Ezek 23:25 - ÎVUKU RÎA ÛVORO MWARO

²⁵ Nîûndû nîrî na marakara, nîngaatûma magûtuîre marî na mang'ûrîka. Nîmagaagûtinia na rûviû maniûrû na matû, macoke manyite anake na erîtu aku. Nao andû arîa magaatigara matakuîte, nîmakaavîvua na mwaki.

Ezek 23:25 ပူးပေါင်းရင်းမြစ်များ

Ntha 34:14

“Mûtikaagooce Ngai wîngî, nîûndû Ngai-Mûnene ûrîa rîîtwa rîake arî ‘Wîru’, nî Ngai ûrî wîru.

Nthi 6:34

Wîru nîûtûmaga mûndûmûrûme anyitwe nî marûrû, na ndarî ntha rîrîa akwîrîvîrîria.

Rwîmbo rwa Nyîmbo 8:6

Ngororî yaku ndûkagîe wendo na mûndû wîngî tiga nie, ndûkamumunye mûndû wîngî tiga nie. Nîûndû wendo ûrî vinya ta gîkuû, wîru nî mûcûku ta gîkuû kîo kîene. Wendo ûrîrîmbûkaga ta mwaki, wakanaga ta mwaki ûtangîvoreka.

Ezek 23:29

Nîûndû wa ûrîa makûthûrîte, nîmagaagûcuna indo ciaku irîa ûtûîre ûthûkûmaga na magûtige ûrî njaga ûtarî nguo. Nayo njaga ya ûmaraa waku nîîkonekana, ûmaramari na ûraa waku cionekane.

Ezek 23:47

Gîkundi kîu Kîam andû nîgîkaamariva na mathiga na kîmaûrage na mviû. Nîgîkaaûraga anake ao na kîûrage erîtu ao, na nîgîkaavîvia nyomba ciao.

Ezek 24:21

mbîre andû a Isiraeli atî nîmwîtîîaga na ûnene wa hekarû yake, nîmûmîriragîria na nîmûkenaga nîyo mûno mûkîmîona. Ngai-Mûnene nîakagwatia nyomba îo mûgiro na ciana cienyu cia anake na cia erîtu irîa mwatigire vuva, ikaaûragwa na rûviû.

Ezek 5:13

“Ûguo nîguo marakara makwa makaathira na mvorerie mang'ûrîka makwa kûrî o nîguo mbîganîre. Vuva wa ûguo nîmakaamenya atî nie Ngai-Mûnene nîmaverithîtie nîûndû wa kûrega gûtuîka evokeku kûrî nie.

Zefania 1:18

Mûthenya ûcio wa marakara ma Ngai-Mûnene sîlûva ciao kana thaavu ciao itikaavota kûmavonokia. Nîûndû wa mwaki wa wîru wake, nthî yonthe nîîkavîa. Nîakaathiria na îvenya arîa onthe matûûraga nthî.”

Gûco 29:20

Ngai-Mûnene ndakoovera mûndû ta ûcio. Vandû va ûguo, nîakaarakara nî mûndû ûcio na nîakaanyitwa nî irumi cionthe irîa mandîke îvukuurî rîîrî, nginya rîrîa Ngai-Mûnene akaathiria rîîtwa rîake gûkû nthî viû.

Kûguû 18:8

Nîûndû wa ûguo, mûthenya ûmwe nîakaaverithua na mûrimû, kîeva na yûra, na acoke avîvue na mwaki, nîûndû Mwathani Ngai, ûrîa ûmûtucagîra ciira nî mwene vinya.”