie mang'ûrîka makwa kûrî o nîguo mbîganîre. Vuva wa ûguo nîmakaamenya atî nie Ngai-Mûnene nîmaverithîtie nîûndû wa kûrega gûtuîka evokeku kûrî nie.

Ezek 8:18

Kwoguo nîngamaverithia nîrî na marakara. Ndikaamacaîra kana nîmeguîra ntha. Wana mangîkaavoya maugîrîrîtie ndikaamathikîrîria.”

Hosea 7:1

Rîrîa rîonthe nenda kûrûnga andû akwa a Isiraeli na kûmavonia, wîvia wa andû a Efiraimu nîûguûragua, vamwe na ciîko njûku irîa ciîkîtwe nî andû a Samaria. Nao nîmaavenanagia; nîmavunjaga nyomba cia arîa engî, na acunani nîmaakavagîra andû njîrarî na makamacuna indo ciao.

Alawi 13:55

Nguo îo yarîkia kûthambua, mûthînjîri-Ngai nîakaamîroria, na ethîrwa varîa gîko kîrî vatagarûrûkîte rangi wana ethîrwa vatarî vatambu, nguo îo îrî na gîko. Mwene nguo îo nîakaamîvîvia wana ethîrwa gîko kîu kîrî mwena wa ndaarî kana wa nja wa nguo îo.

Alawi 14:43

Nyomba îngînyitwa nî gîko kîu rîngî vuva wa mathiga kûrutwa na nthingo kûng'arwa na kûthingwa rîngî,

Zefania 3:2

Ndathikagîrîria mûgambo wa wonthe, ndetîkagîra kûrûngwa. Ke ndetîkagia Ngai-Mûnene, na ndakuvîvagîria Ngai wake.

Zefania 3:7

Neîraga atî, nama andû akwa makanîtigîra, na metîkîre ngîmarûnga, nao matikariganîrwa nî ûrîa namaverithîtie. Nwatî andû ake nîmaathiîre na mbere kwîrirîria mûno gwîka maûndû mao macûku.”

Zakaria 6:8

Mûraika nîwacokire akîmbîra augîrîrîtie atîrî, “Mbarathi irîa ithiîre na mwena wa rûgûrû nîciavoreria marakara ma Ngai-Mûnene vûrûrirî wa mwena wa rûgûrû.”

2Akor 7:1

Arata etû ciîranîro ino cionthe nî tue tûthondekeretwe. Kwoguo tigani twîtherie kuuma kûrî ûndû wa wonthe ûrîa ûtûmaga mwîrî na roho ciîkare itarî ntheru. Tigani twîthagîrwe tûrî atheru viû na njîra ya gûtûûra twîtigîrîte Ngai.

Kûguû 22:11

Kwoguo ûrîa wîkaga naaî nî athiî na mbere gwîka naaî, nake ûrîa mwaganu nî athiî na mbere kwagana. Mûndû ûrîa mwaro nî athiî na mbere gûtuîka mwaro, nake ûrîa mûtheru nî athiî na mbere gûtuîka mûtheru.”