Ezek 23:29 - ÎVUKU RÎA ÛVORO MWARO

²⁹ Nîûndû wa ûrîa makûthûrîte, nîmagaagûcuna indo ciaku irîa ûtûîre ûthûkûmaga na magûtige ûrî njaga ûtarî nguo. Nayo njaga ya ûmaraa waku nîîkonekana, ûmaramari na ûraa waku cionekane.

Ezek 23:29 ပူးပေါင်းရင်းမြစ်များ

2Sam 13:15

Vuva wa ûguo, Amunoni nîwamenire Tamarû mûno. Nîwamûmenire gûkîra ûrîa aamwendete mbererî. Amunoni nîwacokire akîîra Tamarû atîrî, “Ûkîra na ûthiî.”

Jeremia 13:26

Nie nîngûkûnja nguo nginya kîongo, na njaga yaku nîîkonekana.

Maca 1:8

Jerusalemu nîyevirie mûno, kwoguo nîyagîre gîko, arîa onthe maarîtîîaga nîmaarînyararire, nîûndû nîmoonire njaga yarîo, Jerusalemu îcaaga na îkenamia ûthiû nîûndû wa nthoni.

Ezek 16:39

Nîngaakûnenganîra kûrî anyanya aku, na nîmakaatharia kûndû gwaku gwa kûgoocagîra na kûndû kûrîa gûtûgîru. Nîmagaakûruta nguo vamwe na mathaga na magûtige ûrî njaga.

Ezek 22:9

Kûrî na andû marî ndarî yaku maragia maûndû ma maveeni megiî andû arîa engî nîguo maûragwe, na andû engî marîcaga irio irîa irutîrîtwe mîvuanano irîmarî; mekaga maûndû ma ungumania wa ûkîonaga.

Ezek 23:18

Rîrîa eyonithanirie kûrî andû atî ke nî mûmaraa na akîonania njaga yake, nînaamûtiganîrie wata ûrîa naatiganîrîtie mwarwang'ina.

Mika 1:11

Mue andû a Shafiri, umagarani mûrî njaga na mûconokete, atûûri a Zaanani mûtikaume nja ya îtûûra rîenyu. Andû a Bethezeli nîmararîra, matirî na kûndû gwa kûûrîra.