Ezek 23:32 - ÎVUKU RÎA ÛVORO MWARO

³² Ngai-Mûnene arauga atîrî, “Ûkaanyuîrîra gîkomberî kîrîa, mwarwanyûkwe aanyuîrîre, gîkombe kînene na kîrikîru. Andû nîmagaakûthekerera na makûnyarare; na nîgîcûru.

Ezek 23:32 ပူးပေါင်းရင်းမြစ်များ

1Atha 9:7

nîngaaruta andû akwa a Isiraeli kuuma vûrûrirî ûrîa namaveere. Nîngaacoka ndiganîrie hekarû îno nyamûrîte îgatuîka yakwa ya kûngoocagîra, nao Aisiraeli nîmakaavûthua na manyararwe nî andû a ndûrîrî cionthe.

Thaburi 44:13

Andû arîa tûriganîtie nao nîmarona ûrîa watwîkire, na nîmaratûruma na magatûthekerera.

Thaburi 60:3

We nîûtûmîte andû aku manyamare mûno; tûtûgûgaga ta mîrîu ya ndivei.

Thaburi 79:3

Nîmetûrûrîte nthakame ya andû aku ta manjî Jerusalemu, na gûtirî mûndû ûtigarîte wa kûthika andû acio akuû.

Isaia 51:17

Ûkîra, ûkîra, rûngama, we Jerusalemu! We ûnyuithîtue nî Ngai-Mûnene gîkombe Kîam marakara make, we ûkînyuîte nginya wakîthiria, wanyinyûkîrîrie mbakûri na îgîtûma ûtûgûge.

Jeremia 25:9

nîngûtûma mîvîrîga yonthe ya mwena wa rûgûrû, na Nebukadinezarû mûthamaki wa Babuloni, ndungata yakwa matharîkîre vûrûri ûyû na atûûri a guo vamwe na mavûrûri monthe marîa mamarigicîrîtie. Nîngamacûkangia viû na ndûme megue guoya, manyararwe na matûûre na gîconoko.

Jeremia 48:26

“Vani Moabu ndivei nîguo arîwe viû, nîûndû nîwenenevirie gûkîra Ngai-Mûnene. Moabu nîakagaraga matavîkarî make na nîakaathekererwa nî andû.

Ezek 16:57

Kinthî ndwekire ûguo mbere ya maûndû maku marîa macûku mamenyeka? Rîu we ûtuîkîte wata Sodomu, ûgatuîka kîndû gîa kûthekagîrîrwa nî erîtu a Edomu na arîa mariganîtie nao, na erîtu a Filisiti na arîa mamathiûrûrûkîrîtie na makûmenete.

Ezek 25:6

Nie Ngai-Mûnene Ngai mbugîte atîrî, “Mue nîmwavûrire mvî na mûkîrûgarûga mûkenete na mûkîmenereria vûrûri wa Isiraeli.

Ezek 26:2

“Mûndû, andû a Turo nîmaathekerere îtûûra rîa Jerusalemu makiugaga atî, ivingo ciakuo nî munange na ikavingûka. Rîu andû a Turo nîo mekûgîa na ûtonga nîûndû Jerusalemu nînjûkangie.

Ezek 35:15

wata ûrîa we wakenire rîrîa vûrûri wa Isiraeli wanangirwe. Kwoguo ûguo nîguo ngaagwîka. Kîrîma gîa Seiru nîgîgaatuîka werû, wana vûrûri wonthe wa Edomu. Nao nîmakaamenya atî, nie nînie Ngai-Mûnene.”

Ezek 36:3

“Kwoguo vecana ûrathi muge Mwathani Ngai-Mûnene augîte atî, Nthû nîciatûmire mue irîma mûtuîke werû na nîmaamûcûkangirie mîena yonthe na mûgîtuîka îgai rîa mavûrûri mengî. Kwoguo mwatuîkire kîndû gîa kûthekagîrîrwa na gûcambua nî andû.

Ezek 5:14

Nacio ndûrîrî irîa ikûthiûrûrûkîrîtie nîigaagûtua kîndû gûtarî, na andû arîa makavîtûkagîrîra vakuvî nawe makûnyarare.

Ezek 5:15

“Rîrîa ngaamûverithia nîrî na marakara meengî, nîmûgaatuîka kîndû gîa kûthekagîrîrwa na kûrumwa nî ndûrîrî irîa imûthiûrûrûkîrîtie. Nie Ngai-Mûnene nînie nauga ûguo.

Hosea 7:16

Nîmagarûrûkîrîte ngai ya Baali, mekariî ta ûta mûregerû. Atongoria ao makaûragîrwa mbaararî, nîûndû wa ciugo ciao cia mwîtîîo. Kwoguo nîmakaanyararwa marî vûrûri wa Misiri.

Mika 7:8

We nthû yakwa ndûgakene rîrîa nîrî thînarî. Rîrîa nagwa, nîmbûkagîra, rîrîa nîrî ndumarî, Ngai-Mûnene nîke ûtheri wakwa.

Gûco 28:37

Andû a mavûrûrirî marîa Ngai-Mûnene akaamûvira nîmakaanyitwa nî guoya mona maûndû marîa mekîkîte kûrî mue. Nîmakaamûnyarara na mamûthekerere.

Kûguû 16:19

Narîo îtûûra rîrîa rînene nîrîagaûkanire icunjî ithatû. Namo matûûra marîa mengî manene nthî nîmanangîkire. Nake Ngai nîwaririkanire îtûûra rîrîa înene rîtagwa Babuloni, na agîtûma rînyue ndivei kuuma gîkomberî gîake Kîam marakara.

Kûguû 18:6

Mwîke wata ûrîa ke agwîkîte, mûrîve maita maîrî ma ûrîa ke aagwîkire. Îcûria gîkombe gîake ndivei ndûrû maita maîrî ma îrîa ke amûthondekerete.